1 SAMUEL 1:11 - Kathara Bible (BSI)

¹¹ Kala ana khangashit akha sāda hānga, “O saikorawui Proho, kalikhada narao sha̱nao iwui kakhanang hi theimida, kala ili phaningmida, narao ili mamalailakla mayarnao akha misi kaja, awui mirin peida ina Prohowui pāngli mira; kala akuili kuisighai maparmara.”

1 SAMUEL 1:11 Iomraidhean Croise

HAOKAPHOK 28:20

Chieina Jacobna khangashit akha sāda hānga, “Varena ili ngasomida iwui kazazatpamli hithada thānmiakha, kala zākhavai kashakazā kala ngavai khavai kashankachon mida,

HAOKAPHOK 29:32

Leahna nao vaida naomayara akha pharai, kala aming Reuben hoi; kaja ana hānga, “Khikhalajila Prohona iwui kakhanang yangkhamiwui vang makahatlakla igaharana ara ili leishihaora.”

HAOKAPHOK 30:22

Chiwui thili Varena Rachelli phaningungda shākhamiwui vang awui naopam shomi.

HAOKAPHOK 8:1

Kha Varena marikhonglungli khalei Noah, kala sha̱kei eina sāyur saikorali phaningunga. Kala Varena okathuili masi phanngasakta tara̱ thengmamanhaowa.

2 SAMUEL 16:12

Iwui kachotkachāng hi Prohona theimida, ajawui khonkashi hiwui vang Prohona kaphā chi ili hanmipai.”

LAA 25:18

Iwui kakhanang eina kachotkachāng hi kaphāningmilu; kala iwui morei saikora kapheomilu.

SHONGZĀ 4:31

Mibingna shitsanghaowa; kala Prohona Israelnaobingwui kachotkachāng theimihaira kaji shālaga athumna mashunzanga kala khoruma.

CHĀNSAM 31:2

Khikhala, inaomayara? Khikhala, iwui naopamwui inaomayara? Khikhala, iwui tuingashit inaomayara?

HĀSHOKME 5:4

Nana Vareli tuingashit kasā tharan, chi khamili mahuinganongalu; kaja ana mangkhama̱bingli ningyāngkhaung maleimana. Nana ngashit kahai chi milu.

PĀNGMONSHI 27:2

“Israelnaobingli hānglu, mi akhana Proholi mibingwui khamataiya khangashit kasā chitharan, mibingna chi nawui lupāchāk athishurda,

MISHĀN 21:2

Chieina Israelna Prohowui mangāli khangashit sāda hānga, “Nana mibing hi ithumwui pāngli mira jiakha, ithumna athumwui keinung saikora sāshimānmihaora.”

MISHĀN 6:11

kala suiham chigatwui vang akha kala rikkatā kachigatwui vang akha da pāngmon china chigatmira, kala awui vang chamnākhami sāra, kaja kathingun chiwui vang eina a morei sākahaina, chieina chithang awui kui tharchigatra,

MISHĀN 6:5

“Awui ngashit kahai atam peida awui kuili kuisighai maparpaimana; Proholi chigatchao kahai atam makupranglakha eina tangda a tharmathengra; kuisam phungda sāngsang ngasakra.

MISHĀN 6:8

Awui chigatchao kahai atam peida ava Prohowui mangāli katharana.

WUNGVA̱-WUNGVĀ 11:30

Kala Jepthana Proholi khangashit akha sāda hānga, “Ammonnaobingli nana iwui pāngli horsangmiakha,

WUNGVA̱-WUNGVĀ 13:5

Kaja yanglu, nana nao vaida mayarnao akha pharāra. Kuisikhai akuitungli maparpaimara, kaja kapharāwui eina thuida nao hi Varewui mangāli Nazirite akha ngasāra; kala Philistinenaobingwui pāng eina ana Israelli kankashok ot sāphokra.”

1 SAMUEL 1:10

Kala Hannahna malung ringlak eina Proholi seihā sāda wukkhananglāk eina chapa.

1 SAMUEL 1:12

Ana Prohowui mangāli seihā sāda leilakha, Elina Hannahwui khamor khangatha̱ yangpama;

1 SAMUEL 1:19

Athumna ngathorthakva Proholi thuikhorumlaga ashishim Ramahli hanunghaowa. Elkanah eina Hannah ngasopida Prohona Hannahli phaningungmi;

1 SAMUEL 1:22

Kha Hannahva makāmana, kaja ana agaharali hānga, “Naona na̱ reikhaleoda ina ali Prohowui mangāli khuivāda vāchitheira kala chili apamchangnaoranu.”

1 SAMUEL 1:27

Nao hiwui vang eina ina seihā sai; kala ina kapo chi Prohona mihaira.

1 SAMUEL 1:28

Chiwui vang eina ina nao hi Proholi mikahaina, a ringlakha eina tangda Proholi mikahaina.” Kala athumna chili Proholi khoruma.

1 SAMUEL 2:20

Chieina Elina Elkanah kala apreiva̱li somi, kala Elkanahli “Nanina Proholi chigat kahai nao hiwui mahut, nali sha̱nao hiwui eina khangatei naongarā miranu” da hānga. Chieina anina shimli latunghaowa.