1 PETER 5:1 - Kathara Bible (BSI)

¹ Ila churchwui arar akha sāda nathumwui church ararbingli kapona: I Khristawui kachotkachāngwui shākhi khame akhana kala rāphongmiki kaji tekhamatei chili ila zangrumra.

1 PETER 5:1 Iomraidhean Croise

LUKE 24:48

Nathumna ot saikora hiwui shākhina.

OTSAK 1:22

Johnna ra̱hikkhamiwui ot sākaphok eina thuilaga Proholi khuikakā eina tangda chiwui alungli kazangabingwui ngachaili akhana ithumli ngasoda ringkhaluiwui pongli shākhi sāphalungra.”

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

OTSAK 11:30

kala athumna chi sāda Barnabas eina Saulwui pāngli mida anina ararbingli chiphunvai.

OTSAK 14:23

Church kachiva̱li anina ararbing kapangsangmi kala kakhum eina seihā sālaga kapang kahai athum chi athumna shitkasanga Prohowui pāngli horsangmi.

OTSAK 15:4

Athumna Jerusalemli rākazang tharan church, paokazatbing, kala ararbing saikorana ringphālak eina vāngarokkhuiya, kala Varena athumli shichinlaga sākahai saikora athumna hāngchithei.

OTSAK 15:6

Paokazatbing eina ararnaobingna tuipong hi machukrum khavai kazipa.

OTSAK 2:32

Varena Jishuli ringkhangasak ithum saikorana shākhina.

OTSAK 20:17

Paulna Miletusli leilakha Ephesus Church ararbingli ali samphang khavai pao chihovai.

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

OTSAK 21:18

Akhama kathā Paulna ithumli ngasoda Jamesli asamphang khavai vai kala chili churchwui ararbingla leisersai.

OTSAK 3:15

Kharingawui akhavāli nathumna shaothathaowa, kha Varena kathiwui eina ali ringngasaka, hiwui shākhi ithumna.

2 CORINTHNAO 5:1

Ithumna thei kaja okathuili khalei ithumwui shim hi shimānhailala kazingramli mashimānla leichingki kaji miwui pāng eina makasā Varena ngarānkhami ithumwui pamkhavai shim akha lei.

2 CORINTHNAO 5:8

Phasārin horhaida Proholi okthuirum khavai ithumna mangacheelakmana.

PHILIPPINAO 1:19

Kaja nathumwui seihā sākhami kala Jishu Christwui Manglāna ngachonkhami mangā eina ili chihomira da thei.

1 TIMOTHY 5:1

Rarkhameiya mili makaharlu, kha navāli kapo thada hānglu; nganuikhameibingli nachinā ngarā thada phaninglu.

1 TIMOTHY 5:19

Khararnaowuitungli kaphen tui chi mi khani lah kathumli langda shākhi maleiakha makhuisangalu.

2 TIMOTHY 4:8

Chithang Zimiksho khangaronga mashunwona, imāngli maningla kha leikashi eina ngasoda ali khangaraibing saikorali miki kaji khamashung khangarongwui wungkuihon china ili ngaraili.

TITUS 1:5

Sakhangayi apam kachiva̱li churchwui kathāna kapangsang khavai ina nali Creteli chipam kahaina. Ina hāngchithei kahai chi phaningunglu.

PHILEMON 1:9

Chithālala leikashiwui mangā eina Khristawui mathun akha sāda kala awui vang eina arui phātopli narkahaia, Paul ina nali makasola kapona.

HEBREWNAO 12:1

Chiwui vang eina ithumwui vanga kuimareida khayanga shākhi kachungkha leihaoda, hapkakhano saikora kala ngathānshang ngathāntā da khalei morei chi hortāhailaga ithumwui shongzā khangakhui chili makhunlak eina zatsa.

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.

1 PETER 1:7

Hiwui khangarān hiya nathumwui shitkasang akachanga chi phongshok khavaina. Shimankapai sinā meili ruikhayang thada sakmeikhar kaja nathumwui shitkasangla chāng yangphalungra, chi nathumwui shitkasang ngatarmei khavaina. Chiwui thili Jishu Khristali rāchitheithanghon nathumna masot, tekhamatei kala maikhayā samphangra.

1 PETER 4:13

Kha Khristawui kachotkachāng phungkhangarumana da ringphālu. Chithada sāda awui tekhamatei chi phongshokthanghon nathum ringkaphāna pemtinghaora.

1 PETER 5:4

Chieina Yaokahoma akhavā kharā tharan mashimānkapai tekhamateiwui kuihon chi nathumna samphangra.

1 JOHN 3:2

Leikashebing, ara ithum Varewui naongarāna. Kha ithum naoda kathasānikhala kaji arui matheirarmana. Chithālala ithumna thei kaja Khristana kharā tharan ithumla a thahaora kala a hithālaka kaji ithumwui mik eina theira.

2 JOHN 1:1

Ararra imāng maningla khamashung theikahaia saikorana leishikachangkhat kaje kapangkhui kahaia achon kala awui nao ngangarāli kagapina;

3 JOHN 1:1

Ararra ina kachangkhat leikashe Gaiusli kagapina.

PHONGKHAMI 1:9

I nathumwui achinā Johnna, kala Jishuwui thikashura akha sāda, awui wungramwui mi ngasā kahaibingwuitungli kharā kakhanang kachot chi khāngda nathumli phungruma. Varewui tui kala Jishuna phongkhami mashuntui shākhiwui vang I Patmos kaho yikuiramli leisai.