1 SAMUEL 15:3 - Kathara Bible (BSI)

³ Ara vāda Amalekli vāsāthathaolu; athumwui khalei saikora, sha̱nao, mayarnao, naoshinao kala ana̱ khamangbing mateila, sei, kala yao, ut, kala gadhāla akhanida mashākla sashimānmiserhaolu.”

1 SAMUEL 15:3 Iomraidhean Croise

HAOKAPHOK 36:12

(Timnana Esauwui naomayara Eliphazwui angashirva̱na; ana Eliphazli Amalek pharāmi). Athum hi Esauwui preiva̱ Adahna kapharā naomayara ngarāna.

2 SAMUEL 1:8

Kala ana ili hānga, Na khipākhala? Chieina ina, I Amalekwui mina da ngahānkai.

SHONGZĀ 17:14

Kala Prohona Mosesli hānga, “Hi mamalai khavai lairik akhali kapisanglu, kala chi Joshuawui khanākhurli hāngsanglu kaja okathuili Amaleknaobingli maphaningunglak khavai ina shimitmichaohaora.”

SHONGZĀ 20:5

athumli khayāmashipaimara lah makhorumpaimara; khikhalajila Proho nathumwui Vare iya mikpaikashe Varena, ili ningkakachaiali avāva̱ ngarāwui naongarāli naothot kakathuma kala khamate eina tangda tandi khame,

MISHĀN 24:20

Chieina ana Amaleknaovāk ngareivāda, ana awui hāngki kaji hānga. “Amalek hi yurbingwui ngachaili kharena, kha anaolamshong a shimānhaora.”

MISHĀN 31:17

Chiwui vang eina mayarnao naoshinao, kala mayarnaoli ngasopi kahai sha̱nao saikorala sāthathaolu.

JOSHUA 10:39

kala ana chiwui awungabing kala chiwui keinungbing khuiserhaida chiwui mi saikora sāthatserhaowa; kala mi akhala mataishokmana; ana Hebron eina Libnah kala awungali kasā thāda Debir eina chiwui awungalila sai.

1 SAMUEL 14:48

Kala ana marāklak eina ngararda Amaleknaobingli shimitmihaida Israelli ngaponkazābingwui pāng eina kankhui.

1 SAMUEL 15:18

Kala Prohona nali ot akhawui vang chihoda, ‘Morei kaphung Amaleknaobingli rai atāda mashimān ngakanranglakha eina tangda athumli sāshimānhaolu’ da kasoi.

1 SAMUEL 15:9

Kha Saul eina mibingna makānāki kaji saikora sāthatserhailaga, awunga Agag kala yao, sei, asā kaphābing chi masāthatthuwa.

1 SAMUEL 22:19

Kala pāngmonbingwui keinung Nobli khalei sha̱nao mayarnao, naoshinao mateila, seila, yaola, gadhāla katonga ana raighai eina sāthatserhaowa.

1 SAMUEL 27:9

Davidna yuihaida sha̱naola mayarnaola akhanida mashākla sāthatserhaowa; kha yao, sei, gadhā, ut kala kashankachon katonga khuiphungda Achishwuili unga.

1 SAMUEL 30:17

Davidna yupyapsap eina thuilaga akhama ngazin eina tangda angararda, ut katonga raimi shāmati maningla akhala mataimimana; ut katonga raimi shāmati chi yāmshokhaowa.