1 SAMUEL 2:6 - Kathara Bible (BSI)

⁶ Prohona sāthata kala ringung ngasaka; Kathewui ramli ana vāngasaka, kala ringngasaka.

1 SAMUEL 2:6 Iomraidhean Croise

1 WUNGNAOBING 17:22

Elijahwui tui Prohona khuisangmida, nao chiwui manglā ali ungluida ringunghaowa.

2 WUNGNAOBING 5:7

Chithi chi Israelwui awungana pālaga kachon serkhakta hānga, “I Varela? Thikhangasak kala ringkhangasak ina sāshapa jihaida mi akhawui phārrei kazat hi raimi khavai ili pao hi kachiphunla? Yangla, ili kathāda khararkhuisikhala kajiwui shongfa kaphāna.”

JOBWUI LAIRIK 5:18

Kaja ana khamā za̱ngasaka, kha ana rommi; ana shaoza̱lala apāng eina raingasaka.

LAA 116:3

Kathiwui khalenna ili kuinama, Kathewui ramwui kachotna ili singkhuida, I kakhanang sikafa samphanga.

LAA 30:4

O awui kathara nathum, Proholi masotlaa sālu, awui katharamingli ningshilu.

LAA 68:20

Ithumwui Vare hiya huikhame Varena; kala kathiwui eina ngatangkashok chi VARE, Prohowuili lei.

LAA 71:20

Ili nana kakhanang chungmeikharda theingasaka, kala mathuk ngasakluira; okathuiwui kathukawui eina nana ili khangshokluira.

HĀSHOKME 3:3

shaokathat atam lei, kala raikhami atam lei; sakakhayāng atam lei, kala sakakā atam lei;

ISAIAH 26:19

Thikahaibing athumwui phasā eina ngakarthuiluishitra. O chifali okkathuibing, ngakarthuida khamathānwui laa sālu! Kaja ikra̱na apuk-apagva̱̱li ning mathing khangasak thāda, Prohonala achā thikahai athumli ngakarthui ngasakluishitra.

EZEKIEL 37:12

Chiwui vang athumli marānmida hānglu, Proho VAREna hithāda hānga: Yanglu, ina nathumwui chikhur shomira, kala nathumli chikhurwui eina ngakarthui ngasakra, O iwui mibing; kala ina nathumwui shim Israel ngaleili khuiungmira.

EZEKIEL 37:3

Kala ana ili hānga, “Miwui naomayara, ara̱kuibing hi ringluipairala?” da khangahān eina ina, “O Proho VARE nana katheina” da ngahānkai.

MATTHEW 12:40

Kaja Jonahna ngashun ngayā kathumthang khaihwui wuklungli kapam chithada miwui Naomayarala ngashun ngayā kathumthang ngaleilungli pamra.

JOHN 11:25

Jishuna ali hānga, “Iya ringkhaluia kala kharingana. Kachikathāna ili shitsangakha thihaisālala ringra;

KHALATLUI 32:39

“‘Chieina ara yanglu, I chi ina, I maningla vare khangatei maleimana; ina thingasaka kala ina ringngasaka; khamā za̱khangasakla raikhangasakla ina: kala ipāngwui eina khuishokshapa khipākha maleimana.

PHONGKHAMI 1:18

kala kharing chi Ina; I thihailaga, yanglu ara mashimānda ringdalei kala Kathi eina Kazeiramwui pangshap lei.

1 SAMUEL 20:3

Kha Davidna ngahānkai, “Nana ili leikashi navāna mathālak eina thei; chiwui vang eina, ‘Na wukkhananghaipaishina’ da makahāngra. Kha Prohowui ming singda kahāngna kala nanala katheina kaja, I kathiwui eina pheikārkhamaya.”