1 PETER 4:11 - Kathara Bible (BSI)

¹¹ Pao hākashoka a china Varewui pao hāshokphalungra; otram ngatha̱mena Varena ali mikahai pangshap chieina ngatha̱phalungra. Chithada sāda katang makhavai tekhamatei Khristawui mangā eina Vareli masot mipaira. Amen.

1 PETER 4:11 Iomraidhean Croise

LAA 145:13

Nawui wungram katang makhavai wungramna, kala nawui khamung thot kachida leichingra. Prohona hāngkahai saikora mangacheimana, kala awui kasāsā saikora lukhamashanmānga.

ISAIAH 8:20

Tamkachithei kala shākhili yanglu! Athumna matuida khalei tui chili zingthan maleimana.

JEREMIAH 23:22

Kha athumna iwui tui khuisāsi kaje, athumna iwui mibingli iwui tui vaomalānhairara, kala athumna athumwui makaphā apongwui eina, kala athumwui makaphā otsakwui einala ngareiunghairara.

DANIEL 4:3

Awui sākachithei hakkhamahā! Awui pangshap matakhak kahai! Awui wungram katang mavaimana, kala awui ngalei thot kachiva̱ vāpei.

DANIEL 4:34

“Zingkum peihaida atam ungkashung tharan, Nebuchadnezzar ina kazingramli yangkai, kala ning ungrāsai, chieina ina mashimānda makashimān Reikhamataia kharinga chili khayāshida masot chigata: “Kaja awui wungram mashimānda makashimānna, kala awui awungram thot kachida leichinga;

DANIEL 7:14

Ali pangshap kala tekhamatei kala wungram mi, kaja miyur saikora, yur saikora kala, tuiyur saikora ali otram ngatha̱ khavai; awui pangshap katang makhavai pangshapna; chi kashimān kaho maleimara; kala awui wungram chiya sākashimān maleimara.

MATTHEW 6:13

Kala ithumli kasuili mazang ngasakmialu, kha makaphāwui eina kanmilu.’

JOHN 13:31

Judas thuikahaiwui thili Jishuna hānga, “Ara miwui Naomayarawui tekhamatei phonghaira, kala awui eina Varewui tekhamatei phonghaira.

OTSAK 7:38

Sinai kaphungli chān rākhangazeka kazingrao eina ithumwui ishawo ngarābingli ngasoda lamhāngli yārui kazipkhangarumli kazang chi alaka kala ithumli mimaron khavai Varewui kharinga chānpao chila ana samphanga.

ROMNAO 11:36

Kaja ot saikora ana kasāna kala awui mangā eina khaleina, kala awui vang khaleisera. Vareli katang mavaila tekmateichingranu. Amen.

ROMNAO 12:3

Varena ili lumashankhamiwui mangā eina ina nathumli kahāngna: Nathum khalatta khangayi chili lāngda chuimeida maphaningalu, kha ayat ungda phaninglu, mi kachiva̱ kachichāli mikahai shitkasang chiwui angarit eina chukmaja̱ranu.

ROMNAO 16:27

Khristawui mangā eina theivāser kaje Vare mingli tekkmateimeiranu. Amen.

ROMNAO 3:2

Kachungkha lei: Rimeikapta Varewui tui chi Jihudibingwui pāngli sangmi.

1 CORINTHNAO 10:31

Zālala, manglala, kasāsā saikora Vareli tekmatei khavai sālu.

1 CORINTHNAO 12:4

Manglārinwui lemmet ngateida ngavai, chi Manglā Katharana khamina.

1 CORINTHNAO 3:10

Varena ili khami lemmet chiwui athishurda shim sākatha akha thada ina shimphung sema, kala khangatei akhana chiwuitungli shim sākai. Kha kasā mi china ningngasharlak eina sāranu.

1 CORINTHNAO 6:20

nathumli aman mida lokhuihaira. Chiwui vang eina nathumwui phasā eina Vareli tekmatei ngasaklu.

2 CORINTHNAO 2:17

Ithum Varewui chānpaoli paisor eina kaphaning athum kathā maningmana. Kha Varena kachihowui vang Khristawui rao sāda ithumna ningtharlak eina awui miktāli matuiya.

2 CORINTHNAO 9:13

Nathumwui hikathā otram khangatha̱ hi theilaga nathumna mayāda Khristawui paokaphāli shitsangtit kaji kala mi saikorali sailāmlak eina khamiwui vang mi kachungkhana Vareli sochikata tekmatei ngasaka.

