1 PETER 5:6 - Kathara Bible (BSI)

⁶ Chiwui vang eina nathum Varewui pāngthei kharei chiwui azingli hamsanglu, chithākha awui atam kachāli nathumli khāngchikatra.

1 PETER 5:6 Iomraidhean Croise

1 WUNGNAOBING 21:29

“Ahabna iwui mangāli khayāshida ngahuiri kahai chi theila? Ili khayākashiwui vang, kalākashi hi awui thotli mashok ngasakmara; kha naothotli shokngasaknaora.”

2 WUNGNAOBING 22:19

khikhalajila nawui ning ngateida Prohowui mangāli hamkasangwui vang, ngalei eina hiwui mibingli ina khonkashi kala kashimān rāki kaji tui nana kashā tharan kachon serkhākta kachapwui vang, inala nawui tui khuisangmihaira da Prohona hānga.

2 THOTRINCHĀN 12:12

Kala ana ningkhangatei tharan Varewui malungkhavāt awui eina khuithuihaoda shimānchao maji ngasakthuwa; chili lāngda Judahwui mirin phalak eina leisai.

2 THOTRINCHĀN 30:11

Asher, Manasseh, kala Zebulunwui mi kateokhamāngna Jerusalemli rāmaya.

2 THOTRINCHĀN 32:26

Kha Hezekiahla kala Jerusalemli kapam mibingla athumwui langsot ningwui eina hamsangluishit kajiwui vang Prohowui malungkhavāt chi Hezekiahwui atamli matāngasakthuwa.

2 THOTRINCHĀN 33:12

Chotchanglak kahai tharan awui Proho Varewui phaningkhami ngakaowa, kala avāva̱ ngarāwui Varewui mangāli akhalatta hamsangchaoluishita.

2 THOTRINCHĀN 33:19

Awui seihā kasā, Varena kathāda awui kapo khuisangmi, kala awui morei, mashitkasangwui pong, kala ana ning mangateiranglakha kajujuipam sakakā, Asherahli khokharum, meoma̱ sākakhui, saikora chi marānbingwui Thotrinchānli kapiserhaida lei.

2 THOTRINCHĀN 33:23

Avāva̱ Manassehna Prohowui mangāli ningngateida hamkasang chithāda masāla Amonna zakshikhamei morei sākhangai sai.

2 THOTRINCHĀN 36:12

Ana awui Proho Varewui mikyanli makaphā ot chi sai. Prohowui tui rāhāngkhame Jeremiah marānwui mangāli khalatta mahamsangaimana.

JOBWUI LAIRIK 36:22

Yanglu, Vareli awui pangshapli khāngchikata, a kathā chishutme khipā leida?

LAA 75:10

Makhayābingwui pangshap ana katathaora, kha khangarongabingwui pangshap khāngchikatra.

LAA 89:13

Nawui pāngthei reimataiya, nawui kajuiya yapāng panglaka.

SHONGZĀ 10:3

Chieina Moses eina Aaronna Pharaohli vāda hānga, “Hebrewwui Proho Varena hithāda hānga, ‘Iwui mangāli nana karankha mahamsangngaimarakhala?’ Ili otram ngatha̱ khavai iwui mibingli chihohaolu.

SHONGZĀ 3:19

Pangshapa akhana tandi kasā maningakha Egyptwui awungana nathumli mamayāmara kaji ina thei.

SHONGZĀ 32:11

Kha Mosesna awui Proho Vareli poda hānga, “O Proho, Kahaka pangshap kala kapanga pāng eina ngasoda Egypt ngaleiwui eina nana thānshok kahai nawui mibingli khisāda hiyākha malungvātrakhala?

CHĀNSAM 29:23

Langkasona ali maishi ngasakra, kha ningngai ngahuiri kahai mina maikhayā samphangra.

ISAIAH 2:11

Mibingwui ngamsor kahai mikyanli nemngasakra, mibingwui langkasoli maishi ngasakra; chithanghon Prohomāngli masot mira.

