1 SAMUEL 1:9 - Kathara Bible (BSI)

⁹ Athumna Shilohli phāshak phazākhui kahai eina Hannah thuihaowa. Atam chili Eli pāngmon Prohowui Khorumshim khāmongpheili pamsai.

1 SAMUEL 1:9 Iomraidhean Croise

2 SAMUEL 7:2

awungana Nathan marānli hānga, “Yanglu, ina cedarthing eina kasā shimli pamda lei, kha Varewui ningkhami okova kachonshimli lei.”

LAA 27:4

Prohowui eina ot akha ina pokahai chiya, iwui mirin peida Prohowui shimli pamkhavai, Prohowui khamathā chi yangpam khavai, kala Khorumshimli ali phākhui khavaina.

LAA 29:9

Prohowui khona shimrimthing ngayit ngasaka, kala ngahong ngaingasaka; kala awui khorumshimli saikorana, “Tekkhamatei” da vaosera.

LAA 5:7

Kha iva nawui makhangachei leikashiwui makhavāta chiwui mangā eina nawui shimli zangra, ina nawui kathara khorumshim chili khangachee eina nali khorumra.

SHONGZĀ 21:6

shimva̱ china Varewui mangāli khuivāra, kala khāmongpheili, lah pākra̱pheili nganing ngasakta shimva̱na borā kapim eina khanā sa̱mira; kala mirin peida ali otram ngatha̱ra.

1 SAMUEL 1:10

Kala Hannahna malung ringlak eina Proholi seihā sāda wukkhananglāk eina chapa.

1 SAMUEL 3:15

Samuelna ngathor eina tangda piya; chiwui thili ana Prohowui shim khāmongbing ashohaowa. Kala Samuelna ali rākhamahā chi Elili hāngkida ngacheehaowa.

1 SAMUEL 3:3

Varewui thaomei chila masashimitrangsai, kala Samuelna Varewui ningkhami oko haikhavai pam Prohowui shimlungli pihairasai.

1 SAMUEL 4:13

Ana ungkashung tharan, Elina shongfa ngalemli awui pamkhongli pamda ngashānsai; kaja, Varewui oko khuithui kahai chiwui vang ngacheeshunhaowa. Kala mipa china pao chi ungkahāng eina keinungwui mi saikora chapngachai.