1 SAMUEL 10:6 - Kathara Bible (BSI)

⁶ Chiwui thili Prohowui manglā chi pangshap leilak eina nali zangda nala kaphongli zangra, kala ngateihang kahai mi onhaora.

1 SAMUEL 10:6 Iomraidhean Croise

MISHĀN 11:17

Chieina ina nali chili tāngazekra; kala nawui eina ina manglā kakhuilaga athumli sangmira, chieina athumnala mibingwui kachot chi nali phungrumra, namāngna maphungluimara.

MISHĀN 11:25

Chieina Prohona muiyalung eina tāda ali ngazeka, kala awui eina manglā ngayarda arar hangshini chili sangmi, kala manglā chi athumwuili zangkahai eina, athumna marānuwa. Kha naoda athumna chithāda masāluimana.

MISHĀN 11:26

Athumwui ngachaili mi khani, akhana Eldad kala akhapā Meldad hoda mingchanlala kachonshimli marāla rāmrahli pamhaowa, kala manglā chi anilila rāzangda anila rāmrahli marāna.

MISHĀN 11:29

Kha Mosesna ali hānga, “Iwui vang eina na mikpaishihaola? Prohowui mi saikora marān ngasāsāsi kaja, Prohona awui manglā athumli sangmisāsi kaja jong!”

MATTHEW 7:22

Chithanghon mi kachungkhana ili ‘Proho, Proho, ithumna nawui sāshap-pangshap chieina mamarānmala? Kala nawui pangshap eina kameo makashamshokmala? Nawui sāshap-pangshap chiwui alungli ithumna matakhak kahai tarākha masāmala?’ da hāngra.

WUNGVA̱-WUNGVĀ 14:6

kala Prohowui manglāna awuitungli pangshap rāzangmi, kala kazingkha̱ chili mina yaonao shaokathat thāda paisor eina makhā serkhaimihaowa; apāngli khikha masingmana. Kha ana kasā chi avā eina ava̱va̱li khikha mahāngmana.

WUNGVA̱-WUNGVĀ 15:14

Ana Lehili ungkashung eina Philistinenaobingna mathānda vaoda rāngaroka; kha Prohowui manglāna awuitungli pangshap zangmida, apāngli khalap kahai seipeng chi meina chuishat kahai thāda shireipatshathaowa.

WUNGVA̱-WUNGVĀ 3:10

Prohowui Manglāna awuitungli tāshungmida ana Israelli mungsai; kala ana thānda rai vai, kala Prohona Mesopotamiawui awunga Cushan-rishanthaimli awui pāngli horsangmida ana yuihaowa.

1 SAMUEL 10:10

Anina Gibe-ahli ungkashung tharan, ali marān kachungkha samphanga; kala awuitungli Varewui manglā zangmida ala phongkhami tui matuiya.

1 SAMUEL 10:9

Ana Samuelwui eina zatthuikhaleoda Varena khangatei ning akha sangmi, kala machutkhui khavai saikora chi chithang rāshokserhaowa.

1 SAMUEL 11:6

Kala ana tuibing chi kashā eina Varewui manglā Saulwuitungli panglāk eina rāzangda a malungvātshunhaowa.

1 SAMUEL 16:13

Chieina Samuelna thaokhong chi khuida, ali achinā ngarāwui mangāli thao neomi; kala chithang eina thuida Davidli Prohowui manglāna chipemmihaowa. Kala Samuelna Ramahli latunghaowa.

1 SAMUEL 19:20

Chieina Saulna Davidli akhui khavai paomebing chihovai; kala marānbingli Samuelna thānda marān kasā chi athumna athei, kala paomebing chilila Varewui manglā zanghaida athumla marānphokuwa.