ISAIAH 40:4

Leiwuk kachiva̱ juikā ngasakra, phungrei phungrā kachiva̱ nemngasakra, kajui khanem ngacham ngasakra, kokataro khayam ngasakra.

ISAIAH 57:15

Kajuiya khamaso kala mashimānda khalei Kathara kahopa china hithāda hānga, “Kajuiya katharapamli ina pama, ning ngateida hamkasanga ali ngasoda; hamkasangabingwui manglā thuimathuk khavai, ning khangateibingwui wuklung mathuk ngasak khavai sāmi.

JEREMIAH 13:18

Awunga kala awungva̱li hānglu: “Khanempamli pamlu, kaja nathumwui khamathā kuihon nathum kuiwui eina tātunghaira.

JEREMIAH 44:10

Athumna aja eina tangda athum khalatta mahamsangmana, khangacheela mangachee, kala nashāvāngarā kala nathumli mikahai iwui ain kala shiyan chikan mamayonlākmana.

EZEKIEL 17:21

Kala awui kapangkakhui raimibing raighai eina thira, kala taikahaibing chi masili chiphanyānghaora; kala nathumna, Proho ina kahāngna da theinaora.”

EZEKIEL 21:6

“Chiwui vang eina sifalu, miwui naomayara, athumwui miktāli wukkhanangda sifalu kala khanangchitheilu.

DANIEL 5:22

“Kha awui naomayara Belshazzar, nanala hi thatheilaga naning mahamsangmana;

PĀNGMONSHI 26:41

chiwui vang inala kharāthuida yangkashebingwui ngaleili khuivāra, kala athumwui makaphāwui eina ning ngareiungda moreiwui eina kaphā saluiakha;

MICAH 6:8

O mikumo, kaphā chi khikhala; kaji Prohona chitheimihaira kala Prohona nawui eina khi ningkachāngkhala kaji chiya mashun eina kasā, lukhamashanli kakahao, kala ningmazingda Vareli ngasokazat maningmala?

MATTHEW 23:12

kachikathā reikhangaiya mi chili teongasakra, kala khalatta kateowana kaje chili reingasakra.

LUKE 1:52

Ana Pangshapa khamungabingli wungpamkhong eina khuishoka, kala khangazanbingli khāngkāmi;

LUKE 14:11

Kaja khalatta hakkakhuiya mi chili teongasakra kala khalatta teoda kaphaninga mi chili khayā kāngasakra.”

LUKE 18:14

Ina nathumli kahāngna, “Phariseepā maningla khāshinā khalokapāna pheokhami samphangda shimli hanunghaowa; kaja khalatta hakkakhui mi kachiva̱li teongasakra kala khalatta kateowana da kaphaninga mi chili hakngasakra.”

ROMNAO 5:6

Ithumna ngazankasa tharan, Varena retkahai atam chi horzakta Khristana morei kaphungbingwui vang thimi.

1 CORINTHNAO 10:22

Ithumna Proholi malungvāt ngasaksilā? Ali ithum pangmeiya da phaninglā?

KHALATLUI 32:35

Athut kakhui kala hankhamela ina, kaja athumwui phei nganaiki kaji; athumwui kumshāt rāki kaji nganaihaira, athumwui kashimān thākta rāra.

1 TIMOTHY 2:6

atam chālak eina shākhi khame mi saikorawui vang ngatangman akhalatta chigatkhame china.

TITUS 1:3

kala retkahai atam chili awui paokaphāli phongshokmiya. Hi ili chisin kahaina, kala chi ithumwui Huikhame Varewui kakaso eina hākashokna.

JAMES 4:10

Prohowui mangāli malungnimlu chithākha ana nathumli reingasakra.

JAMES 4:7

Chiwui vang eina Vareli mayālu kha chipeeli ngasunglu, chithākha nathumwui eina yāmhaora.

JAMES 5:10

Ivānaongarā, Prohowui ming singda khamarānbing chili phaningunglu kala kachotkachānglungli ningzinghāringda khāngkahai athum chili ngayo khavai sāda khuilu;