1 SAMUEL 5:10 - Kathara Bible (BSI)

¹⁰ Chieina athumna Varewui oko chi Ekronli chihovāhaowa. Kha Ekronli khuikhavā tharan chiwui mibingna, “Ithumwui mibingli sāthat khavai Varewui oko chi ithumli khuikharāna.” da mamayāthuwa.

1 SAMUEL 5:10 Iomraidhean Croise

2 SAMUEL 7:9

kala ina nawui kazatpam kachida ngasomi, nawui yangkashibinglila ina yuimi; kala okathuili ngammeikap kajebing thāda ina nawui aming reimeikap ngasakra,

2 WUNGNAOBING 1:2

Chitharan Samariali Ahaziahna awui mathāng atowui eina saotāda kazāhaowa; chiwui vang paome chihovāda hānga, “Vālu, kakazā hiwui eina I marainikhala Ekronwui vare Baal-zebubli angahānlu.”

1 THOTRINCHĀN 7:21

awui naomayara Zabad, awui naomayara Shuthelah, kala Ezer, eina Ele-ad, anili Gadwui ngalei chili kapharābingna sāthathaowa, kaja anina athumwui sha̱kei tāngapona.

AMOS 1:8

Ashdodwui eina chili okkathuibing ina katathaora, kala Ashkelonwui khānthing kasingalila; Ekronli mamayāmada ina pāng parra, kala Philistinewui shākkahai shimānhaora.” da Prohona hānga.

AMOS 6:2

Calneh kankālu, kala yanglu, chiwui eina kahaka Hamathli vālu; chiwui thili Philistinewui Gathli tālu. Nathumwui wungramli athumwui phāmeila? Lha athumwui ngaleina nathumwui ngaleili reimeila?

JOSHUA 13:3

(Egyptwui zingshoshong khalei, Shihor eina thuida atungshong Ekron thari shangshungda, Canaanbing da katheiyur. Ngalei chi Philistine wungnao phangā kaja Gaza, Ashdod, Ashkelon, Gath kala Ekron hibingwui), azingshong Avvimwui ram saikora,

JOSHUA 15:11

thari chi Ekron kaphungwui amai matungmeida shoklaga, Shikkeron vākuikhuilaga Baalah Kaphung ngalemli tai; kala Jabneelli shoka; chiwui eina thari chi shamadruli ungtanga.

JOSHUA 15:45

Ekron, kala chiwui keinungbing eina chiwui kha̱bing;

WUNGVA̱-WUNGVĀ 1:18

Judahna Gaza kala chiwui leiretbing khui; Ashkelon kala chiwui leiretbing, Ekron kala chiwui leiretbingla khuiserhaowa.

1 SAMUEL 17:52

Kala Israel eina Judahwui mibingna athumli Gath vāshungda, kala Ekronwui ngavei vāshungda kharomvai; kala Sha-araim eina thuida Gath kala Ekron vāshungda kharomvāda Philistinenaobing kachungkha sāthathaowa.

1 SAMUEL 5:11

Chiwui vang eina, Philistinewui wungnao saikorali hokhuilaga, “Israelwui Varewui oko chi chihounghaolu, kala awui pamli unghaoranu, chieina china ithum kala ithumwui mibingli masāthatmara.” da hānga. Kaja keinung katonga khangacheena nganukyikhaowa.

1 SAMUEL 5:9

Kha athumna chili khuikhavā eina keinung chilila, Prohona tandi mida khararnaosan mateila keinung chili moksā shokserhaoda khangacheena nganukyikhaowa.

1 SAMUEL 6:1

Prohowui oko chi Philistine ngaleili kachāng shini hai.