EPHESIANAO 1:19

kala ali shitkasanga ithumwuitungli awui hakkhamahā pangshap china kathada ot sāda leilikhala kajila theira. Ithumwui lungli ot sāda khalei pangshap chi sāshap pangshapa chi eina ngaraichai;

EPHESIANAO 4:29

Ramkai tui mamatuialu, kha kānnakapai reisangkapai tui matuida kashābingwui vang phākhavai sālu.

EPHESIANAO 5:20

Atam kachida ot saikorawui vang ithumwui Proho Jishu Khristawui ming singda Avāva̱ Vareli ningshichinglu.

EPHESIANAO 6:10

Naomeikapta, Proholi khangarum kala awui pangshap chieina nathumwui pangshap pangsang ngasaklu.

PHILIPPINAO 1:11

Vareli tekmatei khavai kala masochikat khavai, Khrista Jishumāngna mikashap kaphā magunbing chi nathumwui mirinli pemtinghaora.

PHILIPPINAO 2:11

kala Avāva̱ Varivarali tekmatei khavai, yur saikorana Jishu Khrista hi Prohona da hāngphatra.

COLOSSIANAO 4:6

Nathumwui chānhān mathā ngasaklu kala ringphā ngasaklu, kala ngarakzak eina ngahānthei khavai sālu.

1 THESSALONICANAO 2:4

Kha Varena mayāmida ithumli horsangkhami paokaphā, ana hāngngasakkhangai chi khamatuina. Hi mikumoli maningla kha ithumwui wuklung katheia Vareli ningyāng ungngasak khavaina.

1 TIMOTHY 1:17

Kathi makhangavā, mik eina matheikharar, thot kachida awunga sāda khalei akhamāng kaje Vareli katang mavaila khayāshiranu, kala tekmateiranu. Amen.

1 TIMOTHY 6:16

Makathe kala khipānakha marānganaikhararra kahora ramli kapāna chi a mānga. Ali khipānakha matheiranga, katheila matheirarmana. Khayākakā kala mashimānda khamung chi awui ngasāranu. Amen.

TITUS 2:1

Kha tamkachithei khamathā chili khangaruma chi nana chishutphalungra.

TITUS 2:15

Kasatkasang eina ngasoda mangasunglakla kahāngla hāngmachinlu. Mi khipānakha nali mayangkateo ngasaklu.

HEBREWNAO 13:7

Varewui tui hāngkhame nathumwui kathānabingli phaningunglu. Athumna kathada ringsā, kathada thi kaji phaningungda athumwui shitkasang sha̱khuilu.

HEBREWNAO 5:12

Nathum ara ojā sātheirānhaira, kha Varetui pheisin khare chi nathumli tamchithei khavai khangatei akha phāsangfarali. Nathum zāt khamarar zāki kajiwui mahutli seina̱ mangchingda leili.

JAMES 1:19

Leikashe ivānaongarā, hi theilu. Mi kachiva̱na nganākakhuili thākranu, kha khamatui eina malungkhavātli ngaironhairanu kaji hi phaningunglu.

JAMES 1:26

Kachikathāna dharma leilaka da phaninglala maleli makhāmrarakha awui dharma chi aremana, chi akhalatta mikhanamna.

1 PETER 2:12

Yurkhangateibingwui alungli acham-aram mathada zatlu, chithākha nathumli khangui khalāng mina da phensālala nathumwui kaphā ot chi athumna theira kala a rāthang Vareli tekkmatei ngasakra.

1 PETER 2:5

Nathum khalatta kharinga lunggui ngasāda manglāwui shim sākālu. Kathara pāngmon ngasā khavai Jishu Khristawui mangā eina Varena khuisangkapai manglāwui hanphut chigatlu.

1 PETER 4:10

Varivarana ngatateida khami lukhamashanwui kaphaa kashina sāda, mi ava̱va̱li lemmet ngatateida mikahai chi akhana akhawui vang kānnā khavaili shichinlu.

1 PETER 4:16

Kha shitkasanga mi akha sāda kachotkachāng samphangakha chiwui vang makhayakalu. Khristawui ming samkaphangwui vang Vareli ningshitha̱ki kajina.

1 PETER 5:11

Katang makhavai pangshap chi awui ngasāranu. Amen.

JUDE 1:25

kala Proho Jishu Khristawui mangā eina ithumwui Huikhame Vare chili tekhamatei khangam-kharei, khamashung kala sāshap pangshap saikora thot kachida, aruila naodala mashimānda awui sachingrānu. Amen.