1 PETER 4:13 - Kathara Bible (BSI)

¹³ Kha Khristawui kachotkachāng phungkhangarumana da ringphālu. Chithada sāda awui tekhamatei chi phongshokthanghon nathum ringkaphāna pemtinghaora.

1 PETER 4:13 Iomraidhean Croise

ISAIAH 25:9

Chithanghon hithāda hāngra, “Yanglu, hi ithumwui Varena; ana ithumli kanmirada ithumna ali ngarai. Hi ithumna khangarai Prohochina; ithumna awui huikhamili ringphāsa kala mathānsa.”

ISAIAH 35:10

Kala Prohona ngatangkhui kahaibing laa sālaga Zionli latungra; ningli katang makhavai ringkaphā eina ngasoda, athumna ringkaphā khamathān samphangra; kakhanang sikafa thuihaora.

ISAIAH 51:11

Kala Prohowui ngatangkhui kahaibing khamathān laa sāda Zionli latungra; katang makhavai khamathān athumwui kuitungli leira; khamathān ringkaphā athumna samphangra, kakhanang ringkashi athumwui eina yāmthuihaora.

MATTHEW 16:27

Khikhalajila miwui Naomayarana awui kazingraobingli ngasoda Avāwui tekhamatei eina rāki kajina, kala chiwui thili mi kachiva̱li kachichāna sākahai chiwui athishurda ana runmira.

MATTHEW 25:21

Awui akhavā china ali hānga, ‘Phālakhaira, kaphā kala shitsangkapaiya rao, nana ot kateowa hi ningtonglak eina shikachinwui vang ina nali ot tarākhawuitungli akhavā sāngasakra; nawui akhavāwui khamathānli zanglu.’

MATTHEW 25:23

Awui akhavā china hānga, ‘Phālakhaira, kaphā kala shitsang kapaiya rao! Nana kateowa ot hi ningtongda kasawui vang nali chungkhameiwuitungli akhavā sāngasakra. Nawui akhavāwui khamathānli zanglu.’

MATTHEW 25:31

“Miwui naomayarana awui tekhamatei eina kazingraobingli ngasoda kharā tharan, Ishameina awui tekhamatei wungpamkhongli pamra.

MATTHEW 25:34

Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;

MATTHEW 5:12

Mathānlu kala ringphālu, khikhalajila kazingramli nathumwui sāman haklaka, kaja hikathāwui vang eina nathumli rida leikasā marānbinglila rekhareksai.

MARK 8:38

Vareli makathei makaphā thot hili kachikathāna iwui kala iwui tuiwui vang khayakakha, miwui Naomayarana Avāwui tekhamatei eina kazingraobingli ngasoda kharā tharan awui vangla khayakhaora.”

LUKE 17:30

miwui Naomayarali phongmithanghon chi tākam eina shokra.

OTSAK 16:25

Paul eina Silasna ngayāsailung atamli Vareli seihāla, masotlaala sai kala phātopli kazangbingna aniwui chi nganāpama.

OTSAK 5:41

Jishu mingwui vang athumna kakhayak samkaphang chi khangayi otna da theikhamiwui vang mathānthup eina athumna hanga̱shim eina thuihaowa.

ROMNAO 5:3

Chili lāngda ithumna kachotkachānglila ringphai, khikhalajila ithumna thei kaja kachotkachāngwui eina khāngkathei shoka,

ROMNAO 8:17

Ithum Varewui naongarā sāhaogada, awui shimluikatbingna samphangrānwui sokhami chi samphangra kala ithum Khristawui kachotkachāng phungrumakha tekhamatei yar chila samphangrumra.

ROMNAO 8:18

Ina chukmaja̱ya kaja aruihon ithumna samphangda khalei kachotkachāng hiya naoda phongshoki kaji tekhamatei chili pāntamkapai maleimana.

2 CORINTHNAO 1:5

Khristawui kakhanang tarākha ithumla phungkhangarum chithada Khristawui mangā eina ringkaphālila kachungkha ringphāruma.

2 CORINTHNAO 1:7

Ithumna nathumli kachihān chi mangacheilakmana; kaja nathumna ithumli kakhanang phungkharum thada ringkaphālila mathānruma kaji ithumna thei.

2 CORINTHNAO 4:10

Thangkachida shimānkapai ithumwui phasā hili Jishuwui kathi chi khuiphungchinga, chieina awui kharing chi ithumwui phasāli theipaira.

2 CORINTHNAO 4:17

Aruihon kakhanang kateokha samkaphang hiliva katang makhavai tekhamatei chi samphang khavai ithum wui vang ngarānmida lei.

PHILIPPINAO 3:10

Ina ningkachāng chiya Khristali kathei, awui ringkhalui pangshap mazapkhayang, awui kachotkachāng phungkhangarum kala awui kathi thada kathi,

COLOSSIANAO 1:24

Ara ina nathumwui vang kachotkachāng samkaphang hi ringphai, kaja Khristana awui phasā, kaja churchwui vang kachotkachāng maphungkhangakan chi kāpei khavai ina iwui phasāli kachotkachāng phungda khalei hina ngachonmida lei.

2 TIMOTHY 2:12

Ithumna khāngakha, ithumla ali ngasoda mungra. Ithumna ali mamayākha ithumlila ana mamayāmara.

1 PETER 1:13

Chiwui vang eina nathumwui ning ngazipmeilu. Ningkhariklu kala sokhami chiwui vang nathumwui kachihān leichingda Jishu Khristali theithang nathumli sokhami mira.

1 PETER 2:21

Varena hikathāwui vang nathumli kahona, kaja Khrista khalatta nathumwui vang chotmi kala ngayo khavai haimi. Chieina nathumna awui pheichon kazunpaira.

1 PETER 5:1

Ila churchwui arar akha sāda nathumwui church ararbingli kapona: I Khristawui kachotkachāngwui shākhi khame akhana kala rāphongmiki kaji tekhamatei chili ila zangrumra.

1 PETER 5:10

Kha nathumna kasha̱nakha kachotkachāng samphang kahaiwui thili Khristali ngarum kahaiwui vang katang makhavai tekhamatei samphangrum khavai hokhuikhame, lumashankatha Varena nathumli kākashung, khangazip, pangshap kala rungshing kahai mira.

JUDE 1:24

Ara kongluipaishinada mayonkhame, tekhamateiwui mangāli chukhara̱ maleila mathānthathup eina thānzangkhame,

PHONGKHAMI 1:7

Yanglu, ana muiyā tongda rārāli, mi kachiva̱na ali theira; ali kharungbingla theira; kala awui vang okathui miyur saikorana chapngachāra. Chitharanu, Amen.

PHONGKHAMI 1:9

I nathumwui achinā Johnna, kala Jishuwui thikashura akha sāda, awui wungramwui mi ngasā kahaibingwuitungli kharā kakhanang kachot chi khāngda nathumli phungruma. Varewui tui kala Jishuna phongkhami mashuntui shākhiwui vang I Patmos kaho yikuiramli leisai.