1 SAMUEL 24:9 - Kathara Bible (BSI)

⁹ Kala Davidna Saulli hānga, “Khisāda nana mibingwui tui nganāda, ‘Yanglu, Davidna nali makaphā sākida lei’ da kahāng chi khuisanghaokhala?

1 SAMUEL 24:9 Iomraidhean Croise

LAA 101:5

Khongnainaoli ngathumda khamashāt, ali ina shimān ngasakra. Hiksor kahai kala langkaso mili ina mamayāmara.

LAA 141:6

Athumli yonngasaki kajibingwui pāngli horsangkhami tharan, Prohowui tui mashunga da athumna theikhuinaora.

CHĀNSAM 16:28

Ning khamakhui mina khanganang ngayao ngasaka, kala kasupkazat mina ngasotnao kachachang kaingasaka.

CHĀNSAM 17:4

Makaphā kasā mina makhayā morchaiwui tui khui; kala kakapika mina sākashewui maleli shitsanga.

CHĀNSAM 18:8

Kasupkazata miwui tui han shaikaphā thai, phasāli vāshunga.

CHĀNSAM 25:23

Atungshongwui masina zingrot khuirai; kala mashātkathei malena thurshi eina yanga.

CHĀNSAM 26:28

Kakapika malena awui shaili yangkharinga, kala sotmasaokathei khamorna shimānkhavai sai.

CHĀNSAM 29:12

Khamungana khangui tui khuisangakha, awui otva̱bingla makhayā sāthura.

JEREMIAH 37:18

Jeremiahna awunga Zedekiahli hithāda hānglui, “Nali, nawui raobinglila, kala mibinglila ina khi khayon sāhaoda ili phātop sangkahaikhala?

PĀNGMONSHI 19:16

Nathum eina nathumwui mibing mamashātzat ngarokpaimana. Kala nakhongnaiwui khamashung bichar chili manganingkhampaimana; I Prohona.

JAMES 3:6

Male hi mei kathāna. Okathuili male hina khayon otmāng sai, kala phasā akai sāda phasā katongali maphāngasakmana. Kazeiramwui mei chi thotsangda mirin chuitā ngasaka.

1 SAMUEL 20:1

Chieina Davidna Ramahli khalei Naiothwui eina yāmlaga Jonathanli ungngahāna, “Ina khi sāhaokhala? Iwui khi khayon lei? Kala navāwui mangāli khi morei sahaoda ili sāthat khavai khangarānkhala?”

1 SAMUEL 20:41

Kala nao chi unghaikhaleoda, Davidna lungkhor ngalemwui eina shoklaga ngakhumshāmda kathumshi, kala ani akha eina akha maya̱khui ngaroka, kala David mavānranglakha eina tangda chapngaruma.

1 SAMUEL 24:10

Yanglu, aja zimiksho, namik eina theihaira, lungkhurlungli leilakha Prohona nali iwui pāngli horsangmi; kala kaikhana sāthathaolu da hānga, kha ina nali chihomi kahaina. Ina hānga, ‘Ishameili ipāng maparmara; kaja Prohona ali thao neomi kahaina.’

1 SAMUEL 24:8

Chiwui thili Davidla ngakarthuida lungkhurwui eina shoklaga Saulli, “Awunga, ishāmei” da shok hoi. Kala Saulna kapeikhaung eina Davidna ngakhumshāmda khayākashi chithei.

1 SAMUEL 26:18

Kala ana hānga, “Ishameina naraoli kharomkazat khiwui vangkhala? Ina khi sahaoda, ipāngli khi khayon leikhala?

1 SAMUEL 26:19

Chiwui vang eina amei awunga, narao iwui tui khanganāmilu. Kalikhada ili makhamayā khalei hi Prohona naningli ngatha̱ khangasakna jiakha pha̱kaphayā hi ana khuimiranu. Minakha, ali Prohona khonkashi ngasaranu; kaja Prohowui eina samphang khangayi yar chi masamphang ngasakla aja athumna ili kashamhaida hānga, ‘Thuiulu, khangatei varebingli akhorumlu.’