1 SAMUEL 1:3 - Kathara Bible (BSI)

³ Mipa hina saikorawui Proholi khorumda pha̱phayā khavai, aramwui eina kum kachida Shilohli kāchinga; apam chili Eliwui naomayara khani Hophni eina Phinehasna Prohowui pāngmon sāsai.

1 SAMUEL 1:3 Iomraidhean Croise

LAA 78:60

Mibingli ngasoda leikasā Shilohwui, kachonshim pam chihohaowa,

SHONGZĀ 23:14

“Kumkhali kathum shida nathumna iwui phanit sāra.

SHONGZĀ 23:17

Kumkhali kathum shida mayarnao kachiva̱na Proho Varewui mangāli rānganingra.

SHONGZĀ 34:23

“Kumkhawui alungli nathumwui mayarnao saikora Israelwui Vare, Proho Varewui mangāli kathum shida rānganingphalungra.

LUKE 2:41

Ava̱ eina avāva̱na kum kachida Makānkhami phanit Jerusalemli azangchinga.

KHALATLUI 16:16

“Proho nathumwui Varena kapangkhuiki kaji apam chili nathum mayarnaobing hupta, kumkhali kathumshida: khawok makazang khamui phanit, haptātāwui phanit, kala chumpha̱li vāphalungra. Athumna Prohowui mangāli khamasai eina mavāpaimara;

JOSHUA 18:1

Chiwui thili Israel yarui ashangva̱ Shilohli ungkazipta chili kazip khavai kachonshim akha sākai; ngalei chi athumna yuikakhuina.

WUNGVA̱-WUNGVĀ 18:31

Varewui shim Shilohli leilakha eina tangda Micahna semkakhui meoma̱ chi athumna haisachinga.

WUNGVA̱-WUNGVĀ 21:19

Chiwui vang athumna hānga, “Yanglu, Bethelwui atungshong, Bethelwui eina Shechemli vākhavai chanreiwui zingshoshong, kala Lebanonwui azingshong, Shiloh kaho chili Prohowui phanit kum kachida sāchinga.”

1 SAMUEL 1:21

Kala Elkanah kala ashi shimkhur saikora ngasoda kum kachidawui pha̱kaphayā chigat khavai kai, kala khangashit chi Proholi mikhavai kai.

1 SAMUEL 1:9

Athumna Shilohli phāshak phazākhui kahai eina Hannah thuihaowa. Atam chili Eli pāngmon Prohowui Khorumshim khāmongpheili pamsai.

1 SAMUEL 14:3

kala Ahitubwui naomayara Ahijah, Ichabodwui agato Phinehaswui naomayara, Eliwui naomayara, Prohowui pāngmon, ephod ngavaida Shilohli leisai. Kala mibingna Jonathan thuihaira da matheimana.

1 SAMUEL 2:19

Kala ava̱va̱na agaharali ngasoda kum kachidawui pha̱kaphayā sākhavai khavā chitharan, ava̱va̱na awui vang kateowa katuma phahon akha khoplaga khuivāmimi ji.

1 SAMUEL 2:34

Kala nanaomayara khani, Hophni eina Phinehasli, hina nali machutkhui khavai sāra; ani thangkha thitkha sāra.

1 SAMUEL 3:13

Kaja ana kathei khayonkhamāng chiwui vang ina awui shimkhurli katang makhavai tandi miki jihaira kaji ina ali hānga, kaja anaomayarabingna ili chipata, kala ana athumli mahāngmachinmana.

1 SAMUEL 4:11

Kala Varewui tuingashit oko chi khuithuihaowa; kala Eliwui naomayara khani, Hophni eina Phinehasli sāthathaowa.

1 SAMUEL 4:4

Chieina Shilohli mibing chihovai, kala cherubim tungli chipam kahai, saikorawui Prohowui tuingashit oko chi chiwui eina khuiunga, kala Eliwui naomayara Hophni eina Phinehasna Varewui tuingashit oko chili ngasorai.