1 SAMUEL 10:3 - Kathara Bible (BSI)

³ Chiwui eina nana ungmeilaga Tabor shirimthing pheili, Vareli samphang khavai Bethelli vāki kaji mi kathum nali samphangra; athum akhana yaonao kathum phung, akhana khamuitang kathum, akhapāna drakhāra̱ sangkhavai khao phung jira.

1 SAMUEL 10:3 Iomraidhean Croise

HAOKAPHOK 28:19

Apam chili Bethel da phokmi; kha keinung chiwui aming khareli Luz hosai.

HAOKAPHOK 28:22

kala ina pakra̱ sāda shunkahai ngalung hi Varewui shim sāra; kala nana ili khami saikorawui akhum tharā nali mira.”

HAOKAPHOK 35:1

Varena Jacobli hānga, “Ngakarthuida Bethelli shangda chili apamulu; kala nana nashamei Esauwui eina yāmzatlakha nali rākachithei Vare chili hanphut akha sālu.”

HAOKAPHOK 35:3

chiwui thili ithumna Bethelli shangda ina chotchānglakha ili ngahānkākhame, kala iwui kazazatli ngasokhame Vare chili ina hanphut akha sāra.”

LAA 89:12

Atungshongla, azingshongla, nana sākhuisera, Tabor eina Harmonna mathānlak eina namingli sochikatli.

JEREMIAH 32:8

Chieina ichinā Hanamelna mayon khavaipamli, Prohowui tui athishurda ili rāhānga, Benjamin lamli khalei Anathothli iwui lui chi lokhuilu, hi nana ngatangkhuirāna; chi nawui vang lokhuilu. Chieina tui hi Prohowui tuilaka da ina theikhui.

PĀNGMONSHI 1:10

Kalikha awui kachigat chi rikkatā kachigatwui vang yaoshangwui yao, lah meakha, achuk kapei avā chigatranu;

PĀNGMONSHI 23:13

Kala chili ngasoda tharāzāt kachigatwui vāng, thao khamanāt manaktak kahai mathir khuilui khum tharāwui khum khani zangda Proho mangāli meili riktāra, chi ningyāngkhaung nganamkaphā otna; kala hieina ngasoda ra̱shakchigat drakhāra̱, lengkhor akhawui akhum mati zangra.

PĀNGMONSHI 3:12

“Awui kachigat chi meakha, Prohowui mangāli chigatra,

PĀNGMONSHI 3:6

“Kalikhada awui kachigat chi ningyatshar kachigatwui pha̱kaphayākha, ana yaoshangwui eina kachigat sāyur chi, avā nilala lah alā nilala, ana achuk kapei Prohowui mangāli chigatra.

PĀNGMONSHI 7:13

Ningkashiwui kachigat awui ningyatchigat kasāli pha̱kahai otli ngasoda khawok kazanga khamui khuirāra.

JOSHUA 19:12

Sarid eina haophoklaga lakkashong zingshovāk zimik shokkhavaishong Chisloth-taborwui thari vāshunga; chiwui eina Daberath vai, chiwui thili Japhia shangshunga;

JOSHUA 19:22

Thari chi Tabor, Shahazumah, kala Beth-shemesh, hibing vāza̱da Jordan eina tanga—athumwui kha̱bing eina ngasoda keinung tharāda tharukna.

WUNGVA̱-WUNGVĀ 20:18

Israelwui mibingna Bethelli vai, kala Vareli angahāna, “Benjaminbingli ngarar khavai khipashi shang vārikaprakhala?” Kala Prohona, “Judahna vārikaplu” da hānga.

WUNGVA̱-WUNGVĀ 20:23

Kala Israelwui mibingna Prohowui mangāli kāda ngazin eina tangda chapsasui Proholi “Ichināngarā Benjaminnaobingli rai masāluirakhala?” da ngahāna, kala Prohona hānga, “Athumli angararlu.”

WUNGVA̱-WUNGVĀ 20:27

Kala Israelwui mibingna Proholi (kaja atam chili Varewui tuingashit oko chi apam chili haihaida,

WUNGVA̱-WUNGVĀ 4:12

Abino-amwui naomayara Barakna Tabor Kaphungli kāhaira kaji Siserali rākahāng eina,

WUNGVA̱-WUNGVĀ 4:6

Ana Naphtaliwui Kedeshli khalei Abino-amwui naomayara Barakli chihaovai, kala ali hānga, “Proho, Israelwui Varena nali kasoli, ‘Vālu Naphtali shang eina Zebulun shangwui mi thingtharā Tabor Kaphungli kazipkhuilu.

WUNGVA̱-WUNGVĀ 8:18

Kala ana Zebah eina Zalmunnali hānga, “Taborli nanina shaokathatbing chi azak kathākhala?” Anina ngahānkai, “Nathum thāsera, awunga akhawui nao thāda ngaraichasera.”

1 SAMUEL 10:4

Kala athumna nali mathānthup eina samphangda khamuitang khani mida nana athumwui pāng eina khuira.