1 SAMUEL 10:16 - Kathara Bible (BSI)

¹⁶ Kala Saulna avāgatoli hānga, “Ana Gadhābing chi samphanghaira, da shenglak eina hāngmi.” Kha ana wungramwui pongli Samuelna kahahāng akhala mahāngmana.

1 SAMUEL 10:16 Iomraidhean Croise

SHONGZĀ 4:18

Mosesna awova̱ Jethrowuili latungda hānga, “Egyptli khalei ichināngarā ringchingda leika kathakhala ungyang khavai ili lumashanmida khaung ngasakmilu.” Jethrona Mosesli hānga, “Chingri eina ungulu.”

CHĀNSAM 12:23

Thangkhamei mina awui awor thumhai, kha mangkhama̱bingna athumwui mangkhama̱ vaozata.

CHĀNSAM 29:11

Mangkhama̱ana awui malungkhavāt kashokahok tai, kha thangkhamei mina kasaikha thumhai.

HĀSHOKME 3:7

serkakhāk atam lei, kala khopkakhui atam lei; kasaikha kapam atam lei, kala khamatui atam lei;

WUNGVA̱-WUNGVĀ 14:6

kala Prohowui manglāna awuitungli pangshap rāzangmi, kala kazingkha̱ chili mina yaonao shaokathat thāda paisor eina makhā serkhaimihaowa; apāngli khikha masingmana. Kha ana kasā chi avā eina ava̱va̱li khikha mahāngmana.

WUNGVA̱-WUNGVĀ 14:9

Ana pāng eina kaokhuilaga shaimamānda zata, kala avā eina ava̱va̱lila khuiungmida anila shaiya. Kha kazingkha̱ kathingunwui eina kakhuina kaji anili mahāngmana.

1 SAMUEL 10:15

Ana, “Ili hānglu, Samuelna nali khi hāngmikhala?” da hānga.

1 SAMUEL 9:20

Nawui gadhābing shimānda kathumthang kahai chiwui vang wukmakhanangalu, kaja chibing chi samphanghaira. Israelna kahaomeikap kaji chi khipakhala? Chi na eina navāwui shimkhur maningmala?”

1 SAMUEL 9:27

Athumna zatmamānda keinung ayar vākashung eina Samuelna Saulli hānga, “Raopāli inili rida zathaolu da hānglu, kala a rithui kahai eina kasha̱kha hili nganinglu, ina nali Varewui tui hāngmira.”