1 SAMUEL 13:6 - Kathara Bible (BSI)

⁶ Israelwui mibingna athumwui kasak chi theilaga (kaja mibing chili panglāk eina ngasunghaowa), mibingna akhur-akhaili, lungkhurli, lunghārpamli kala chikhurpamli, tara̱ ngarung khavaili;

1 SAMUEL 13:6 Iomraidhean Croise

2 SAMUEL 24:14

Chieina Davidna Gadli hānga, “Ining chotnāhaira; ithum Prohowui pāngli tāzangtha̱ga, kaja awui lukhamashan haklaka; kha ili miwui pāngli matāzang ngasakmilu.”

ISAIAH 42:22

Kha mibing hiya khalebingna ngaponkahaibingna; athum saikora akhurli manhaida phātoplungli thumserhaisai; athumli kanmi khavai makhalei ngaponkhui kahaia sāthuihaira.

JEREMIAH 41:9

Ishmaelna kathingun horsang khavai paibung chi kahakva̱na; hi Israelwui awunga Baashana rai rākatā atamli ngararkham khavai Awunga Asana chuikakhui paibungna; Nethaniahwui naomayara Ishmaelna paibung chi kathingun eina chipema.

EZEKIEL 33:27

“Athumli hibing hi hānglu, Proho VAREna hānga: Kachangkhat eina ina kahāngna kaja, sakathān kahaipamli khaleibing raighai eina thiserra; kala lamli khaleibingli ina sāli chishaira; keinungli khalei kala lungkhurli khaleibing kazātkashi eina chithitra.

PHILIPPINAO 1:23

Khani hiwui ngachaili kapangkhui khavai iwui vang saklaka. Thihailaga Khristali ngasokapam hi iwui ningkachāngna, chi phāmeikhara.

HEBREWNAO 11:38

Okathui hi athumwui vang khikha makannāthuwa! Yāmkazatbing thada athumna kaphungli, khangaili, lungkhur thingkhurli ngayinzata.

JOSHUA 8:20

Chieina Aiwui mibingna ngareikhaung tharan, yanglu, keinung chi meikhut ngapuirut eina kazing kāshunga; kala athum hishongla chishongla yām khavai pangshap maleithuwa, kaja lamhāngvāk yāmvā kahai mibing chi athumwuishong hanungrāsai.

WUNGVA̱-WUNGVĀ 10:9

Kala Ammonnaobingna Jordan kankāda Judah, Benjamin, kala Ephraimwui shimkhurli ngararda Israelna khananglāk eina okthuisai.

WUNGVA̱-WUNGVĀ 20:41

Chieina Israelwui mibingna ngareiungda ngararkaphok eina Benjaminshi ning shimānhaowa, kaja kashimān chi nganaihaira da athumna theihaowa.

WUNGVA̱-WUNGVĀ 6:2

Kala Midianaobingwui pāngna Israelli yuikahaiwui vang, Israelwui mibingna kaphungphungli khalei lungkhurkhur ngaveiveili shim asāpama.

1 SAMUEL 13:15

Kala Samuelna ngakarthuida Gilgalwui eina Benjaminwui Gibe-ahli vāhaowa. Kala Saulna awui mi shānyanglaga athum shātharuk sha̱kha leisai.

1 SAMUEL 14:11

Chieina anina Philistinewui raimipamwui eina theikhavai vai; kala Philistinenaobingna, “Yanglu, Hebrewnaobing akhurli yāmkhangayinwui eina shokrādalei” da hānga.

1 SAMUEL 14:22

Chithāda sāda, Ephraimwui kaphungramli athum khalatta vangathum kahai Israelwui mibing chinala Philistinenaobing yāmhaira kaji kashā eina, athumla panglāk eina kharomvāda railung vāzangda angarara.

1 SAMUEL 23:19

Chiwui thili Ziphwui mibingna Gibe-ahli vāda Saulli ahānga, “Horeshli, Jeshimonwui azingshong Hachilah kaphungli Davidna raipan sālaga pamda lei kaji matheimala?

1 SAMUEL 24:3

Kala ana shongfa ngalemli yaoshim sākahaipamli vākashung tharan, lungkhur akha leisāda chili Saulna zangngasāmkhui. Chitharan David eina awui mibing lungkhur chiwui alung thukmeithui kaji chili pamsai.

1 SAMUEL 31:7

Kala tampāk makānda khalei, kala Jordan makānda khalei Israelwui mibingna, Saulshi vānaongarā thihaira kaji kashā eina keinungbing horhaida kachāyām eina yāmhaowa. Kala Philistinenaobingna asompamhaowa.

1 SAMUEL 7:7

Chitharan Israelwui mibing Mizpahli kazipta lei kaji kashā eina, Philistinewui wungnaobingna ngasung khavai kai, kala Israelwui mibingna chi kashā eina athum Philistinenaobingli ngacheehaowa.