1 SAMUEL 20:2 - Kathara Bible (BSI)

² Kala ana ali hānga, “Khikha maleilakmana! Na mathilakmara. Yanglu, ishāvāna ili mahāngla kateola lah khareila masāmana; kala ishāvāna khiwui vang hi ili ngathumrakhala? Chi mamashungmana.”

1 SAMUEL 20:2 Iomraidhean Croise

HAOKAPHOK 44:7

Athumna hānga, “Ameina khisāda hikathā tui hānghaokhala? Naraobingna hikathā ot sākida katāva̱li lei.

LAA 40:6

Pha̱kaphayā kala kachigat nana ningkachāng maningmana, kha shākhavai nana ili khanā mathing ngasaka; rikkatā kachigat kala suiham chigat nana maningchāngmana.

CHĀNSAM 29:24

Khalewui angasotana akhalattawui rinli yangkharinga, khonkashi chi ana shai, kha mahāngphatmana.

ISAIAH 50:5

Proho VAREna ikhanā mathing ngasakhaira, kala ina mangakaishimana, ina khanuk masa̱naungmana.

LUKE 20:16

“Ana rālaga khamasābing saikora chili sāthatserhaora kala yāmgui chi mi kateibingli masā ngasakhaora.” Mibingna chi kashā eina “Chi Varena mamayāmana” da hānga.

JOHN 15:15

Ina nathumli rao maholuimana, kachiwui vangkhala kaja akhavāna khi salikhala kaji raona matheimana. Ina nathumli ngasotnao hoi, kachiwui vangkhala kaja ina iwui Avāwui eina shākakhui saikora nathumli hāngserhaira.

JOHN 17:8

khikhalajila nana ili khami paokaphā chi ina athumli mida athumna samphanghaira. Chieina I nawui eina rai kaji hi mashunga da athumna theihaira, kala nana ili kashirātna kaji athumna shitsanghaira.

JOSHUA 22:29

Awui tabernacle mangāli khalei ithumwui Vare Prohowui hanphut maningla rikkatā kachigat, tharāzāt kachigat, lah pha̱kaphayā hanphut khangatei sakāda Proholi ngakaishiki kaji kala Prohowui eina mai ngareithuihaoki kaji chiya ithumwui eina katāva̱li thuiranu!”

JOSHUA 24:16

Chieina mibingna ngahānkai, “Ithumna Proholi horhailaga khangatei varebingli otram ngatha̱ra kaji ithumwui eina katāva̱li lei;

1 SAMUEL 14:45

Chieina mibingna Saulli hānga, “Hakmahālak eina Israelna yuikhavai sakhame Jonathan thira kajila? Chi mathapailakmara! Prohowui ming singda kahāngna, Jonathanwui kuisam akha eina tangda matatungpaimara; kaja aja Varena ngasomida ana khamathā ot sāhaira.” Chiwui vang mibingna ali ngatangkhuihaoda Jonathan mathithuwa.

1 SAMUEL 20:1

Chieina Davidna Ramahli khalei Naiothwui eina yāmlaga Jonathanli ungngahāna, “Ina khi sāhaokhala? Iwui khi khayon lei? Kala navāwui mangāli khi morei sahaoda ili sāthat khavai khangarānkhala?”

1 SAMUEL 20:12

Kala Jonathanna Davidli hānga, “Israelwui Vare Prohona theiranu! Akhama hitharan, maningkha kakathumathang yanglu, ina ishāvāli kharakyanglaga ana nali kaphā sangaisakha, ina nali marāhāngmarala?

1 SAMUEL 20:3

Kha Davidna ngahānkai, “Nana ili leikashi navāna mathālak eina thei; chiwui vang eina, ‘Na wukkhananghaipaishina’ da makahāngra. Kha Prohowui ming singda kahāngna kala nanala katheina kaja, I kathiwui eina pheikārkhamaya.”

1 SAMUEL 9:15

Chitharan Saul marāranglakha ayā kathā Prohona Samuelli phongmihairasai;