1 SAMUEL 11:7 - Kathara Bible (BSI)

⁷ Ana seiot ngasin khavai mukkā khani chi sathatta marimrim sālaga chi Israelwui leiret saikorali paomebing eina ngasoda chihovāda, “Saul eina Samuelwui thi makashura mi chiwui sha̱keili hithāda sāmira” da hānga. Chieina Prohowui khangachee chi mibingwuitungli tāshungda athum khokkha sāda rai.

1 SAMUEL 11:7 Iomraidhean Croise

HAOKAPHOK 35:5

Athumna zatmamānlakha, athumli kuimareida khalei keinungbingwuitungli Varewui eina khangachee akha tāshunghaowa, chiwui vang Jacobwui naomayara ngarāli mangahomthuwa.

2 THOTRINCHĀN 14:14

Kala Proholi khangacheena pemhaoda athumna Gerar ngalemli khalei keinung saikora sākhayāngmiserhaowa. Keinung chili ot kachungkha leisāda sorkhangasai ngaponkhui.

2 THOTRINCHĀN 17:10

Judahli kuimareida khalei wungram kachida Proholi khangachee rāshunghaoda Jehoshaphatli athumna rai mangararlengthuwa.

2 THOTRINCHĀN 19:7

Chiwui vang Vareli khangachee nathumwuitungli leiranu; nathumna khi sālikhala kaji ningngasharlu; kaja ithumwui Proho Varewuili mashun thānkhangui maleimana; mijangla maleimana, pheizāla maleimana.”

ISAIAH 8:13

Kha saikorawui Proholi katharana da phaningki kajina; nana ngacheeki kaji kala nganaki kaji chi a ngasaranu.

WUNGVA̱-WUNGVĀ 19:29

Kala ana shimli ungkashung eina ghainao akha khuilaga angashirva̱wui asā chi aphei apāng ngalaklaga khum tharāda khani sākhui, kala asā chi Israelwui leiret kachiva̱li yaovā ngasaka.

WUNGVA̱-WUNGVĀ 20:1

Chiwui thili Israelwui mi saikora, Dan eina thuilaga Beer-sheba vāshungda, Gileadwui lam zanglaga, mi ashang akha sāda Prohowui mangāli Mizpahli kazipa.