1 SAMUEL 2:9 - Kathara Bible (BSI)

⁹ “Ningtongda shitkasangbingli ana mayonmira; kha makhayābingle tangkhamangli katatshokhaora; kaja, mina pangshap eina mayuimara.

1 SAMUEL 2:9 Iomraidhean Croise

JOBWUI LAIRIK 18:18

Kahorwui eina tangkhamangli hersangda, ali apuk-apagwui eina kashamhaowa.

JOBWUI LAIRIK 40:13

Chifalungli athum saikora thumserhaolu, athumli kathiramli khalaphaihaolu.

JOBWUI LAIRIK 5:16

Chithāda, makhamashungwui khamor kafamihaida khavātabingna kachihān samphanga.

JOBWUI LAIRIK 5:24

Nawui kachonshimli chingri eina kapam samphangra, kala nana nawui sha̱kei shānyangda kashimān maleimana kaji theira.

LAA 1:6

kaja Prohona khamashungabingwui apong chi yangda lei, kha makhayāwui apongva shimānra.

LAA 105:37

Chiwui thili sinā lupā eina ngasoda Israelli ana thānshoka; kala awui shang ngachaili khipāshikha phei mangaphokmana.

LAA 121:3

Naphei ana mangatha̱ ngasakmara; nali mayonkhame chi mapivāmara.

LAA 121:5

Prohona nawui mayonkhamena; nawui yāshong Prohona nawui khaya̱ sami.

LAA 121:8

Prohona nawui khaung khavā arui atam eina thuida katang mavaila mayonmira.

LAA 145:20

Ali leikashe saikorali ana ngākmi; kha makaphā makhayāli ana shimān ngasakra.

LAA 31:17

Ili makhayak ngasakmialu, kaja O Proho, ina nali ngakaoli makaphābing maishiranu, athum khakshumda Kathewui ramli vāranu.

LAA 37:28

Kaja Prohona mashunli leishiya, ana awui katharabingli mahorhaimara. Khamashung-khangarongbingli mashimān ngasaklakmara, kha makaphaawui naongarāli katathaora.

LAA 94:18

“Iphei nganaithuihaira” da ina kaphaning tharan O Proho, nawui makhangachei leikashina khāngkhuimi.

LAA 97:10

Makaphāli ningkakachaibingli Prohona leishi; awui katharabingwui manglā ana kanmi; makhayābingwui pāng eina ana kanshokmi.

CHĀNSAM 16:9

Miwui ningna awui apong ngarāna, kha Prohona awui pheikār chiza̱mi.

CHĀNSAM 2:8

mashun shongpong mayonmi, kala awui katharabingwui apong phārimi.

CHĀNSAM 3:26

kaja Prohona nawui ningshai khavaina, kala ana naphei maphatthui khavai mayonmira.

HĀSHOKME 5:17

awui mirin peida wukakhanang eina tangkhamanglungli okthuida, ningyāng maunglakla, kazāt khāngda, malungvātchir eina pamrala?

HĀSHOKME 9:11

Kala ina theiluiya kaja okathuili shongzā khangakhuili kathaknala maningmana, railila kapangnala maningmana, thangkhameimāngnala mazāmana, ningkazanmāngnala mashāngmana, kathemāngli lumkakā maningmana; kha saikorali atam athishurda kashoksera.

ISAIAH 27:3

“Proho, ina chiwui khamayonana; atam kachida ina tara̱ chaimi; khipanakha masāmashāt khavai, ngashun ngayā ina mayona;

ISAIAH 47:5

Va̱ri eina pamlu, kala tangkhamangli zanglu, O Chaldeanaobingwui naongalāva̱; kaja nali wungrambingwui akhavaiva̱ maholuimara.

JEREMIAH 8:14

Khiwui vang ithum kasaikha pamhaokhala? Kazipkhuilu, ngaveikharik kahai keinungbing chili zangsa kala chili thisangsa; kaja ithumwui Proho Varena chili thikhavai retsangmihaira, kala ithumli mang khavai hu sangkahai tara̱ mi, khikhalajila ithumna Proholi morei sāhaowa.

JEREMIAH 9:23

Prohona hithāda hānga: “Thangkhamana awui thangmeiwui vang malangsoaranu; kapingana awui pangshapwui vang malangsoaranu; kala kashāngana awui lanwui vang malangsoaranu.

NAHUM 1:8

Kha awui yangkashebingli tara̱ phongshilongda shimānchang shimān ngasakra kala awui yangkashebingli khangamilila kharomvāra.

ZEPHANIAH 1:15

Malungkathurwui zimiksho chi chithangna, sipkasā eina reokharangwui zimikshona, sākakazam eina sākashimān zimikshona; muiyā eina tangmangting kahaiwui zimikshona,

ZECHARIAH 4:6

Chiwui thili ana ili hānga, “Hi Prohona Zerubbabelli kahāng tuina: yāng einala maningma, pangshap einala maningmana, kha iwui Manglā eina kasāna, da saikorawui Prohona hānga.

MISHĀN 6:24

Prohona nathumli somiranu kala yangmiranu:

MATTHEW 8:12

kha wungramwui naomayarabingli khamayara tangkhamang horshokhaora, apam chili athum kachapla chapra kala ahāla tarira.”

ROMNAO 3:19

Ara ithumna thei kaja ainli hāngkahai kachiva̱ chi ainwui azingli khaleibingwui vangna, chiya mikumona hāngkakatei maleila okathui katonga Varewui bichar kasāli zangkhavaina.

KHALATLUI 33:3

Mha, awui mili ana leishi; ali tharchigat kahaibing awui pāngli lei; chieina athumna nawui pheikār chi shura, nawui chiza̱khami athishurda,

1 PETER 1:5

Khanaowa zimiksholi phongmiki kaji huikhamili ngaraida ningtongda shitkasang mangā eina Varewui pangshapna mayonmida khaleina.

2 PETER 2:17

Athum hiya thengkahai ura̱wok kala masina phankazat leichui kathāna. Varena kazeiramli athumwui vang pam ngarānhaida lei.

JUDE 1:1

Jameswui agato kala Jishu Khristawui otram khangatha̱a Judena, Jishu Khristana ngākkhami kala Avāva̱ Varewui leikashilungli kharinga Varena hokhui kahaibingli kagapina.

JUDE 1:13

Athuma shamadruwui sākashe ra̱ngaphao thada athumwui khayākhamala otsak chi amalao kashok thada phongshoka. Athum hi sirāpai kathāna, athumwui vang Varena makashimān tangkhamang chi ngarānmihaida lei.

JUDE 1:3

Leikashebing, ithumna samphangrumda khalei huikhamiwui pongli kapingailakhaoda, katharabingli metkhakashi eina vaikahai shitkasang chiwui vang ngarar khavai nathumli kapo hi darkar salakhaowa.

1 SAMUEL 25:26

Chieina ara, amei, Prohowui ming singda kahāngna kala nana katheina, Prohona nawui eina ashee tāngasakta athut makhui khangasak hi theilaga narao ina kapona; kaja nawui yangkashe saikora, kala nali makaphā sākhangaibing Nabal thāda khonkashe ngasāserranu.