1 SAMUEL 12:3 - Kathara Bible (BSI)

³ Arui I hili leili, Prohowui mangāli kala awui thao neomi kahaiawui mangāli hāngphatlu. ina khipāwui sei khuihaira? Lha ina khipāwui gadhā khuihaira? Lha ina khipāli kateizāhaira? Ina khipāli rekharekhaira? Lha ina khipāwui pāng eina pheizā khuida khamashungli imik ngapeo ngasakhao? Ili hāngphatlu, chieina ina nathumli hanmira.”

1 SAMUEL 12:3 Iomraidhean Croise

2 SAMUEL 22:22

Kaja Prohowui apongli ina shurzata, Varewui eina yāmhaida makaphā masāmana.

NEHEMIAH 5:11

Athumwui lui, drakhā yāmgui, olive yāmgui, kala shimla, aja zimik hanshokmiserhaolu; kala shāshāwui eina tārkakhui pheisā, kashakazā, drakhāra̱, kala thao nathumna khuikahai chila hanmiserhaolu.”

LAA 15:5

pheisā tarkhui khavai makachishuta, kala khayon makhaleiya mibingwui eina pheiza makazā, mi china sompamra. Hikathā kasā mibing chi mangatha̱lakmara.

SHONGZĀ 20:17

“Nawui khongnaiwui shim maningchangpaimana; nawui khongnaiwui preiva̱, awui rao mayarnao, rao sha̱nao, mukkā, gadhā, awui khaleilei maningchāngpaimana.”

SHONGZĀ 22:4

kha chi zimik shoknamhaikha, ashee chiwui vang shongrān leira.

SHONGZĀ 23:8

Pheizā makhuipaimara, kaja pheizāna akhavābingli mik ngapeo ngasaka, kala khamashungali yonngasaka.”

CHĀNSAM 15:27

Makhamashung eina tongkazā khavaiwui vang khangamar mi chi awui shimkhurli khanang ngasaka, kha pheizā kazāli ningkakachai mina ringra.

PĀNGMONSHI 6:4

kachikathā morei sāda yonkahai tharan, ngapaikakhui nilala, satkharatta kakhui nilala, ali chisin kahai minamkakhui nilala, shimān kahai samkaphang nilala ana hanmira;

PĀNGMONSHI 6:5

maningakha ana minamda shākhi sākakhui nilala, tongtingda hanmiphalungra; chiwuitungli sharuk phangāwui akha lāngsangmiphalungra, hi suihamchigat chigatthang akhavāpali mira.

MISHĀN 16:15

Chieina Moses malungvātlakhaowa, kala Proholi hānga, “Athumwui kachigat makhuimialu, athumwui eina ina gadhānao akhala makhuiranga, kala athum akhalila khangui masāranga.”

MATTHEW 22:21

“Caesarwuina” da athumna ngahānkai. Chieina Jishuna athumli hānga, “Chithākha Caesarwui chi Caesarli milu, kala Varewui chi Vareli milu.”

LUKE 19:8

Zacchaeusna nganingkāda Proholi hānga, “Nganāmilu, Ojā! Iwui khalalei lan ngakaipakta kachāmabingli mira, kala ina kachikathā akhali kateizāhaisaakha akhum mati mataida ali hanmira.”

OTSAK 20:33

Ina mi khipākhawui sinā-lupāla, kashankachonla makahaomana.

2 CORINTHNAO 12:14

Ina nathumli rākida hotkhanā hina kakathumana. Rālala nathumli makhanang ngasakmara; kaja nathumwui ot ningkachāng maningmana kha nathumli ningkachāngna. Naongarāna ava̱ avāwui vang ngarānsangki kaji maningmana, kha ava̱ avāna naongarāwui vang ngarānmiki kajina.

KHALATLUI 16:19

Mashun nathumna mangui ngasakpaimana; nathum mijang masāpaimana, pheizā mazāpaimana, kaja pheizā kazāna thangkhameiwui mik ngapeo ngasakta khangarongli yonngasaka.

1 THESSALONICANAO 2:10

Shitkasanga nathumli ithumna kasā acham aram chi kathara, khamashunga kala khayon makhaleiana kaji nathum kala Varena shākhina.

1 THESSALONICANAO 2:5

Ithumna sotkhamasao tui mamatuimana kaji nathumna thei kala karāmda masāmana kajila Varena shākhina.

1 PETER 5:2

Nathumwui pāngli Varena horsangmi kahai yaobingli mathālak eina homlu, Varewui ningkachāng athishurda yangmilu, tandi thada masāla mathanthathup sālu, amanwui vang maningla sāngairereo ngatha̱milu.

1 SAMUEL 10:1

Chiwui thili Samuelna thaokhong akha khuishoklaga Saulwui akuili chi heirora, kala ali maya̱khuida hānga, “Awui yur Israelwui wungnao sākhavai Prohona nali neokhami maningmala? Prohowui yurbingwuitungli nana mungra, kala kuimareida khalei athumwui yangkashebingwui pāng eina nana kanmira, kala hina nali khudam sāra kaja awui shimlui tungli wungnao sākhavai Prohona nali thao neomi kahaina.

1 SAMUEL 12:4

Athumna, “Nana ithumwui eina kateikazāla maleimana lah rekakharekla lah miwui pāng eina kakhuila maleimana” da ngahānkai.

1 SAMUEL 12:5

Ana athumli hānga, “Iwuili khikha khayon maleilakmana da nathumna kahāng hi Prohona theira, kala aja awui thao neomikahaia hina theira.” Kala athumna, “Mha, ana shākhina” da hānga.

1 SAMUEL 2:35

Kala iwui ningli ningkachāng saki kaje ningtongda shitkasanga pāngmon akha ina shokngasakra; kala ina ali makhangachei shimkhur sakāmira, kala iwui thao eina neomi kahai chiwui mangāli ana kashok-kazang yangmichingra.

1 SAMUEL 24:11

Theilu, ishāvā, nawui kachon khara̱ hi, kaja ina nawui kachonmarei ngakakkhuilaga nali masāthatmana; hi eina nana theira, iwui khalāng lah nali sākashi khikha maleimana kaji theilu. Nana imanglā khuikhavai sālala iva nawuitungli morei masālakmana.

1 SAMUEL 24:6

Davidna awui mibingli “Prohowui thao neomi kahaiya mi chili thatheilaga, ina ishameili ipāng kapar otsak hikathā sākhavai Prohona mamayāmara” da hānga.

1 SAMUEL 24:7

Chiwui vang eina Davidna awui mibingli zakshilāk eina khararda Saulli masāthatpaimara jihaowa. Kala Saulna ngakarthuida lungkhurwui eina awui vāki kajishong thuihaowa.

1 SAMUEL 26:11

Prohona thao neomi kahaia chili pāngkakā Prohona mamayāmana; kha akuishakli shunkahai kazei eina tara̱ phungkhavai chi khuilu, laga thuiusa.”

1 SAMUEL 26:9

Kha Davidna, “Ali masāthatpaimara; kaja Prohona thao neomi kahaia chili pāng kāda khipāna morei maleimarakhala?” da Abishaili hānga.