1 SAMUEL 2:8 - Kathara Bible (BSI)

⁸ Ana kachāmali chifawui eina khāngkhui, khavātali hotlāwui eina khāngkhuida, athumli wungnaobingli thuingaren ngasaka, kala maikhayā pam samphang ngasaka. Kaja okathuiwui pakra̱bing Prohowuisera, kala chiwuitungli ana apuk-apagva̱ khaningkai.

1 SAMUEL 2:8 Iomraidhean Croise

HAOKAPHOK 41:14

Chieina Pharaohna Josephli ahokhui ngasakta, phātopwui eina katotsisi khuishoka, kala ana morhā silaga kachon shinkhuihailaga Pharaohwui mangāli vai.

HAOKAPHOK 41:40

nana iwui shimwui akhavā sāra, kala iwui mi kachiva̱na nawui kakaso athishurda sāra; wungpamkhong himāngna ina nali reimeira.”

2 SAMUEL 7:8

Chiwui vang iwui rao Davidli ahānglu, ‘Ashangva̱wui Prohona hithāda hānga, nana yaohomda khararli zatkasāwui eina Israelnaoli wungnao sākhavai ina hokhui;

1 WUNGNAOBING 16:2

“Iwui yur Israelli kathāna sākhavai, chifawui eina ina nali khangama sāngasakhaira, kha nana Jeroboamwui thi shurda iwui yur Israelli morei sāngasakhaira,

2 WUNGNAOBING 9:6

Chieina ana ngakarthuida shimlungli zanga; kala yaronnao china akuitungli thao heirorda ali hānga, “Israelwui Proho Varena hithāda hānga, ‘Ina Prohowui miyur, Israelwui awunga sākhavai tharchisinkhamina.

JOBWUI LAIRIK 1:21

Kala ana hānga, “Khamasai eina I ishāva̱wui naopam eina shoka, kala khamasai eina ina hanungra; Prohona mi kala Prohona khuithuihaira; Proho mingli soranu.”

JOBWUI LAIRIK 2:8

Kala ana hamkai akha khuilaga asasak eina hotkazamda hotlāli ngaleopama.

LAA 102:25

Achālakhawui eina okathui khaning khavai nana sai, kala kazingrambingla napāngwui themsakna.

LAA 104:5

Okathuili nana awui shimphungali rungshinghai, chithāda manganuklakmara.

LAA 107:41

kha khavātabingli ana kachotwui eina khāngkhuimi, kala yao ashangva̱ thāda ana shimkhurli mayāmi.

LAA 24:2

Kaja hi shamadrutungli ana sakā kahaina, kala kongtungli lingkā kahaina.

LAA 75:3

Okathuila, chili khalaleila khanganuk tharan, pākra̱ mangatha̱ khangasak chi ina.

LAA 75:4

Langkasobingli ina hānga, “Malangsolu” kala makhayābingli hānga, “Nawui talla̱ makhāngkālu;

LAA 75:7

kha Vare china bichar sāda akhali nemngasaka, akhali juingasaka.

HĀSHOKME 4:14

phātopwui eina wungpamkhongli rākakā misālala, lah awui wungramli chāmda pharākasang ngasāsālala.

ISAIAH 22:23

Makhangatha̱pamli thing shunkasang thāda ina ali shuntitsangra; kala ana avāva̱wui shimkhurwui khayākakā wungpamkhong akha ngasāra.

DANIEL 2:48

Chiwui thili awungana juilak kahai masot mida hakkhamahā sāmanla mi; kala Babylon ngaleiwui khamunga sāngasaka, kathembing saikorawui kathānala sāngasaka.

DANIEL 4:17

Kakaso hi ra̱khayangpā chiwuina, kala kathara chiwui kakasona, kaja kharingabingna theikhuira chiya Reikhamataiya china miwui wungram munga kala awui mikhangai chili miya, kala ngazanmeikap kaje chili mungngasaka.”

DANIEL 6:3

Satrapbing kala khayaiwobingwui ngachaili Daniel mahomeithuihaowa, khikhalajila awuili hakmahālak kahai manglā lei; chiwui vang eina wungram saikorawuitungli ali chipam khavai awungana khangarān sai.

HEBREWNAO 1:3

Anaona Varewui tekhamateiwui kahān chi hāna kala Varewui azak tākamhai. Awui tui china apuk-apaga hi ringkhangasakna. Mikumowui morei pheokhami samphang kahaiwui thili, ana kazingramli Reikhamatai Varewui yāshong pama.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

PHONGKHAMI 1:6

Kala Vare, Avāva̱li otram ngatha̱ khavai ithumli pāngmonwui wungram sāmihaira. Jishu Khristali mashimānda tekhamatei kala pangshap ngasāranu. Amen.

PHONGKHAMI 22:5

Khangayā mavailuimara, thaomeiwui kala zimikwui kahor masāvailuimara kaja Proho Varena athumwui kahor sāra; kala athumna mashimānda mungra.

PHONGKHAMI 3:21

Ina khayui samphangda Ishāvāli ngasoda awui wungpamkhongli ngasokapam thada khayuiyapā chili iwui wungpamkhongli ili ngasopam khavai ina mayāmira.

PHONGKHAMI 5:10

Vareli otram ngatha̱ khavai nana athumli pāngmonbingwui wungram akha semmi, kala athumna okathui hi mungra.”

1 SAMUEL 15:17

Kala Samuelna hānga, “Nakhalattawui mikyanli na khikha maningmana da theilala, na Israel shangbingwui akhavā maningmala? Prohona nali Israelwuitungli awunga sākhavai thao neomihaira.