1 SAMUEL 5:4 - Kathara Bible (BSI)

⁴ Kha akhama kathā ngathorthakva̱ ayanglui kaji eina, yanglu, Prohowui oko mangāli ngakhumshāmhaida Dagon angunmāng leisai; kaja akuila, apangla katatshokhailaga khāmongpheili leisai.

1 SAMUEL 5:4 Iomraidhean Croise

ISAIAH 27:9

Chiwui vang eina china Jacobwui khayonkhamāng shimitmihaora; kala china awui morei khuithuikhamiwui kākashung athei ngasāra. Hanphutwui ngalung saikora akha̱ sāngasak kahai tharan, Asherimwui lah nganamkaphā riktākhavai hanphutla maleisāluimara.

ISAIAH 40:20

Kachāma mina pha̱phayā khavai mapārki kaji thing kapangkhui; kala them kathema phākhuida makhangatha̱ meoma̱ sākhui.

JEREMIAH 10:11

Chieina nana athumli hithāda hāngra: “Kazingram eina ngalei makasā varebing chi okathuiwui eina kala kazingwui azingwui eina shimānhaora.”

JEREMIAH 10:14

Mi kachiva̱ mangma̱haida theikhuikathei maleimana; sinā kasaa kachiva̱li awui meoma̱wui vang khayak ngasaka, kaja, awui ama̱bing chi makhamashungana, kala athumwuili khaksui maleimana.

JEREMIAH 10:15

Athum chi kānkhanā makhalei mangshong eina sākakhuina. athumli tandi khami atamli athum shimānhaora.

JEREMIAH 50:2

“Okathui yurbingwui alungli chishātta vaomalānlu, philān khāngkāda vaomalānlu: mathumhaila hānglu: ‘Babylon khuihaira, Belli maishi ngasakhaira, Merodachli wukkhanang ngasakhaira. Awui meoma̱bingli maishi ngasakhaira, awui meomabing wukkhananghaira.’”

DANIEL 11:8

Kala ana athumwui varebing, pāng eina sākakhui, sinā lupāwui meoma̱bing kala khorkhong Egyptli phungkortāhaora; kala atam kasha̱kha atungwui awungali rai masāmara.

MICAH 1:7

Awui meoma̱ saikora akha̱-akhā sāmihaora, khayorva̱̱bingwui eina samkaphang saikora mei eina thottāmihaora, kala awui meoma̱ saikora ina khikha masāvai ngasakmara; kaja khayorva̱̱ sāda khamasāwui eina meoma̱bing chi kazipkhui, kala chibing chi khayorva̱̱ khamasāli hanvāpapamra.

1 SAMUEL 6:5

kaja nathumli kakazā moksā ama̱, kala kashakazā shimān khangasaka shiok da sākhuilaga Israelwui Vareli tekmatei ngasaklu; chithākha nathumwuitungli, nathumwui varebingwuitunglila, nathumwui ngaleilila ana yangmilapai.