1 SAMUEL 1:7 - Kathara Bible (BSI)

⁷ Chithāda kum kachida vāchinga; kala Prohowui shimli kakā atam kachida preiva̱̱ china ali malung thuingasakchinga. Chiwui vang Hannahna maphazāla chappama.

1 SAMUEL 1:7 Iomraidhean Croise

LAA 102:4

Ining khawo wutkahai thāda thenghaowa, zātla kazā malaihaowa.

LAA 102:5

Panglak eina ringkhangāwui vang ara̱kuimāng ngasāhaira.

JEREMIAH 41:5

Shechem, Shiloh kala Samariawui eina mi hangchishat, kachonkakāk ngavai, phasā huikazazamhai, morhā siriplaga, Prohowui shimli tharāzat kachigat kala nganamkaphā otyur riktākhavai rārāsai.

1 SAMUEL 1:6

Kala awui pheiva̱na malung thuikhavai, ali thurngasakchinga, kaja Prohona ali naopam shungmihaowa.

1 SAMUEL 1:8

Kala agahara Elkanahna, “Hannah, khisāda maphazāla kachapkhala? Khiwui vang hiyākha malung kharingkhala? Naomayara tharāli I machongmeimala?” da hānga.

1 SAMUEL 2:1

Hannahna seihā sāda hānga: “Iwuklung Proholi masot chigatli; Prohona ili pangngasaka. I khamorna iwui yangkashebingli mana̱shi, kaja nawui huikhamiwui vang eina ina mathāna.

1 SAMUEL 2:19

Kala ava̱va̱na agaharali ngasoda kum kachidawui pha̱kaphayā sākhavai khavā chitharan, ava̱va̱na awui vang kateowa katuma phahon akha khoplaga khuivāmimi ji.