1 SAMUEL 3:1 - Kathara Bible (BSI)

¹ Kateowa naoshinao Samuelna Eliwui azingli Proholi otram ngatha̱sai. Chitharan Prohona mili chan mangazekphāphāmana, kala marāmahāmiphāphāmana.

1 SAMUEL 3:1 Iomraidhean Croise

LAA 74:9

Ithumwui machut khavai ithumna matheimana, marān maleiluimana, atam karankharakhala da kathei ithumwui alungli akhala maleithura.

CHĀNSAM 29:18

Marānkhami makhaleipamli mibingna khangarin maleimana, kha ain khamayon mi chi sokhamina.

ISAIAH 13:12

Tānglāk kahai khamathā sinali tāngkhamei mi ina sākhuira, kala Ophirwui sināli sakkhamei mikumo sākhuira.

EZEKIEL 7:26

Ka̱lāshātwuitungli kalāshāt rāra, chankharopwui thili chankharop pemra; marānbingwui eina khamahā angahānra, kha ain chi pāngmonbingwui eina shimānhaora kala hāngkachithei chi ararnaobingwui eina shimānhaora.

1 SAMUEL 2:11

Chiwui thili Elkanahna awui shim Ramahli unghaowa. Kala nao china Elili ngasoda Proholi otram ngatha̱ya.

1 SAMUEL 2:18

Samuelna nganuilakha eina thuida khamenga kachon eina kasā ephod ngavaida Prohowui sheba sai.

1 SAMUEL 2:35

Kala iwui ningli ningkachāng saki kaje ningtongda shitkasanga pāngmon akha ina shokngasakra; kala ina ali makhangachei shimkhur sakāmira, kala iwui thao eina neomi kahai chiwui mangāli ana kashok-kazang yangmichingra.

1 SAMUEL 2:36

Kala nashi shimkhurli kataibing kachiva̱na ali lupāsā, lah khamuitang rāpoda, ili zāt ngahomkhamāngla samphang khavai pāngmonpamli kasangmilu” da rāpora.

1 SAMUEL 3:15

Samuelna ngathor eina tangda piya; chiwui thili ana Prohowui shim khāmongbing ashohaowa. Kala Samuelna ali rākhamahā chi Elili hāngkida ngacheehaowa.

1 SAMUEL 3:21

Kala Shilohli Prohona Samuelli rachitheiluiya, kaja Proho akhalattana Samuelli awui tui eina rāphongmiluishita.