1 SAMUEL 16:1 - Kathara Bible (BSI)

¹ Prohona Samuelli hānga, “Saulna Israelwui awunga saki kaji ina mamayāmana kaji thatheilaga nana awui vang karankha sifarakhala? Thaokhongli thao sangkhuilu, kala zatulu; ina nali Bethlehempa Jessewuili chihovāra; kaja awunga sākhavai iwui vang awui naomayarabingwui eina ina akha kapangkhuihaira.”

1 SAMUEL 16:1 Iomraidhean Croise

1 WUNGNAOBING 8:16

ana hithāda hānghaisai, ‘Egyptwui eina Israel mibingli ina khuishokthangwui eina thuida, shim akha sāda iwui ming leikhavai Israel shang saikorawui alungli keinung akhala kapangkakhui maleimana, kha iwui mibingli nganaomi khavai ina Davidli kapangkhui.’”

2 WUNGNAOBING 9:1

Chiwui thili Elishana marānwui nao akhali hokhuida hānga, “Shānneira̱ neilaga thaokhong hi khuiphungda Ramoth-gileadli vālu.

2 WUNGNAOBING 9:3

Kala thaokhong chi khuida akuili heirorda hānglu, ‘Prohona hithāda hānga, Israelwui awunga sākhavai nali tharchisinkhamina.’ Chiwui thili khāmong sholaga yāmhaolu; mapamnganaoalu.”

2 WUNGNAOBING 9:6

Chieina ana ngakarthuida shimlungli zanga; kala yaronnao china akuitungli thao heirorda ali hānga, “Israelwui Proho Varena hithāda hānga, ‘Ina Prohowui miyur, Israelwui awunga sākhavai tharchisinkhamina.

1 THOTRINCHĀN 11:3

Chiwui vang Israelwui kathāna saikorana Hebronli awungawuili vai; kala Prohowui mangāli Davidna athumli tuingashit akha sai. Kala Prohowui tui Samuelna hāngkahai athishurda Israelwuitungli awunga sākhavai Davidli tharkachisin thao neomi.

1 THOTRINCHĀN 28:4

Chitha-ilala, Israelwui awunga sāching khavai, Proho Varena ishāvāwui shimkhur eina ili kapangkhuihaira; kaja kathāna sākhavai Judahli kapangkhui, Judahwui shimkhur eina ishāvāwui shimkhurli kapangkhui, kala ishāvāwui shimkhurwui naobingwui eina ana ningyāng ungda ili kapangkhuilaga Israelwuitungli awunga sāngasaka.

ISAIAH 11:1

Jessewui angunrumwui eina ashon akha shonshokra, kala angayungbingwui eina aphāng akha shokra.

ISAIAH 11:10

Chitharan yurbingwui machut khavai Jessewui angayungna thuinganingra; miyurbingna ali phāra, kala awui pamkhavaibing tekmateishunra.

ISAIAH 55:4

Yanglu, ali ina mibingbingwui vang shākhi akha ngasā ngasaka, mibingwui vang kathāna kala akhoka akha sāngasaka.

JEREMIAH 11:14

Chiwui vang eina yurbing hiwui vang seihā mapomialu, athumwui vang mavaomialu, seihāla masāmialu, kaja athumwui kakhanang atamli athumna khangakao tharan ina makhuisangmiluimara.”

JEREMIAH 15:1

Chiwui thili Prohona ili hānga, “Moses eina Samuelna iwui mangāli nganinglala, iwui wuklung mibing hili mangareiungluimara. Iwui maiyan eina kashamhaolu, kala athumli thui ngasakhaolu.

JEREMIAH 6:30

Athum chi khalan kahaiya lupasā da hoi, kaja Prohona athumli khalanhaira.”

JEREMIAH 7:16

“Kha nava, mibing hiwui vang seihā masālakalu, kala chaptala seihā masālakalu, ili kapola mapoalu, kaja ina nathumli mashāmimana.

ZECHARIAH 4:14

Chieina ana hānga, “Hi okathui saikorawui Prohowui ngalemli khanganinga thao neomi kahaia khani china.”

ROMNAO 15:12

Kala Isaiahna hāngluishita, “Jessewui ara̱-azā akha rāra, Gentilebingli ana mungra kala athumna ali chihānra.”

HEBREWNAO 11:32

Chili lāngda khi hāngra? Gideon, Barak, Samson, Jeptha, David, Samuel kala marānbingwui tui hāngser khavai atam maleimana.

1 JOHN 5:16

kachikathā mi akhana, avānao akhana mathikapai morei kasā theiakha ana awui vang seihā sāmiranu, chieina mathikapai morei kasāwui vanga Varena ali ringngasakra. Thikapai morei lei; chikathāwui vang seihā sāmilu da ina kahāng maningmana.

1 SAMUEL 10:1

Chiwui thili Samuelna thaokhong akha khuishoklaga Saulwui akuili chi heirora, kala ali maya̱khuida hānga, “Awui yur Israelwui wungnao sākhavai Prohona nali neokhami maningmala? Prohowui yurbingwuitungli nana mungra, kala kuimareida khalei athumwui yangkashebingwui pāng eina nana kanmira, kala hina nali khudam sāra kaja awui shimlui tungli wungnao sākhavai Prohona nali thao neomi kahaina.

1 SAMUEL 15:11

“Ina Saulli awunga sākhangasak hiwui vang I wukkhananghaira; kaja ana iwui thi mashurla ngareithuihaira, kala iwui ningkhamibing mamayonmana.” Chieina Samuel malungvāthaida ana Proholi ngayā seihā sāthai.

1 SAMUEL 15:23

Kaja ngakaikashi hi khanong khayang kathāna, kala nurkhangahar hi meoma̱li khokharum kathāna. Khikhalajila nana Prohowui tui makhuikasangwui vang, Prohonala nali awunga sākhavai mamayāthura.”

1 SAMUEL 15:26

Kha Samuelna Saulli hānga, “I nali mangasoungmara; kaja nana Prohowui tui makhuisangmana; kala Prohonala, nali Israelwui awunga sāki kaji mamayathura.”

1 SAMUEL 15:35

Kala Saulwui kathi zimiksho marāshungranglakha eina tangda Samuelna Saulli masamphangluithuwa, kha Samuelna Saulwui vang wuk khananga. Kala Saulli Israelwui awunga sāngasak kahaiwui vang Prohona ningmalathaowa

1 SAMUEL 16:15

Kala Saulwui raobingna ali hānga, “Yanglu, Varewui eina makaphā manglāna nali ningrāk khangasakna.

1 SAMUEL 16:23

Kala Saulli Varewui eina makaphā manglā rākachida Davidna tingteilā huida ringkaphā samphang ngasaka; chithāda Saul khamathing samphanga, kala raihaida makaphā manglā chi awui eina thuihaowa.

1 SAMUEL 17:12

Chitharan David hi Judahwui Bethlehemli khalei Ephrath shimkhurwui Jesse kaho naomayarnao chishat leikasapawui naona. Saulwui atamli ava rarlakhairasai.

1 SAMUEL 9:16

“Akhama, atam hitharan, Benjamin ramwui eina ina mi akha chihorāra. Iwui Israel yurwui awunga sākhavai ali thao neomilu. Philistinenaobingwui pāng eina ana iwui yurbingli kanmira, kaja iwui yurbingwui kachotkachāng ina theihaira, khikhalajila athumwui khangakaokhon ili rāshunghaira.”