1 SAMUEL 2:2 - Kathara Bible (BSI)

² “Proho thāda kathar khipakha maleimana, Ali langda katei maleimana; ithumwui Vare kathā lunghār maleimana!

1 SAMUEL 2:2 Iomraidhean Croise

2 SAMUEL 22:3

Iwui Vare, iwui lunghārli ina ngayinkhui; iwui chāngvei kala huimi khavaiwui pangshapna, iwui ngayin khavai raipanna kala kankhamena, yangkashewui eina ili huimi.

2 SAMUEL 22:32

Vare hi Proho maningmala? Vare maningla lunghār khipa lei?

2 SAMUEL 7:22

Chiwui vang eina, O Proho Vare, na khareiana; kaja na thāda khipākha maleimana, kala ithumna kashā thāda na maningla Vare khangatei maleimana.

1 WUNGNAOBING 8:23

“O Proho, Israelwui Vare, ningtongda nawui thi kashura naraobingli makhangachei tuingashit kala leikashi tāshungmida kazingramli kala okathuli na kathā Vare katei maleimana;

LAA 111:9

Ana awui mili ngatangkakhui chihorai; ana awui tuingashit katang makhavaiwui vang kasohaira. Awui ming kathara kala khangacheeana.

LAA 18:2

Prohona iwui lunghārna, iwui ngaveina, kala ili kankhamena, iwui Vare, iwui lunghār, ina ali ngayinkhui, iwui chāngvei, kala iwui huikhamiwui angajina, iwui raikānphungna.

LAA 18:31

Kaja Vare chi khipakhala jiakha PROHO china? Ithumwui Vare maningla lunghār khipā leikhala?

LAA 71:19

O Varivara, nawui pangshap kala khamashung khangarong kazingram kāshunga. Hakkhamahā ot sāmi kahaia, O Varivara, na kathā khipā lei?

LAA 71:3

Na iwui ngayin khavai lunghār, kapanga raipanna, ili huimi khavai kasāmilu, kaja na iwui lunghār kala iwui raipanna.

LAA 73:25

Na maningla kazingramli iwui vang khipā leikhala? Okathuili na maningla ina kakahao khangatei maleimana.

LAA 86:8

Nakathā Vare varebingwui alungli maleimana O Proho, nawui otsak kathāla maleimana.

LAA 89:6

Kaja kazingli Proholi ngaheokapai khipā lei? kazingli khaleibing Proho kathā khipā lei,

LAA 89:8

O Proho, ashangva̱wui Vare, nawui thāda sāshapa, ningkatonga khipā leikhala?

LAA 99:3

Nawui reikhamatai, khangachee mingli athumna sochikatranu! Kathara chi ana!

LAA 99:5

Ithumwui Proho Vareli solu; awui pheizingli khorumlu! Kathara chi ana!

LAA 99:9

Ithumwui Vare Proholi sochikatlu, kala awui kathara phungreili khorumlu, kaja ithumwui Proho Vare katharana.

SHONGZĀ 15:11

Varebingwui ngachaili na kathā khipa leili, O Proho? Tharkhamatheng katharwui khayākakā tekhamatei otsak hakkhamahā, matakhak kahai ot kasā na kathā khipa lei?

ISAIAH 40:18

Chithakha Vareli khi eina pāntampaira, lah khi ngaraikachā chānsam eina ngaheopaira?

ISAIAH 44:6

Proho, Israelwui Awunga kala awui Ngatangme, saikorawui Prohona hānga: “Ina kharena kala ina khanaoana; ili lāngda vare katei maleimana.

ISAIAH 44:8

Mangangalu, khangacheela mangacheealu; rilak eina ina hāngda lānchithei kahai maningmala? Nathum iwui shākhina! Ili lāngda Vare katei leila? Lunghar katei maleimana; I khangatei matheimana.”

ISAIAH 57:15

Kajuiya khamaso kala mashimānda khalei Kathara kahopa china hithāda hānga, “Kajuiya katharapamli ina pama, ning ngateida hamkasanga ali ngasoda; hamkasangabingwui manglā thuimathuk khavai, ning khangateibingwui wuklung mathuk ngasak khavai sāmi.

ISAIAH 6:3

Akhana akhali hongarokta hānga: “Kathara, kathara, kathara chi saikorawui Prohona; okathui tongda awui tekhamateina pema.”

JEREMIAH 10:6

O Proho, na kathā khipākha maleimana; nava hakkhamahāna, kala namingva pangshap leilaka.

PĀNGMONSHI 11:44

kaja I Proho nathumwui Varena; chiwui vang nathum khalatta tharchigatlu kala tharlu, kaja I katharana; ngaleili ngawokazata ot eina nathum khalatta masākhamāngalu.

PĀNGMONSHI 11:45

Kaja nathumwui Vare ngasa khavai Egypt ngalei eina khuishokkhame Proho chi ina, chiwui vang eina nathum tharmathengphalungra, kaja I katharana.”

PĀNGMONSHI 19:2

“Israel yarui ashangva̱li nathum tharphalungra; kaja Proho nathumwui Vare iya katharana da hānglu.

ROMNAO 15:4

Achālakha kapi kahai chi ithumli hāngmachin khavaina, kaja ithumna nganingtitta kala kathara tuina kasatkasang athishurda kachihān leikhavaina.

ROMNAO 4:8

Prohona morei mashānkhuikhamia athum chi ringphai!”

KHALATLUI 3:24

‘O Proho Vare, nawui sāshap-vāshap kala reikhamatai naraobingli sachitheithathar kajina; kaja kazingli, lah okathuili nawui sākashap thāda khi varebing leikhala?

KHALATLUI 32:20

Kala Prohona hānga, ‘ina athumli mayangsangmiluimara, athumwui akatang kathanikhala ina yangra, kaja athum hiya makhamashunga thotna, shitkasang katong makhaleiya naongarābingna.

KHALATLUI 32:39

“‘Chieina ara yanglu, I chi ina, I maningla vare khangatei maleimana; ina thingasaka kala ina ringngasaka; khamā za̱khangasakla raikhangasakla ina: kala ipāngwui eina khuishokshapa khipākha maleimana.

KHALATLUI 32:4

“Lunghār, awui otsak kāshunglaka; kaja awui otsak saikora mashunmānga. Ningkatonga Varena, kala khangui maleimana, mashun kala tāzak kahai chi ana.

KHALATLUI 4:35

Nathumli hi chitheihaira, kaja Proho hi Varelaka kaji nathumna theihaira; a maningla khangatei maleiluimana.

KHALATLUI 4:39

chiwui vang eina hi aja theilu, kala ningli shāptithailu; kaja kazing atunglila, ngaleiwui azinglila Proho hi Varelaka, khangatei maleiluimana.

1 PETER 1:16

Hithada kapihaida lei, “Nathum tharlu, khikhalajila I katharana”.