1 SAMUEL 12:9 - Kathara Bible (BSI)

⁹ Kha athumna athumwui Vare Proholi malaihaowa, chieina ana athumli Hazorwui awunga Jabinwui raimi akhava Siserawui pāngli, kala Philistinewui pāngli kala Moab awungawui pānglila yorsangmihaowa.

1 SAMUEL 12:9 Iomraidhean Croise

2 SAMUEL 7:11

khare kachāng ina wungva̱-wungvābingli kapangsangda Israelli munglakhawui atam thāda; ina nawui yangkashebingwui eina nali ngasāmkhui ngasakra. Chili lāngmeida Prohona nali shim akha sāngasakra da Proho na hānghaira.

LAA 106:21

Athumwui huikhame Vare, Egyptli hakkhamahā ot sāmi kahaiali malaihaowa;

ISAIAH 63:10

Kha athumna ngakaishida, awui kathara Manglāli khanang ngasaka; chiwui vang a athumwui yangkashe sāthuihaowa, kala akhalatta athumli ngarara.

JEREMIAH 2:32

Ngalānaona awui sāri lah ngalā khām kahaiva̱na awui sāri khongnāng malaihaipaila? Kha iwui mibingna mashānkharar zimiksho ili malaihaowa.

KHALATLUI 32:18

Nathumli sākakho lunghārli maphaningluithuwa, nathumli pharākakhuiya, Vareli malaihaowa.

KHALATLUI 32:30

Kathāda akhana thingkhali kashamra, kala khanina thingtharāli kathāda shiyāmra kaji, athumwui Lunghār china athumli yorkahai maningkha, Prohona athumli mishok kahai maningakha?

WUNGVA̱-WUNGVĀ 10:7

Kala Prohowui malungkhavāt Israelwuitungli tāhaowa, kala ana athumli Philistine kala Ammonnaobingwui pāngli horsangmihaowa;

WUNGVA̱-WUNGVĀ 13:1

Kala Israelnaobingna Prohowui mangāli makhayā otmāng saluida Prohona athumli Philistinenaobingwui pāngli kum hangmati horsangmihaowa.

WUNGVA̱-WUNGVĀ 2:14

Chiwui vang Prohowui malungkhavāt Israelwuitungli rāhaowa, kala ana athumli kuimareida kapambing athumwui yangkashebingwui pāngli horsangmihaowa, chithāda sāda athum yangkashibingli mangasungrarthuwa.

WUNGVA̱-WUNGVĀ 3:12

Kala Israelwui mibingna Prohowui mangāli makhayā otsak sāluishita; kala athumna makhayā otmāng kasāwui vang Prohona Moabwui awunga Eglonli pangshap sangmida Israelli ngarar ngasaka.

WUNGVA̱-WUNGVĀ 3:31

Ehudwui thili Anathwui naomayara Shamgarna, ana seira̱kui eina Philistinenaobing shātharuk shaothata; kala anala Israelli kanshoka.

WUNGVA̱-WUNGVĀ 4:2

Kala Prohona athumli Hazorli mungkasā Canaanwui awunga Jabinwui pāngli horsangmihaowa; awui raimiwui raithānali Sisera hoi, a Harosheth-ha-goiimli pānsai.

1 SAMUEL 12:15

kha maningla, awui kahāng manganamada Prohowui ningkhami mamayonakha nathumwuitungli, kala awungawuitungli, Prohona mamayāmara.