1 SAMUEL 26:5 - Kathara Bible (BSI)

⁵ Chiwui thili Davidna Saulwui rairum chili vai; kala Saul eina Nerwui naomayara raimi kathāna, Abner aniwui pikhavai pam theihaowa; raimibingna awui kuikhamareili rairum sāda alungthungli Saulna pipama.

1 SAMUEL 26:5 Iomraidhean Croise

2 SAMUEL 3:27

Kala Abner Hebronli latungluishita, Joabna keinungwui ngaveipheili ngathumda angazek khavai thānvai; kala ana chili awukli toda, a thihaowa, kaja agato Asahelwui raithit hāngsangkakhuina.

1 THOTRINCHĀN 9:39

Nerna Kishwui avāva̱na, Kishna Saulwui, Saulna Jonathan, Malchishua, Abinadab kala Eshbaalwui avāva̱na.

1 SAMUEL 17:20

Davidna ngathorthak thuilaga yaobing chi yao khamayonawui pāngli haimihailaga, avāva̱na kakaso athishurda kashakazā chi khuiphungda khavā eina, raimibing rai sākhavaipamli ngavaorei vāmahungsai.

1 SAMUEL 17:55

Davidna Philistineli ngararkida khavā chitharan, Saulna ali theida awui raimi akhavā Abnerli hānga, “Abner, naoshinaopā hi khipāshinaokhala?” Abnerna, “Kathākhala, I matheimana” da hānga,

1 SAMUEL 26:4

Davidna ara̱yang khavai chihoda Saul rākachangkhata da theihaowa.

1 SAMUEL 9:1

Benjaminwui mi akha aming Kish hoda leisai, Benjamin shimkhurwui Aphiahwui naomayara, Bekorathwui naomayara, Zerorwui naomayara, Abielwui naomayarana; kashānga mina.