1 SAMUEL 10:1 - Kathara Bible (BSI)

¹ Chiwui thili Samuelna thaokhong akha khuishoklaga Saulwui akuili chi heirora, kala ali maya̱khuida hānga, “Awui yur Israelwui wungnao sākhavai Prohona nali neokhami maningmala? Prohowui yurbingwuitungli nana mungra, kala kuimareida khalei athumwui yangkashebingwui pāng eina nana kanmira, kala hina nali khudam sāra kaja awui shimlui tungli wungnao sākhavai Prohona nali thao neomi kahaina.

1 SAMUEL 10:1 Iomraidhean Croise

2 SAMUEL 1:14

Davidna ali hānga, “Prohona thao neomi kahaia chiwuitungli napāng kakhāng na mangacheemala?”

2 SAMUEL 19:39

Chiwui thili mi saikora Jordan kānhaowa, kala awungala kānhaowa, kala awungana Barzillaili maya̱khuida sokhami mida ala ashishim hanunghaowa.

2 SAMUEL 20:19

Ila Israelwui alungli chingri eina khamathā sākhangai ning katongva̱ akhana, nathumna Israelli ava̱ kasā keinung hi sāshimān khavai sādalei, khisāda Prohowui shimlui sāshimānmihaonikhala?”

2 SAMUEL 5:2

Khare kachāng Saulna ithumli munglakha Israelli thānshokkhame chi nana; kala Prohona nali, ‘Iwui Israel mibingwui yao kahoma sāra, kala athumwuitungli nana wungnao sāra’ da hānghaira.”

1 WUNGNAOBING 1:34

chili pāngmon Zadok eina marān Nathanna Solomonli Israelwui awunga sākhavai thao neomiranu; kala talla̱ khongda, ‘Awunga Solomon okpeimeiranu!’ da vaolu.

1 WUNGNAOBING 19:18

Chithālala Israelwui alungli, Baalli khuktida makhorumlak kaje, kala khamor mangasunlak kaje mi thingshini haisara.”

2 WUNGNAOBING 20:5

“Ngareiungda iwui mibingwui wungnao Hezekiahli hānglu, ‘Navā Davidwui Proho Varena kahāngna: Ina nawui seihā kasā shāhaira, kala nawui chara̱ katā theihaira; yanglu, nawui kazāt ina raimihaida kakathumathang nana Prohowui shimli kāra.

2 WUNGNAOBING 9:1

Chiwui thili Elishana marānwui nao akhali hokhuida hānga, “Shānneira̱ neilaga thaokhong hi khuiphungda Ramoth-gileadli vālu.

2 WUNGNAOBING 9:12

Athumna, “Matheimana, ithumlila hānglu.” da ngahāna. Ana hānga, “Ana ili hithāda hānga, ‘Prohona hithāda hānga, Israelli awunga sākhavai ina nali tharchisinkhamina.’”

LAA 135:4

Kaja akhalattawui vang Prohona Jacobli kapangkhui, Israelli awui vang sākhangasak thāda.

LAA 2:12

apheili maya̱lu, maningakha a malungvāthaida, nathum kashuirak thipaishina; kaja a malung thuithaklāka. Ali ngayinkakhuibing sokhamina.

LAA 78:71

anao khangathān yaova̱ homkasāwui eina ali hokhui, awui mi Jacobli, awui shimlui Israelli homkhavai.

SHONGZĀ 30:23

“Mathāmeikap kaje nganamkaphā yur — nganamkaphā myrrh ara̱, shekel shāphangāman, nganamkaphā sākom, chiwui tangkhai, chiya shākhani hangphangāman, ngawokrung kahai nganamkaphā mathira̱ shākhani hangphangā man,

JEREMIAH 10:16

Jacobwui Vare chiya athum kathā maningmana, kaja ot saikora hi ana kasāna, awui shimlui ngasā khavai Israelli ana kapangkakhuina. Ashangva̱wui Proho chi awui mingna.

EZEKIEL 16:13

Chithāda nali sinā lupā eina sāri sāmi; kala nawui kashankachon khamanak kala silk kachon, aphor phorkasanga kachonmānga; nana khamanaka mathir kala khuira̱ eina thaomāng zai. Na ngalā mathākachangkhata rarkai kala awungawui shimlui samphanga.

HOSEA 13:2

Kala ara athumna morei chungmeida sākhangai sai, athum khalattawui vang meoma̱ sākhui, themlak eina lupāsā eina meoma̱ sākhui, saikora chi them kathembingwui pāngotna. Hibingli pha̱phayālu da athumna hānga, mibingna seinaobingli maya̱ya.

OTSAK 13:21

Chiwui thili mibingna awunga akha poi, chieina Varena Benjamin shangli kapharā Kishwui naomayara Saulli kum hangmati mungkhavai mi.

