1 SAMUEL 2:3 - Kathara Bible (BSI)

³ Langsoda tui mamatuiluilu, yākhangai tui nakhamorli mashokranu; kaja Prohohi theiser kaje Varena, kala otsak saikora ana tama.

1 SAMUEL 2:3 Iomraidhean Croise

1 WUNGNAOBING 8:39

nawui pamkhavai kazingramli shākāmida, kapheomilu; kala nana mi kachiva̱li kachichāwui kaphaning athishurda sāmilu; (kaja mi kachiva̱wui ning namāngna theisera);

JOBWUI LAIRIK 31:6

(Chiwui vang ili chālak kahai tamkhavai eina onranu, kala Varena iwui ningsākhangazip theiranu!)

LAA 147:5

Ithumwui Proho reikhamataiana, pangshapla mavātmana; awui theishingkakhui ngashānla machaomana.

LAA 17:10

Athumwui wuklungli lukhamashanwui khāmong shunghaira, athumwui khamor eina langsolak eina matui.

LAA 31:18

Langsoda kala temshida mashunli mamayāmada, matheimiphutla khamatui kakapika morchaibing khak ma̱haoranu.

LAA 44:21

Varena chi maphāshokmarala? Kaja khangathum ningla ana thei.

LAA 75:5

nawui talla̱ kajuili makhāngkālu, lah kahungla kharekta mamatuilu.”

LAA 94:4

Athumna langsolak kahai tuimatui, makaphā kasā saikorana langsoi.

CHĀNSAM 16:2

Mi akhawui apong saikora awui mikyanli tharda thei, kha Prohona manglāli chāng yanga.

CHĀNSAM 24:12

Nathumna “Yanglu, ithum hi matheisamana” da hāngakha, ningla theiser kaje china matheimarala? Namanglā mayonkhame china matheimarala? Kala ana kachichāwui kasā athishurda athut makhuimimarala?

CHĀNSAM 8:13

Proholi khangachee hina makaphāli yangkakharingna. Lāngkaso kala khayāning khanganinga kala makaphāwui apong kala kapik kakhayang tuimatui ina yangkharinga.

ISAIAH 26:7

Khangarongbingwui shongfa ngachamthamhai; khangarongbingwui shongfa nana tāngpat eina sāmi.

ISAIAH 37:23

“'Na khipāli mana̱shihaira, kala khipāli temshihaira? Khipāwuitungli akhon chuihaira kala khipāwuitungli miktingda khayang? Israelwui Tharkhamathengpālilamā!

JEREMIAH 17:10

Proho, Ina ningli kapeoyanga, kala wuklungli tamyanga; mi kachiva̱li awui apongwui thishurda, awui kasāsāwui athei athishurda mikhavaina.”

EZEKIEL 35:13

Nathum khamor eina ili mashātlaga nathum khalatta mai kākhangasak chila ina theiserra.”

DANIEL 4:37

“Ara, kazingramwui awunga chili Nebuchadnezzar ina khayāshida masot miya; ava khamashung otmāng sai, khangarong pongli zata, kala lāngkaso athumli maishi ngasakshapa.”

DANIEL 5:27

TEKEL, nali khān tamyanglaga makāpeithuwa;

MALACHI 3:13

“Nathum iwuitungli zakkashi tui matuihaira,” da saikorawui Prohona hānga. “Laga nathumna, ‘Ithumna nawuitungli kathāda matuihairakhala?’ ji.

HEBREWNAO 4:12

Varewui tui hiya kharinga kala pangshapana. Zankhangasung raighaili zanmei. Hiya kharing eina manglā ngashik khavai pam, kala ara̱-ngasun eina angating ngachaipam kachida vāza̱sera. Miwui ningkachāng kala kaphaningla hina kashikaphā chitheimi.

JOSHUA 22:22

“Pangshapa, Proho Vare, Pangshapa Proho Vare! Ana thei; kala Israel khalattanala theiranu! Kalikha hi ngakaishida lah Proholi shitkasang kaida kasāna jiakha, ithumli tandi miranu!

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.

WUNGVA̱-WUNGVĀ 9:38

Zebulna hānga, “Ara nana matuishok kahai, Abimelech khipāda, ithumna ali otram ngatha̱miralā da kahāng na maningmala? Nana kachipat mibing chi hi maningmala? Ara shokta athumli angararulu.”

1 SAMUEL 16:7

Kha Prohona Samuelli hānga, “Azakli mayangalu, lah asho-areplila mayangalu; khikhalajila ali ina mamayāmana. Kaja miwui thāda Prohona azakli mayangmana; kha Prohova wuklungli khayangna.”