1 SAMUEL 3:11 - Kathara Bible (BSI)

¹¹ Chieina Prohona Samuelli hānga, “Yanglu, ina Israelwui alungli sākida khalei ot hi khanā khani kakā kachiva̱na shāda nganaringhaira.

1 SAMUEL 3:11 Iomraidhean Croise

2 WUNGNAOBING 21:12

Israelwui Proho Varena hithāda hānga, Yanglu, Jerusalem eina Judahwuitungli kasaka tandi mira, kala chi kashā mibingna khanā mathakra.

JOBWUI LAIRIK 41:9

Yanglu, miwui kachihān maungshungrarthura; awui mikyanli a teolakhaira.

ISAIAH 28:19

Kala chi kharā kachida nali za̱chingra; kaja chi ngathor kachida rāra, ngashunla ngayāla rāra; pao chi bhab katā tharan ngacheenāhaora.

ISAIAH 29:14

Chiwui vang eina yanglu, matakhak kahai ot ina athumli saluishitra, hakkhamahā kala matakhak kahai ot; thangkhamabingwui thangmei shimānhaora; theithangkhamabingwui theithangkhamei chi ngathumihaora”.

JEREMIAH 19:3

Nana hāngra: “Prohowui tui nganālu, O Judahwui awungabing, kala Jerusalemwui mibing. Israelwui Vare, saikorawui Prohona hithāda hānga, Yanglu, apam hili ina chiyākha zakkashi ot shokngasakki kaji hi kashābingna khanā mathakra.

HABAKKUK 1:5

Yurbingwui ngachaili yanglu, kala theikhuilu; matakhakhaida kashuilu, kaja hānglala nathumna mashitsangki kaje ot ina nathumwui atamli sāda lei.

LUKE 21:26

Okathuili rāshoki kaji chi phaningpamda mibingna khangachee eina ning shimānra; kaja, kazingramwui pangshapbing nganuk ngasakra.

OTSAK 13:41

‘Yanglu, he mana̱shikazarbing! Nathum matakhakhaida shimānhaora, kaja ina aja nathumwui thotli kasā otsak hi, khangatei akhana hāngchitheilala nathumna mashitsangphāphāki kaji otsakna!’”

1 SAMUEL 3:10

Kala Prohona ranganingda kharewui tākam eina, “Samuel! Samuel!” da hoi. “Kahāngmilu, kaja narao ina nganādalei.” da Samuelna ngahānkai.

1 SAMUEL 4:10

Chiwui vang Philistinenaobingna rai ngarara, kala Israelli mayuithuda athum ichichāwui shimli yāmungserhaowa; kala chili tarakha sāthathaowa, kaja Israel pheiwui raimi thingthumrā thisanghaowa.