1 SAMUEL 18:1 - Kathara Bible (BSI)

¹ Ana Saulli ngazekkup kahai eina Jonathanwui ning Davidli shāptithaowa, kala Jonathanna akhalatta leikashi thāda Davidli leishihaowa.

1 SAMUEL 18:1 Iomraidhean Croise

HAOKAPHOK 44:30

Chieina igato mazangla narao ina ishāvāwuili khaung tharān, awui ning ali shāptithaoda,

2 SAMUEL 1:26

“Nawui vang ining sifahaira, ichina Jonathan! Nana ili ngahānkhangai! Nana ili leikashi matakhakhai, preiva̱ ngarāwui leikashili langmei.

1 THOTRINCHĀN 12:17

Davidna shokngarokta hānga, “Nathumna ili khamashit eina ngachonmi khavai kharaakha iwui ning nathumli horsangchaora; kha iwui khayon maleilala yansaida yangkashibingwui pāngli horsangmi khavai kharaakha ishāvā ngarāwui Varena theiranu, kala ana hāngmachinranu.”

LAA 86:11

Nawui apong tamchitheimilu, O Proho, chithāda ina nawui khamashung chili zatra; namingli ngacheethei khavai iningli ngarum ngasakmilu.

CHĀNSAM 18:24

Ngasotnao sārek kaji ngasotnao lei, kha chinaongarāli nganaimeida khangavapa ngasotnaola lei.

KHALATLUI 13:6

“Ava̱ akhana kapharā nachināna nilala, nanao mayarana nilala, nanao ngalāva̱na nilala, nawui leikashi preiva̱na nilala, nawui mashitmeikap kaje ngasotnaona nilala, nali athumna ngathumda suida, nathumna, lah navā ngarāna matheikasa khangatei varebingli vākhorumsa da hāngakha,

COLOSSIANAO 2:2

pingmeida kala leikashina kompeimida theishingkakhuiwui eina kharā ngashitmi kahai chi samphang khavai ina hi kasāna; chithākha athumna Varivarawui ngathum kahai Khrista chi theira.

WUNGVA̱-WUNGVĀ 20:11

Chithāda Israel saikora ningkha sāda keinung chili ngarar khavai kazipa.

1 SAMUEL 14:45

Chieina mibingna Saulli hānga, “Hakmahālak eina Israelna yuikhavai sakhame Jonathan thira kajila? Chi mathapailakmara! Prohowui ming singda kahāngna, Jonathanwui kuisam akha eina tangda matatungpaimara; kaja aja Varena ngasomida ana khamathā ot sāhaira.” Chiwui vang mibingna ali ngatangkhuihaoda Jonathan mathithuwa.

1 SAMUEL 18:3

Chieina Jonathanna Davidli tuingashit akha sai; khikhalajila akhalatta leikashi thāda Davidli leishihaowa.

1 SAMUEL 19:1

Kala Davidli sāthatphalungra da Saulna anaomayara Jonathan, kala awui rao saikorali hānga. Kha Saulwui naomayara Jonathanna Davidli leishilāka.

1 SAMUEL 19:2

Chieina Jonathanna Davidli hānga, “Ishāvā Saulna nali sāthat khavai ngarānda lei; chiwui vang eina ngathorshong na ning ngasharda apam akhali yāmngathumhaolu;

1 SAMUEL 20:17

Kala Jonathanna akhalatta leikashi thāda Davidli leishihaoda; Davidli awui leikashi chi eina khangashit sāngasaka.

1 SAMUEL 20:8

Chiwui vang naraoli lumashanda phaningmilu, kaja narao iniwui khathara tuingashit makaikapai sāhaira. Kha iwui khayon leiakha ili nakhalattana sāthathaolu, kaja khiwui vang navāwui pāngli ili nana horsangmisānikhala?”

1 SAMUEL 22:8

Kaja nathum saikora ngarumda ili mithit khalen masāmala? Inaomayarana Jessewui naomayarali longnao sākakhui tharan ili khipākhana mahāngmana, lah iwui raobingli inaomayarana ning ngatha̱ ngasakta ajawui hithāda ili makaphā sākhavai rimkapam hi thatheilaga khipākha iwui vang wukmakhanangmana, kahāngla mahāngmana.”

1 SAMUEL 23:18

Kala anina Prohowui mingli tuingashit akha sai; laga Davidna Horeshli pamhaowa, kala Jonathanna shimli latunghaowa.