1 PETER 5:10 - Kathara Bible (BSI)

¹⁰ Kha nathumna kasha̱nakha kachotkachāng samphang kahaiwui thili Khristali ngarum kahaiwui vang katang makhavai tekhamatei samphangrum khavai hokhuikhame, lumashankatha Varena nathumli kākashung, khangazip, pangshap kala rungshing kahai mira.

1 PETER 5:10 Iomraidhean Croise

LAA 119:28

Kakhanangwui vang imanglā yurhaira, nawui tui athishurda ili pangngasakmilu.

LAA 138:7

Ina kakhanangwui alungli zatlala, imanglā nana phārimihai; iwui yangkashebingwui malungkhavātli napāng katingshoka kala nawui yāpāngna ili kanshokmi.

LAA 86:15

Kha O Proho, nava lukhamashan leikashi Varena, malung mavatkazāra kala makhangachei leishikatha ningkatong Varena.

LAA 86:5

Kaja nava, O Proho, kaphā kala pheokhamena nali khangakaobingli makhangachei leikashi pemting eina mi.

ZECHARIAH 10:12

Prohowui mangāli ina athumli pingngasakra, kala athumna awui mingli tekmatei ngasakra” da Prohona hānga.

ZECHARIAH 10:6

“Kala Ina Judahwui shimkhur pang ngasakra, kala ina Josephwui shimkhurli huimira. Athumli ina khuiungluishitra kaja ina athumli lumashana, kala athum ina mahorhailakrang kajebing thāra; kaja I athumwui Proho Varena, kala ina athumli ngahānkāmira.

LUKE 22:32

Kha Simon, ina nawui shitkasang mangachei khavai seihā sāmihaira, kala nana ili hanungluishit kaji tharan navānaobingli ngatar ngasaklu.”

ROMNAO 15:13

Kachihānwui ura̱ Vareli nathumna shitkasang khaleiwui mangā eina khamathān kala chingri kahai chipemiranu. Chieina nathumwui kachihān chi Manglā Katharawui pangshap eina mataisangra.

ROMNAO 15:5

Khrista Jishuna sāchithei kahai chi shurda khangachei makhalei kala ninglum khangasaka Vare china nathumli khokkha kasāwui ningngai miranu.

ROMNAO 16:25

Ithum Vareli tekkmatei ngasaksa! Ina hākashoka paokaphā Jishu Khristawui chānpao athishurda kala achālakhawui eina ngathumhaikasā khamashung chi phongmi kahai athishurda Varena nathumwui shitkasang pheisin ngatar ngasakshapa.

ROMNAO 9:11

Kha nao akhali kapangkakhui china Varewui kaphaning ungshungchao khavai sha̱nao chili Varena hithada hānga, “Khararrana khanganoli otram ngatha̱mira.”

ROMNAO 9:24

Kaja ithum ana hokhui kahaibingna, Jihudibingmāngli maningla kha Gentilebingla zanga.

1 CORINTHNAO 1:10

Ivānaongarā, Proho Jishu Khristawui ming singda nathumli kapona, nathum mayā ngaroklu, makai ngarokalu; kaphaning kala kharin akhamāng leilaga khokkha sāchaolu.

1 CORINTHNAO 1:9

Awui Naomayara, ithumwui Proho Jishu Khristali ngarumsak leikhavai hokhuikhame Vare hiva shitsangkapaiyana.

2 CORINTHNAO 13:11

Naomeikapta, ivānaobing ringphāmeilu. Kāshungmei khavai sālu, iwui kapo nganāmilu, ningkha sālu; chingri eina okthuirumlu. Leikashi kala chingri kahaiwui Varena nathumli ngasomichingranu.

2 CORINTHNAO 4:17

Aruihon kakhanang kateokha samkaphang hiliva katang makhavai tekhamatei chi samphang khavai ithum wui vang ngarānmida lei.

PHILIPPINAO 4:13

Ili pangkhangasaka Khristawui mangā eina ina ot saikora sāshapsera.

COLOSSIANAO 2:7

Nathumwui angayung awuili sa̱khuititlu, nathumwui mirin awuitungli sākālu kala nathumli tamchithei kahai thada nathumwui shitkasang pangsang ngasaklu. Kala ningkashina pemtinghailu.

1 THESSALONICANAO 2:12

Nathumli awui khamung kala tekhamatei chili zangrum khavai kaho Varewui ningyāngkhaung mirin chikathā ringkhavai ithumna kasatta ninglum ngasaka kala hāngchithei.

2 THESSALONICANAO 2:14

Ithumna paokaphā tamkachithei mangā eina Varena nathumli hokhui, kala ithumwui Proho Jishu Khristawui tekhamatei samphang khavaina.

2 THESSALONICANAO 2:17

kaphā ot chi sāshap khavai kala kaphā chiwui vang matuishap khavai nathumli katommiranu kala pingngasakranu.

2 THESSALONICANAO 3:3

Kha Proho hiya ningtongda shitsangkapaiana. Ana nathumli pangshap mida makaphāwui eina mayonmira.

1 TIMOTHY 6:12

Shitkasangwui kaphā rai khangarar chi ngararlu; nana shākhi kachungkhawui mangāli hāngkaphat tharan nali hokhui kahai athishurda katang makhavai kharing chili singtitlu.

2 TIMOTHY 1:9

Varena ithumli huimi kala a khalattawui mibing ngasā khavai hokhuihaira. Hi ithumwui kaphā otsakwui vang maningmana, kha awui lukhamashan kala kharin chiwui vangna.

2 TIMOTHY 2:10

Chiwui vang eina kapangkhui kahaibingna katang makhavai tekhamatei eina ngasoda Khrista Jishuwuili huikhami chi samphangpai khavai ina ot saikorali kakhāngna.

HEBREWNAO 9:15

Hiwui vang eina Khristana kadhara tuingashitwui ngashikmena. Varena ngashit kahai katang makhavai sokhami chi ana hokhui kahaibingli samphang ngasaka, kaja khare tuingashit chiwui eina ningkhān khavai thikhamina.

1 PETER 1:15

Kha nathumli hokakhuia awui kathar thada nathumwui acham-aram saikorali tharlu.

1 PETER 4:10

Varivarana ngatateida khami lukhamashanwui kaphaa kashina sāda, mi ava̱va̱li lemmet ngatateida mikahai chi akhana akhawui vang kānnā khavaili shichinlu.

1 PETER 4:11

Pao hākashoka a china Varewui pao hāshokphalungra; otram ngatha̱mena Varena ali mikahai pangshap chieina ngatha̱phalungra. Chithada sāda katang makhavai tekhamatei Khristawui mangā eina Vareli masot mipaira. Amen.

2 PETER 1:3

Ithumli awui phākhamataia tekhamatei samphangrum khavai kahoa chili katheiwui vang Varewui tharkhamatheng pangshap china ithumwui mirin kala dharmarinli ringkhavai darkar kasā saikora ithumli mihaira.

1 JOHN 2:25

Khristana ithumli mira da ngashitmi kahai chi makashimān mirin china.

JUDE 1:24

Ara kongluipaishinada mayonkhame, tekhamateiwui mangāli chukhara̱ maleila mathānthathup eina thānzangkhame,