1 SAMUEL 12:2 - Kathara Bible (BSI)

² Ara yanglu, awungana nathumli thānda lei; Iva sarhaida kuila ngapokhaira, kala yanglu, inaomayara khanila nathumli ngasoli; kala ina nganuilakha eina thuida aja rāshungda nathumli thānrāhaira.

1 SAMUEL 12:2 Iomraidhean Croise

LAA 71:18

Chieina sarhaida kasārsam kashok atamlila, O Varivara, ili horkahai masāmialu, rāki kaji thot saikorali nawui pangshap ina mahāngseranglakha eina tangda.

MISHĀN 27:17

ana athumwui mangāli rizatra, athumli thanshokmira kala thānzangmira; chithāda sāda Prohowui ashangva̱ yaokahoma makhalei yaonao thāda mazatmara.”

2 TIMOTHY 4:6

Iwui vanga ili shaothatki kaji atam nganailakhaira, kala iwui kapāng atam rāhaira.

JOSHUA 23:1

Atam kasangkhawui thili Prohona Israelli kuimareida khalei yangkashebingwui eina ngasāmkhui khangasak tharan Joshuala rarhaida saryuihaowa,

JOSHUA 23:2

Joshuana Israel saikorali, athumwui ararbing, kala akuibing, athumwui bicharsamebing kala otva̱bingli hokhuida hānga, “I ara rarhaida saryuihaira,

2 PETER 1:14

Kaja ithumwui Proho Jishu Khristana chitheikhami athishurda I ara masāngluila okathuiwui eina kānthuihaora.

1 SAMUEL 2:22

Chitharan Eli rarshunhaowa; kala anaomayarabingna Israel saikorali kasāsā, kala athumna kazip khavai kachonshim khāmong ngalemli otram khangatha̱ sha̱naobingli ngasopikazat saikora chi ana shai.

1 SAMUEL 2:29

Chithakha ina kaso kahai kachigat kala pha̱kaphayā hili khisāda ngamarkhala; kala iwui Israel mibingwui kachigat kachiva̱wui eina mathāmeikap kaji china nakhalatta mathaopamlaga ili lāngda nanaomayarabingli khayā mihaokhala?

1 SAMUEL 3:10

Kala Prohona ranganingda kharewui tākam eina, “Samuel! Samuel!” da hoi. “Kahāngmilu, kaja narao ina nganādalei.” da Samuelna ngahānkai.

1 SAMUEL 3:13

Kaja ana kathei khayonkhamāng chiwui vang ina awui shimkhurli katang makhavai tandi miki jihaira kaji ina ali hānga, kaja anaomayarabingna ili chipata, kala ana athumli mahāngmachinmana.

1 SAMUEL 3:16

Kha Elina Samuelli hokhuida hānga, “Inaomayara Samuel!” Kala ana, “I hili leili.” da ngahānkai.

1 SAMUEL 8:1

Samuel sarkahai eina, ana awui naomayarabingli Israelli bichar sāngasaka.

1 SAMUEL 8:20

kaja, ithumla yur kateibingwui thāda awunga leida ana ithumli mungra kala ithumwui rai kasāli ana mangāli thānda ngararra” da hānga.

1 SAMUEL 8:3

Chithālala anina avāva̱wui kasā thāda masāmana, kha aniwui kānnā khavai khaleishong ngareithuihaowa; kaja anina pheisā zālaga bichar mashun ngui ngasakhaowa.

1 SAMUEL 8:5

kala ali hānga, “Yanglu, na sarhaira kala nanaomayara khanina nawui thi mashurmana; chiwui vang eina yur khangateiwui thāda ara ithumli mungkhavai awunga akha kapangsang milu.”