1 SAMUEL 2:10 - Kathara Bible (BSI)

¹⁰ Proholi yangkashebing akha̱-akhā ngasāra; athumwuitungli mamayāmada kazingramli ana khangangra. Okathui vāshungda Prohona bichar sāra; ana awui wungnaoli yangmira, kala awui thao neomi kahaiya chili khayā kāngasakra.”

1 SAMUEL 2:10 Iomraidhean Croise

2 SAMUEL 22:14

Kazingramwui eina Prohona khangangtai; kala Reikhamataiyana vaotai.

2 SAMUEL 7:13

Iwui mingwui vang ana shim akha sāra, kala awui wungramwui wungpamkhong mangacheila ina semkāmira.

2 SAMUEL 7:8

Chiwui vang iwui rao Davidli ahānglu, ‘Ashangva̱wui Prohona hithāda hānga, nana yaohomda khararli zatkasāwui eina Israelnaoli wungnao sākhavai ina hokhui;

JOBWUI LAIRIK 40:9

Napāngthei Varewui thālā, na awui khon thāda ngashumshapla?

LAA 132:17

Chili ina Davidwui vang angaji akha shokngasakra; iwui thao neomi kahaiawui vang thaomei akha ngarānmihaira.

LAA 148:14

Awui mibingwui vang ana angaji akha shokngasakhaira; awui katharabingwui vang solu, awui ngalemli khalei Israelnaowui vang. Proholi solu!

LAA 2:2

Okathuiwui awungabingna athum khalatta chipama, kala ngalei khamungbingna tui ruma, Proho eina awui thao neomi kahaiali mamayāla hānga,

LAA 2:6

“Iwui kathara Zion kaphungli, ina iwui awunga chipamhaira.”

LAA 2:9

Nana athumli mari khāmshui eina shaokhaida, hamkasaawui ham thāda akha̱ sāda shirkhaira.”

LAA 20:6

Awui thao neomi kahaia chili Prohona ngachonmira kaji ara ina thei; awui kathara kazingram eina ana ngahānkāmira, khayuiya yāpang eina ngasoda.

LAA 20:7

Kaikhana siguigariwui vang, kaikhana siguiwui vang langsoi, kha ithumna ithumwui Vare Prohowui mingli langsora.

LAA 21:1

O Proho, awungana nawui pangshapli mathāna; kala nawui ngachon khamili ana kayākha mataida mathānhao!

LAA 28:8

Prohona awui yurwui pangshapna, awui thao neomi kahaia ngayin khavaina.

LAA 45:7

khamashungli nana leishi kala makaphāli yangkharinga. Chiwui vang eina Vare, nawui Varena nali khamathānwui thao chi ngasotnaobingli lāngmeida nali neomihaira,

LAA 89:17

Kaja na athumwui yangwui tekhamateina, nawui ngahānkhangai eina ithum khayā kai.

LAA 89:24

Iwui ningkatong kala iwui makhangachei leikashi ali ngasomira; kala imingli awui pangshap wui vang ali khayā kāngasakra.

LAA 89:25

Awui pāng ina shamadrulungli haimira, kala awui yāpang kongtungli haimira.

LAA 96:13

Prohowui mangāli khamathān laa sāra, kaja ana okathuili bichar sākhavai rai. Ana khamashung khangarong eina ngasoda apuk-apagali kala mibinglila khamashung eina bichar sāra.

LAA 98:9

Prohowui mangāli, kaja ana okathuli bichar sākhavai rai. Ana apuk-apagali khamashung khangarong eina bichar sāra, kala mibingli mashun eina bichar sāra.

SHONGZĀ 15:6

“O Proho! nawui yāpang, matakhak kahai pangshapna, nawui yāpangna, O Proho, yangkashebingli sākazamhaira.

HĀSHOKME 11:9

Mathānlu, O Yaronnao, na yaronshaplakha, yaronshaplakha ningngasa̱ta eina, nawui ningwui kala nawui mikwui apongli zatlu; kha ot saikora hiwui vang Varena nali bicharpamli khuirāra kaji theilu.

HĀSHOKME 12:14

Kaja kaphāla kashila, ngathum kahai saikora bichar sāthang Varena khuishokserra.

