1 PETER 4:3 - Kathara Bible (BSI)

³ Nathumwui mirinli mashitkasangbingna kasā thada sopkhamasāp, khamathang, khamarip, lumlaokasa kala khangama̱ khangazai, kameoli kapha̱ hikathathamāng sākasā chi shaphaira.

1 PETER 4:3 Iomraidhean Croise

2 SAMUEL 13:28

Chieina Absalomna awui raobingli hānga, “Amnon mariphaida matuisasān kahai chi yanglu, kala ina ‘Amnonli saulu’ jikhaleoda ali sāthathaolu. Mangacheealu; ina kakaso maningmala? Malung zangmeilu kala pingmeilu.”

1 WUNGNAOBING 21:26

Israelwui eina kasham kahai Amonnaobingna kasā thāda, Ahabna meoma̱li phaningda ningkakachai ot sai).

2 THOTRINCHĀN 15:8

Odedwui naomayara Azriahwui phongkhami tui chi shālaga Asana ninglumturhaowa, kala ana ningkakachaiya meoma̱bing, Judah eina Benjaminli, kala Ephraim kaphung ngaleili ana akhuida keinungli khalaleila hormiserhaowa; kala Prohowui shim zangkhavaiwui mangāli khalei hanphut chi chiphokhui.

ISAIAH 28:7

Hibingla drakhāra̱na marip ngasaka, zamsheina ngayit ngasaka, Pāngmonla, marānla zamsheina ngayit ngasaka, drakhāra̱na pa̱ngapā ngasaka; zamshei mangmangda khamaripa eina mahākhami theingui ngasaka, bichar kasāli konglui ngasaka.

ISAIAH 5:11

Ngathorthakva̱ zamshei thuikaphābing, zingyinlam eina tangda kakharombing zamna phasā maminranglakha eina tangda kakhanang ngasāranu!

ISAIAH 65:4

chikhurtungbingli kapambing, khangathumpamli ngayā pikazat, hokva̱sā kashaibing, kala ningkakachai otyurwui ara̱ athumwui hambingli pemtinghai;

JEREMIAH 16:11

chitharan nana athumli hithāda ngahānkāra: Prohona hānga, ‘Khikhalajila nashāvā ngarāna ili horhaida vare khangateibingwui thi shurthuihaowa kala otram ngatha̱da athumli khoruma, kala ili horchaohaida iwui ainla mamayonmana,

JEREMIAH 16:18

Kala ina athumli khanishida athumwui khayonkhamāng eina moreiwui vang angathut hāngsangra; khikhalajila athumna iwui ngalei ningkakachai meoma̱bing eina sāmakhaomihaira, kala ningkakachai otsakna iwui shimlui chipemmihaira.”

EZEKIEL 44:6

“Kala ngakaikashe shimkhur, Israelwui shimkhur chili hānglu, Proho VAREna kahāngna: O Israelwui shimkhur nathumwui ningkakachai otsak chi chihohaolu;

EZEKIEL 45:9

“Proho VAREna hithāda hānga: Shaphaira, O Israelwui wungnaobing! Sāshida marekharekluialu, mashun kala khangarong eina bichar sāmilu, iwui mibingli kashamshang kashamtā masāluilu, da Proho VAREna hānga.

MARK 7:22

kākharām, mikhanam, makhangatun, yuikashi, ngashimkashi, langkaso, mangkhama̱ hikathāthā shoka.

OTSAK 17:30

Achālakha matheithangkhameiwui vang Varena yangkateomisai, kha apam kachiva̱li khalei mikumo saikorali ningngatei khavai ana kasoi.

ROMNAO 13:13

Kahorlungli okathui thada ithum khalatta mashungrik eina zatsa; kakharar, khamarip, ayat makasā, khamathang, ngama̱khangazai, kala mikpaikashi ot masaasa.

1 CORINTHNAO 12:2

Nathum shitkasanga mi mangasāranglakha manglā makazanga meoma̱bingli khorumda khangui shongfali zatsai kaji nathumna thei.

1 CORINTHNAO 6:11

Nathumwui ngachaili mi kaikhava hikathā sāsai, kha Varewui Manglā kala Proho Jishu Khristawui mingli nathumli pheomihaira, tharngasakhaira kala mashung ngasakhaira.

2 CORINTHNAO 12:21

Ina rākhalui tharan Varena nathumwui miktāli ili khayak ngasakhaipaishinada ina ngacheeya; kala rida morei kasābingna athumwui makathar, shuikhangarui kala phokaphā otsakbing chi ning mangateila leichingkasāwui vang eina ina sikafa samphanghaipai.

GALATIANAO 5:19

Mikumowui khangachā china sākhangai chi theipailaka: chiya shuikhangarui, makathar, mitun makhangatun;

GALATIANAO 5:21

yuikashi, khamarip, khamang-kazāli akachang kasā hikathāthā, rida hāngkahai thada aruila hāngluishitli: hikathāthā ot kasābingwuili Vare wungram maleimana.

EPHESIANAO 5:18

Nathumli shimān ngasaki kaji zamkhor manglaga mamariphaialu, kha Manglā Kathara eina pemtinghailu.

1 THESSALONICANAO 4:5

Vareli makatheibing thada phasāwui khamathang-khamarang eina maokthuipaimara.

TITUS 3:3

Ithum atam akhali mangma̱sai, kahāngla manganāsāmana kala khangui pongli zatsai. Mik khamathak, pha̱sāwui ringkaphāmangli phāda kala yuikashi yangkashina pemhaida akha eina akha yangkharing ngaroksai.

1 PETER 1:14

Varewui kahāng nganālu, achālakha mangma̱da leilakha pha̱sāwui ningkachāngmāng kaphaning thada maokthuialu.

JUDE 1:4

Ithumwui Akhavā Proho Jishu Khristali makhamayā kala athumwui morei thumkhavai Varewui lukhamashan otli nguida tamkachithei ithumwui alungli rāngathizanghaira. Athumwui khayon otsak hi achālakha kathara tuili kapihaisai.