KHALATLUI 32:9

Kaja Prohowui sharukva awui mibingna, Jacob awui yartā kahai shimluikatna.

1 THESSALONICANAO 5:26

Shimkhurwui mili leishilak eina samphangkakhui thada shitkasanga mi saikorali shālam sākhuilu.

HEBREWNAO 2:10

Ot saikora kasā kala phāri khavai Varena mi kachungkhali Anaomayarawui tekhamatei chi samphangrum khavai mingasakphalungra kaji hi mashunglaka.

PHONGKHAMI 5:8

Kakhui eina kharinga sāyur mati kala arar maga̱da mati china Yaonao chiwui mangāli ngakhumsangsera. Athum chi tingteilā ava̱va̱, kala nganamkaphā thao pemting eina kazang sinā tengkot akharip singa, chi kathara mibingwui seihā kasāna,

1 SAMUEL 12:3

Arui I hili leili, Prohowui mangāli kala awui thao neomi kahaiawui mangāli hāngphatlu. ina khipāwui sei khuihaira? Lha ina khipāwui gadhā khuihaira? Lha ina khipāli kateizāhaira? Ina khipāli rekharekhaira? Lha ina khipāwui pāng eina pheizā khuida khamashungli imik ngapeo ngasakhao? Ili hāngphatlu, chieina ina nathumli hanmira.”

1 SAMUEL 13:14

Kha ara nawui wungram maleiluimara; Prohona awui ningkachāng mi akha pākhuihaira; awui mibingwuitungli wungnao sākhavai kapangkhuihaira; khikhalajila Prohowui kakaso nana mashurthuwa.”

1 SAMUEL 15:1

Kala Samuelna Saulli hānga, “Prohona awui Israel mibingwuitungli awunga sākhavai nali thao neomi khavai ili kachihona. Chiwui vang eina ara Prohowui tui nganālu.

1 SAMUEL 15:17

Kala Samuelna hānga, “Nakhalattawui mikyanli na khikha maningmana da theilala, na Israel shangbingwui akhavā maningmala? Prohona nali Israelwuitungli awunga sākhavai thao neomihaira.

1 SAMUEL 16:1

Prohona Samuelli hānga, “Saulna Israelwui awunga saki kaji ina mamayāmana kaji thatheilaga nana awui vang karankha sifarakhala? Thaokhongli thao sangkhuilu, kala zatulu; ina nali Bethlehempa Jessewuili chihovāra; kaja awunga sākhavai iwui vang awui naomayarabingwui eina ina akha kapangkhuihaira.”

1 SAMUEL 16:13

Chieina Samuelna thaokhong chi khuida, ali achinā ngarāwui mangāli thao neomi; kala chithang eina thuida Davidli Prohowui manglāna chipemmihaowa. Kala Samuelna Ramahli latunghaowa.

1 SAMUEL 2:10

Proholi yangkashebing akha̱-akhā ngasāra; athumwuitungli mamayāmada kazingramli ana khangangra. Okathui vāshungda Prohona bichar sāra; ana awui wungnaoli yangmira, kala awui thao neomi kahaiya chili khayā kāngasakra.”

1 SAMUEL 24:6

Davidna awui mibingli “Prohowui thao neomi kahaiya mi chili thatheilaga, ina ishameili ipāng kapar otsak hikathā sākhavai Prohona mamayāmara” da hānga.

1 SAMUEL 26:11

Prohona thao neomi kahaia chili pāngkakā Prohona mamayāmana; kha akuishakli shunkahai kazei eina tara̱ phungkhavai chi khuilu, laga thuiusa.”

1 SAMUEL 26:9

Kha Davidna, “Ali masāthatpaimara; kaja Prohona thao neomi kahaia chili pāng kāda khipāna morei maleimarakhala?” da Abishaili hānga.

1 SAMUEL 8:19

Kha mibingna Samuelwui tui makhuisangngaithuwa, kala athumna hānga, “Masāpaimara! kha ithumwuitungli awunga leiphalungra,

1 SAMUEL 8:9

Chieina ara athumwui kahāng chi nganāhaolu; kala athumli mungki kaje awungana sāki kaji apongbing chi athumli hāngchitheilu.”

1 SAMUEL 9:16

“Akhama, atam hitharan, Benjamin ramwui eina ina mi akha chihorāra. Iwui Israel yurwui awunga sākhavai ali thao neomilu. Philistinenaobingwui pāng eina ana iwui yurbingli kanmira, kaja iwui yurbingwui kachotkachāng ina theihaira, khikhalajila athumwui khangakaokhon ili rāshunghaira.”

1 SAMUEL 9:27

Athumna zatmamānda keinung ayar vākashung eina Samuelna Saulli hānga, “Raopāli inili rida zathaolu da hānglu, kala a rithui kahai eina kasha̱kha hili nganinglu, ina nali Varewui tui hāngmira.”