1 PETER 5:4 - Kathara Bible (BSI)

⁴ Chieina Yaokahoma akhavā kharā tharan mashimānkapai tekhamateiwui kuihon chi nathumna samphangra.

1 PETER 5:4 Iomraidhean Croise

LAA 23:1

Proho ili homkhamena, Ina mavātmara;

ISAIAH 40:11

Yaokahoma thāda ana yaobingli mizāra; yaonaobing apāngli kazipkhuira; awui makāli vamzatra; kala anao khangathāna ava̱bingli ngaironda homzatra.

EZEKIEL 34:23

Kala ina athumli yaokahoma akha, iwui rao Davidli phāsangra, kala ana athumli phāchizātra: ana athumli phāchizatta athumwui kahoma sāra.

EZEKIEL 37:24

Iwui rao Davidna athumwuitungli mungra; kala saikorawui yaokahoma akhamāng leira. Athumna iwui ain mayonra kala iwui shiyan-chikan ngarangra.

DANIEL 12:3

Thangkhamabing chiya sirāramwui thāda horra, khamashung khangarongli thānzangkhamebingna mashimānda sirā thāda horshon horthaira.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

JOHN 10:11

“I kaphā yaokahomana. Kaphā yaokahoma china yaobingwui vang manglā chihomi.

1 CORINTHNAO 9:25

Khangareo mi kachiva̱na shimānhaoki kaji wonrui chiwui vang angarak tāzak eina mayona; kha ithumva kashimān kaho mavaiki kaje chiwui vangna.

2 TIMOTHY 4:8

Chithang Zimiksho khangaronga mashunwona, imāngli maningla kha leikashi eina ngasoda ali khangaraibing saikorali miki kaji khamashung khangarongwui wungkuihon china ili ngaraili.

HEBREWNAO 13:20

Ara, yaobingwui kahaka yaokahoma ithumwui Proho Jishuli ringshoklui khangasaka Varewui chingri kahai, katang makhavai tuingashitwui ashee mangā eina,

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

1 PETER 1:4

Chiwui vang Varena awui mibingli haikhami shānla makakhui sokhami samphang khavai ithumna mangāshong yangvai. Ana nathumwui vang mashuikapai, mamakhaokapai kala mashimānkapai chi kazipmihaili.

1 PETER 2:25

Nathum yaonao thada ma̱zatsai, kha ara Yaokahoma kala Manglā Mayonkhame chili latunghaira.

1 PETER 5:2

Nathumwui pāngli Varena horsangmi kahai yaobingli mathālak eina homlu, Varewui ningkachāng athishurda yangmilu, tandi thada masāla mathanthathup sālu, amanwui vang maningla sāngairereo ngatha̱milu.

1 JOHN 3:2

Leikashebing, ara ithum Varewui naongarāna. Kha ithum naoda kathasānikhala kaji arui matheirarmana. Chithālala ithumna thei kaja Khristana kharā tharan ithumla a thahaora kala a hithālaka kaji ithumwui mik eina theira.

PHONGKHAMI 1:7

Yanglu, ana muiyā tongda rārāli, mi kachiva̱na ali theira; ali kharungbingla theira; kala awui vang okathui miyur saikorana chapngachāra. Chitharanu, Amen.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.

PHONGKHAMI 3:11

Yanglu, I thākta rāra; nawui khalei chi singtitlu, chithākha nawui kuihon kateina makhuithuimara.