1 SAMUEL 3:9 - Kathara Bible (BSI)

⁹ Chiwui vang eina Elina Samuelli hānga, “Ungpiulu, kala kalikhada ana raholuishitakha, ‘Proho, hāngmilu kaja narao I nganādalei da ngahānkālu.’” Chieina Samuelna awui apamli ungpihaowa.

1 SAMUEL 3:9 Iomraidhean Croise

LAA 85:8

Vare Prohona khi hāngrakhala da ina nganāka, kaja awui mibingli ana chingri kahai tui hāngra, awui katharabingli, ning ngateida latkhaungbing chili.

LAA 85:9

Kachangkhatta, ali khangacheebingwui vanga huikhami nganailakhaira, kaja tekhamatei chi ithumwui ngaleili leira.

SHONGZĀ 20:19

kala Mosesli hānga, “Nana ithumli hānglu, ithum nganāra; kha Varena ithumli mamatuiaranu, ithum thihaipaishina.”

ISAIAH 6:8

Kala Prohona hithāda kahāngkhon chi ina shai, “Ina khipāli ina chihorakhala, kala khipāna ithumwui vang vārakhala?” Chieina ina hānga, “I hili leili! Ili chihomilu.”

DANIEL 10:19

Kala ana hānga, “O leishikhailak kahaia mi, mangacheealu, nali chingrihairanu, pingmeida malung zangmeilu.” Kala ana ili kahāng eina I pangsanghaida chieina hānga, “Ishameina hāngmilu; kaja nana ili pangngasakhaira.”

OTSAK 9:6

Kha ngakarthuida keinungli zanglu, chili nana sāki kaji hāngminaora.”

JOSHUA 5:14

Chieina ana hānga, “Maningmana; kha I Prohowui raimi akhavā sāda kharāna.” Chieina Joshuana ngakhumshāmhaida khoruma kala ali hānga, “Ameina naraoli khi sālu jikhala?”

1 SAMUEL 3:10

Kala Prohona ranganingda kharewui tākam eina, “Samuel! Samuel!” da hoi. “Kahāngmilu, kaja narao ina nganādalei.” da Samuelna ngahānkai.

1 SAMUEL 3:8

Prohona Samuelli kakathuma raholuishita; ana ngakarthuida Elili, “I hili leili, kaja nana ili hoi” da hānga. Chieina nao hili Prohona kaholakra da Elina phaningkhui.