1 SAMUEL 1:22 - Kathara Bible (BSI)

²² Kha Hannahva makāmana, kaja ana agaharali hānga, “Naona na̱ reikhaleoda ina ali Prohowui mangāli khuivāda vāchitheira kala chili apamchangnaoranu.”

1 SAMUEL 1:22 Iomraidhean Croise

LAA 110:4

Prohona ngashithaira, kala awui ning mangacheimara; “Nala Melchizedekwui thili kazang pāngmon akha ngasāchingra.”

LAA 23:6

Makahatlākla khamathā kala lukhamashan china iwui mirin peichaoda ili shurzatra; Kala katang mavaila Prohowui shimli ina okthuira.

LAA 27:4

Prohowui eina ot akha ina pokahai chiya, iwui mirin peida Prohowui shimli pamkhavai, Prohowui khamathā chi yangpam khavai, kala Khorumshimli ali phākhui khavaina.

SHONGZĀ 21:6

shimva̱ china Varewui mangāli khuivāra, kala khāmongpheili, lah pākra̱pheili nganing ngasakta shimva̱na borā kapim eina khanā sa̱mira; kala mirin peida ali otram ngatha̱ra.

ISAIAH 9:7

Awui shorkar mataikasang, kala chingri kahai katang maleimara, Davidwui wungpamkhongtungli kala awui wungramtungli, chi semkā khavai, kala chi mashun eina ngasoda kala khangarong eina ngasoda arui atam eina thuida katang mavaila leichingra. Saikorawui Prohona sāmikhangai china hi ungshungra.

PĀNGMONSHI 25:23

Ngalei chi yorchang masāpaimara, khikhalajila chi iwui ngaleina, kaja nathum kha̱mina, ili ngasokharāna.

LUKE 2:22

Moseswui Ain athishurda pheomatharkhami atam ungkashung tharan anina nao chi Prohowui mangāli chigat khavai Jerusalemli khuikai.

KHALATLUI 16:16

“Proho nathumwui Varena kapangkhuiki kaji apam chili nathum mayarnaobing hupta, kumkhali kathumshida: khawok makazang khamui phanit, haptātāwui phanit, kala chumpha̱li vāphalungra. Athumna Prohowui mangāli khamasai eina mavāpaimara;

JOSHUA 4:7

chitharan Prohowui tuingashit oko mangāli Jordanwui tara̱ chi thenghaowa kaji nathumna athumli pheichitheira. Jordan khamakān chitharan Jordanwui tara̱ thenghaowa. Chiwui vang eina ngalungguibing hi Israel mibingli katang makhavai phaningung khavai ngasāra.”

1 SAMUEL 1:11

Kala ana khangashit akha sāda hānga, “O saikorawui Proho, kalikhada narao sha̱nao iwui kakhanang hi theimida, kala ili phaningmida, narao ili mamalailakla mayarnao akha misi kaja, awui mirin peida ina Prohowui pāngli mira; kala akuili kuisighai maparmara.”

1 SAMUEL 1:28

Chiwui vang eina ina nao hi Proholi mikahaina, a ringlakha eina tangda Proholi mikahaina.” Kala athumna chili Proholi khoruma.

1 SAMUEL 13:13

Chieina Samuelna Saulli hānga, “Nana mangma̱lak eina sāhaira; nali kaso kahai athishurda nawui Proho Varewui ningkhami nana mamayonthura; achāva, Prohona nawui wungram Israelwuitungli mashimānla sākāhairara.

1 SAMUEL 2:11

Chiwui thili Elkanahna awui shim Ramahli unghaowa. Kala nao china Elili ngasoda Proholi otram ngatha̱ya.

1 SAMUEL 2:18

Samuelna nganuilakha eina thuida khamenga kachon eina kasā ephod ngavaida Prohowui sheba sai.

1 SAMUEL 28:2

Davidna Achishli hānga, “Phālaka, naraona khi sāmishapkhala kaji nana theinaora.” Kala Achishna Davidli hānga, “Phālaka, ina mathiranglakha eina tangda na iwui ngākkhame sāra.”

1 SAMUEL 3:1

Kateowa naoshinao Samuelna Eliwui azingli Proholi otram ngatha̱sai. Chitharan Prohona mili chan mangazekphāphāmana, kala marāmahāmiphāphāmana.