1 PETER 5:3 - Kathara Bible (BSI)

³ Nathumli mikahai athumwuitungli akhavā masaalu; kha yaobingna sha̱khui khavai acham sāchitheilu.

1 PETER 5:3 Iomraidhean Croise

LAA 33:12

Proholi Vare sāda kakhui yur, awui shimluikat sākhavai, kapangkhui kahai mibing sokhami ngasaranu.

LAA 74:2

Achālakhawui eina nana nganaokhui kahai nawui miyurbingli phaningungmilu, nawui shimluikat sāda ngatangkhui kahaibingli phaningungmilu! Nana sompam khavai Zion Kaphungli phaningungmilu.

EZEKIEL 34:4

Khangazanabingli nathumna pangkhavai masāmimana, kakazāli maraimimana, pheipāng katekali mangahāmimana, pākthui kahaibingli mangakuikhuimana, shimān kahaibingli maphavāmana; kha tandi milaga sāshilak eina athumli nganaowa.

MICAH 7:14

Ngahong thingpheili ngachakyāng eina khalei, nawui yaobingli khāmshui singda hommilu; achālakhawui thāda athumli Bashan eina Gileadli phazāranu.

MISHĀN 18:7

Kala na eina nanaomayarabingna nali ngasoda nawui pāngmon ot kala mairārwui alungli khalei hanphutwui ot saikora yangsangmira; kala nana otram ngatha̱ra. Ina nawui pāngmonpam lemmet eina khamina, kala chili rākhanganai mi kachiva̱li thingasakra.”

JOHN 13:15

Nathumnala chithada sākhavai tamkachitheina.

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

1 CORINTHNAO 11:11

(Chithālala, Prohowuili shanaoranu, mayarnaola kachicha ningkhan masapaimana;

1 CORINTHNAO 3:5

Hānglaksa jiakha Apollos kala Paul khipāda? Nathumna shitsang khavai thankhame ithumva Varewui otram khangatha̱bingmaya. Inila Prohona sālu da khami ot satha̱thui kajina.

1 CORINTHNAO 3:9

Kaja ithum Varewui vang otsakrumabingna kala nathumna Varewui luiyam kala shimna.

2 CORINTHNAO 1:24

Nathumna khili shitsangrakhala da hāngchithei khavai kasā maningmana; nathumwui shitkasang ngatarda lei kaji thei. Nathumwui ringphā khavai ithumna sakkharumaya.

2 CORINTHNAO 4:5

Ithumna hākashok hi ithumwui tui maningmana, kha Jishu Khrista hi Prohona kala Jishuwui vang ithum nathumwui raona da tamkachitheina.

KHALATLUI 32:9

Kaja Prohowui sharukva awui mibingna, Jacob awui yartā kahai shimluikatna.

PHILIPPINAO 3:17

Ivānaobing, iwui kasākhavā tamkhuilu kala ithumwui kasākhavā tamkhui kahai athumli munlak eina yanglu.

PHILIPPINAO 4:9

Tui eina nilala, otsak eina nilala, nathumna iwui eina tamkhui kahai kala samphang kahai chiwui athishurda sālu; chieina chingri kahai Varena nathumli ngasomira.

1 THESSALONICANAO 1:7

Hithada sāda nathum Macedonia eina Achaiawui shitkasangbing saikorawui ngayo khavaina.

2 THESSALONICANAO 3:9

Chi ithumwui mashun makhaleiwui vang maningmana, kha nathumna ngayolaga sha̱khui khavai kasāna.

1 TIMOTHY 4:12

Na nganuida leiya da mi khipānakha machipat ngasakalu, kha katharli, shitkasangli, leikashili, kasākhavāli kala tuimatuili shitkasangbingna ngayokhavai sālu.

TITUS 2:7

Apong saikorali na khalatta acham-aram kaphāwui ngayoyan sāphalungra. Nawui tamkachitheili ningkathar kala ningkasang eina sālu.

1 PETER 2:9

Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.