1 PETER 4:4 - Kathara Bible (BSI)

⁴ Ara nathumna athumli ngasoda makaphā-makhayā chili makazangwui vang matakhakhaoda athumna nathumli khamashātna.

1 PETER 4:4 Iomraidhean Croise

MATTHEW 23:25

“Ain kathemabing eina Phariseebing, phakakhaningabing! Nathumli kakhanang ringkashi ngasāranu, khikhalajila nathumna tengkot eina khongpheiwui ayar pheomathai, kha chiwui alungliya takzākakhui eina ngamarkakhui otna pemtinghai.

LUKE 15:13

Zimiksho khani kathumthangwui thili ana awui shimluiyar yorkhuiserhailaga pheisā chi khuiphungda ngalei katāva̱ akhali thuihaowa. Apam chili sopmasaplak eina okthuilaga awui lan saikora sākasakserhaowa.

OTSAK 13:45

Yarui kachungkha kakazip chi Jihudibingna theilaga mikpaishihaowa kala athumna Paulna kahānghāng chili yetta ali kazeila zeiya.

OTSAK 18:6

Kala athumna ali ngasungda awuitungli zakkashishi phorlaga khamatui tharan, awui kachonwui chifa kathanrorlaga maringkaphā phongshoka kala athumli hānga. “Nathumwui ashee chi nathumwuitungli tāranu! Iwui khayon maleimana. Arui hi eina thuida ina Gentilebingli vaura.”

ROMNAO 13:13

Kahorlungli okathui thada ithum khalatta mashungrik eina zatsa; kakharar, khamarip, ayat makasā, khamathang, ngama̱khangazai, kala mikpaikashi ot masaasa.

EPHESIANAO 5:18

Nathumli shimān ngasaki kaji zamkhor manglaga mamariphaialu, kha Manglā Kathara eina pemtinghailu.

1 PETER 2:12

Yurkhangateibingwui alungli acham-aram mathada zatlu, chithākha nathumli khangui khalāng mina da phensālala nathumwui kaphā ot chi athumna theira kala a rāthang Vareli tekkmatei ngasakra.

1 PETER 3:16

Kha khanim kala khayākashi eina ngasoda sālu. Nathumwui mashun-makhui ngatarteihailu, chithākha Khristawui thikashurana da kaphā kasāwui vang nathumli kachipat tharan athum khalatta khayakkhuira.

2 PETER 2:12

Athum hiya ning makazang ramsā rengkhuilaga sāthat khavai pharā kahai sāyur kathāna. Athumna matheikharar chili zeilaga hāngphāphā kajiwui vang sāyurbingwui kashimān thada athumli shimān ngasakra.

2 PETER 2:22

Chānsamtuili “Fa̱na maloshokhailaga zālui kala hokli ra̱vaimihailaga khorchopli ngakhorlui.” kaji hi athumwui vang mashunglaka.

JUDE 1:10

Kha mibing hina athumna bhap makatā otlila zeiphāphai; kala sāyur thada athumna ningli kaza̱za̱ china athumli shimān ngasaka,