1 SAMUEL 11:6 - Kathara Bible (BSI)

⁶ Kala ana tuibing chi kashā eina Varewui manglā Saulwuitungli panglāk eina rāzangda a malungvātshunhaowa.

1 SAMUEL 11:6 Iomraidhean Croise

SHONGZĀ 32:19

Kala rāmrahpamli ungzangkhaleoda ana seinao kala pheichak kasā chi theilaga, Moseswui malungkhavāt mei kachui thāhaowa, kala apāngli kasing lungphek chi hortāda phungrei pheili horkhaihaowa.

MISHĀN 12:3

Moses malung nimlaka. Okathuiwui mi saikorali malung nimkhamei mina.

MARK 3:5

Athumwui ning khamakang chi theilaga wukkakhanang eina malungkhavāt ngasoda ana athumli yanglaga kakazā mipa chili “Napāng katinglu” da kasoi, ana katingkashok eina khangachā apāng thāhaowa.

EPHESIANAO 4:26

Malungvāt ngaroklala morei masaalu kala langpongda malungmavātalu.

WUNGVA̱-WUNGVĀ 11:29

Chiwui thili Prohowui manglāna Jepthali zangmida ana Gilead eina Manasseh kānvai, chiwui eina phonda Gileadwui Mizpahli kānda Ammonnaobingli vai.

WUNGVA̱-WUNGVĀ 13:25

Kala Zorah eina Eshta-ol ngachaili Mahaneh-dan kaho apam chili leilakha Prohowui manglāna ning thuikhamathuk ngasakphokhaowa.

WUNGVA̱-WUNGVĀ 14:6

kala Prohowui manglāna awuitungli pangshap rāzangmi, kala kazingkha̱ chili mina yaonao shaokathat thāda paisor eina makhā serkhaimihaowa; apāngli khikha masingmana. Kha ana kasā chi avā eina ava̱va̱li khikha mahāngmana.

WUNGVA̱-WUNGVĀ 15:14

Ana Lehili ungkashung eina Philistinenaobingna mathānda vaoda rāngaroka; kha Prohowui manglāna awuitungli pangshap zangmida, apāngli khalap kahai seipeng chi meina chuishat kahai thāda shireipatshathaowa.

WUNGVA̱-WUNGVĀ 3:10

Prohowui Manglāna awuitungli tāshungmida ana Israelli mungsai; kala ana thānda rai vai, kala Prohona Mesopotamiawui awunga Cushan-rishanthaimli awui pāngli horsangmida ana yuihaowa.

WUNGVA̱-WUNGVĀ 6:34

Kha Prohowui manglāna Gideonli ngasomida ana talla̱ khonglaga ali shurkhavai Abieznaobingli hokhui.

1 SAMUEL 10:10

Anina Gibe-ahli ungkashung tharan, ali marān kachungkha samphanga; kala awuitungli Varewui manglā zangmida ala phongkhami tui matuiya.

1 SAMUEL 10:6

Chiwui thili Prohowui manglā chi pangshap leilak eina nali zangda nala kaphongli zangra, kala ngateihang kahai mi onhaora.

1 SAMUEL 16:13

Chieina Samuelna thaokhong chi khuida, ali achinā ngarāwui mangāli thao neomi; kala chithang eina thuida Davidli Prohowui manglāna chipemmihaowa. Kala Samuelna Ramahli latunghaowa.

1 SAMUEL 16:14

Chitharan Prohowui manglā Saulwui eina pākthuihaida Prohowui eina makathar manglāna Saulli ningrāk ngasaka.