ISAIAH 29:6

saikorawui Prohona nathumli rāra; kazing-khangashum, neina̱ kakhanuk akhon panglāk eina, surkakhaning, siphan-zingrot ngasha̱da, meiwon eina ngasoda rāra.

ISAIAH 32:1

Yanglu, awunga akhana khamashung khangarong eina mungra; kala wungnaobingna mashun eina khayaira.

ISAIAH 45:24

“Prohomāngli khamashung eina pangshap lei da mibingna iwui pongli hāngra; ali ngakaikashebing awui mangāli rāda kakhayak samphangra.

EZEKIEL 29:21

“Chithang zimiksho ina Israelwui shimkhur eina angaji akha shokngasakra, kala ina athumwui alungli nathumwui morchai shomira. Chitharan I Prohona da athumna theira.”

MATTHEW 25:34

Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;

MATTHEW 28:18

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

LUKE 1:69

Awui rao David shimkhurwui eina ana ithumwui vang pangshap khaleia Huikhame akha shokngasakhaira;

LUKE 19:27

Athumwuitungli ili mamung ngasak khangaia yangkashebing chiva hili khuirāda iwui miktāli shaothathaolu.’”

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

OTSAK 4:27

Kaja nana thao neomi kahai nawui rao kathara Jishuli yuishida, Herod eina Pontius Pilatena Gentilebing eina Isrealnaobingli ngasoda keinung hili kazip kachangkhata;

2 CORINTHNAO 5:10

Ithum saikora Khristawui bicharli kānganingserphalungra, kala mi kachiva̱ ringlakha ana sākahai chiwui athishurda kaphā nilala, kashinilala sāman samphangra.

WUNGVA̱-WUNGVĀ 5:31

“Chithāda nawui yangkashebing shimānserhaolu, O Proho! Kha nawui ngasotnaobinga, athumna ngakarkathui eina zimik thāda malingmeira.” Kala ngalei chi kum hangmati chingri eina leisai.

1 SAMUEL 12:13

Ara yanglu, nathumna pokhuida, awunga akha kapangkhuihaira, yanglu, Prohona nathumwuitungli awunga akha sangmihaira.

1 SAMUEL 12:17

Aruihon māhāt maningmala? Ina Proholi polaga kazing ngashumda kazing rongasakakha, nathum khalattana awunga pokakhui hi Prohowui mangāli makhayā ot kahakva̱ sāhaira da theikhuira.”

1 SAMUEL 12:18

Chieina Samuelna Proholi kapo eina, chithang Prohona kazing ngashumda kazing rongasaka; kala mi saikorana Proholila Samuellila ngacheelakhaowa.

1 SAMUEL 12:3

Arui I hili leili, Prohowui mangāli kala awui thao neomi kahaiawui mangāli hāngphatlu. ina khipāwui sei khuihaira? Lha ina khipāwui gadhā khuihaira? Lha ina khipāli kateizāhaira? Ina khipāli rekharekhaira? Lha ina khipāwui pāng eina pheizā khuida khamashungli imik ngapeo ngasakhao? Ili hāngphatlu, chieina ina nathumli hanmira.”

1 SAMUEL 15:28

Chieina Samuelna ali hānga, “Prohonala aja nawui ngalei ngakaikhaihaida nali phākhamei nawui khongnai akhali mihaira.

1 SAMUEL 16:1

Prohona Samuelli hānga, “Saulna Israelwui awunga saki kaji ina mamayāmana kaji thatheilaga nana awui vang karankha sifarakhala? Thaokhongli thao sangkhuilu, kala zatulu; ina nali Bethlehempa Jessewuili chihovāra; kaja awunga sākhavai iwui vang awui naomayarabingwui eina ina akha kapangkhuihaira.”

1 SAMUEL 7:10

Samuelna rikkatā kachigat pha̱da leilakha, Philistinenaobingna rai ngarar khavai ranganaimamānhaowa; kha chithanga, Prohona kazingram eina Philistinenaobingli kapanga akhon akha khangangtāda athumli pa̱ngapāngasakhaowa; kala Israelnaobingwui eina yāmhaowa.