1 SAMUEL 4:3 - Kathara Bible (BSI)

³ Kala raimibingna shimli hankhaung tharan Israel khararnaobingna, “Kachiwui vang eina Prohona ithumli Philistinenaobingwui mangāli maishi ngasakhao? Ithumna Prohowui tuingashit oko chi Shilohwui eina hili khuiunghaosa; chithākha ana ithumwui alungli rāda yangkashebingwui pangshap eina ithumli kanmira” da hānga.

1 SAMUEL 4:3 Iomraidhean Croise

2 SAMUEL 15:25

Chiwui thili Davidna Zadokli hānga, “Varewui ningkhami oko chi keinungli khuiunghaolu. Prohona ili leishimiakha thānungmiluishitta, hila mibingla ungsamphangluira;

1 THOTRINCHĀN 17:1

Davidna awui shimli pamlakha marān Nathanli hānga, “Yanglu, ina cedarthing eina kasā shimli pamda lei; kha Prohowui tuingashit okova kachonshimli haili.”

LAA 74:1

O Varivara, ithumli khisāda nana chihochaohaokhala? Nawui seihomphungwui yaobingli khisāda malung khākhala?

LAA 74:11

Khisāda napāng kasaikha haihaokhala? khisāthuda nawui yāpang namathik tungli haipamkhala?

ISAIAH 50:1

Hithāda Prohona hānga: “Nava̱li ina chiho khavai kapāngwui lairik kali lei? Lha, iwui kachishuta khipāwui pangli nali ina yorsanghao? Yanglu, nawui khayonkhamāngwui vang nali yorkahaina, kala nawui khalāngwui vang nava̱li ina chiho kahaina.

ISAIAH 58:3

“Ithumna kakhum eina kapam, nana khisāda matheithukhala? Ithumna hamsangakha khisāda nana chi mayangmithukhala?” Yanglu, nathumna khumlala nathum khalattawui ringkaphāmāng phai, kala nathumwui ot sākhamibingli rekhareka.

ISAIAH 59:1

Yanglu, huimi khavai Prohowui pāng masha̱nāmana; shākhavai khanāla mangazanmana;

ISAIAH 59:2

kha nathumwui khayonkhamāng china Vare eina nathumwui ngachaili ngatei ngasak kahaina, kala nathumwui moreina awui mai nathumwui eina thumhaowa, chiwui vang ana makashāna.

JEREMIAH 3:16

Ngalei chili nathumna chungsangda mataisang kahai tharan, “Prohowui tuingashit oko” da mahāngluimara da Prohona hānga. Chi ningli marāza̱luimara, kaphaningla maphaningungluimara; kasāla masāvailuimara.

JEREMIAH 7:4

‘Hi Prohowui khorumshimna, Prohowui khorumshimna, Prohowui khorumshimna’ da mikhanam tuili makhuisanglu.

MISHĀN 10:33

Chiwui thili athumna Prohowui phungrei chiwui eina kathumthangwui shongzā zatuwa, kala athumwui ngasām khavaipam phākhui khavai tuingashit oko china rida zata.

MISHĀN 10:35

Kala oko china zatphok kajida Mosesna hānga, “Thuilu, O Proho, kala nawui yangkashebing chaiyānghaoranu; kala nali ningkakachaibing nawui mangāli yāmchanghaoranu.”

MISHĀN 31:6

Kala athum mi thing tharāda khani chi pāngmon Eleazarwui nao Phinehasli ngasoda raili chihovai; awui pāngli katharapamwui khorkhongbing kala khongkhavai talla̱la sangmi.

KHALATLUI 29:24

mha, yur saikorana, ‘Khiwui vang Prohona ngalei hili khisāthuda hithāda sāhaokhala? Hiyakha malungkhavāt hi khi maramwui vangkhala?’ da athumna hāngra.

KHALATLUI 31:26

“Ainwui lairik hi khuilaga Proho nathumwui Varewui tuingashit okowui ngalemli hailu, kaja hi nathumwui shākhi sakhavaina.

2 TIMOTHY 3:5

Athumna akorli phārekta dharmarinwui otsak sālaga kachangkhat chiwui pangshapliva makhuisangmara.

HEBREWNAO 9:4

Chili nganamkaphā riktā khavai sināwui hanphutpam sinā eina kharoma tuingashit oko hai. Oko chiwui alungli manna sangkhavai sinakhong, lijeili awon khawon Aaronwui khāmshui, kala ningkhami kapisang kahai lungphek khani chila sanghai.

JOSHUA 4:7

chitharan Prohowui tuingashit oko mangāli Jordanwui tara̱ chi thenghaowa kaji nathumna athumli pheichitheira. Jordan khamakān chitharan Jordanwui tara̱ thenghaowa. Chiwui vang eina ngalungguibing hi Israel mibingli katang makhavai phaningung khavai ngasāra.”

JOSHUA 6:6

Chieina Nunwui naomayara Joshuana pāngmonbingli hokhuida hānga, “Tuingashitwui oko chi ngava̱kālu kala pāngmon shinina yaovāngajiwui talla̱ shini khuiphungda Prohowui oko mangāli zatngasaklu.”

JOSHUA 7:7

Chieina Joshuana hānga, “Iyavo, O Proho VARE, khisāda mibing hili Jordan kānda khuirāsakhala? Amorbingwui pāngli misangda thikhavai kasāla? Ithum Jordan makānla lākhavāk pamsasi kaje phāmeira!

JOSHUA 7:8

O Proho, Israelna athumwui yangkashibingwui eina yāmthui kahai tharan ina khi hāngrakhala?

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.

JUDE 1:5

Hiwui pongli nathumna theida lei jilala Israelnaobingli Prohona Egyptwui eina kathada thānshokmi, kala naoda mashitkasangbingli kathada shimān ngasakhao kajiwui pongli ina nathumli phaningung ngasakli.

1 SAMUEL 1:24

Kala nao china na̱ reikahai eina, kum kathumwui mukkā akha, mathir shungkha, drakhāra̱ sangkhavai sāhuikhongkha da khuiphunglaga Prohowui shim Shilohli khuikai, chitharan nao chi nganuisai.

1 SAMUEL 14:18

Kala Saulna Ahijahli hānga, “Varewui oko chi hili khuirālu.” Atam chitharan Varewui oko chi Israelwui mibingli ngasozatsai.

1 SAMUEL 4:2

Philistinenaobingna Israelli ngasungda angaher eina shoknganinga, kala rai alung kazang eina, Israelli Philistinenaobingna maikashi mida mi thingmati sha̱kha thihaowa.