1 PETER 4:10 - Kathara Bible (BSI)

¹⁰ Varivarana ngatateida khami lukhamashanwui kaphaa kashina sāda, mi ava̱va̱li lemmet ngatateida mikahai chi akhana akhawui vang kānnā khavaili shichinlu.

1 PETER 4:10 Iomraidhean Croise

MATTHEW 20:28

kaja miwui Naomayara eina tangda ali otram ngatha̱mi ngasak khavai kharā maningla ana otram ngatha̱mi khavai kala kachungkhawui vang ngatangman sāda amanglā chigatmi khavai kharāna.”

MATTHEW 24:14

Kala wungramwui paokaphā hi miyur hupta shākhi mikhavai okathui peida hāshokra, kala chiwui thili khangachang chi rāra.

MATTHEW 24:21

Kaja chitharan shokki kaji kakhanang kachot chi haokaphokwui eina thuilaga aja rāshungda mashoklakranga, kala mashokluilakmara.

MATTHEW 24:45

“Chithākha kahāng khanganā kala thangkhama, shimva̱ china shimkhurwui kashok kazang saikora yangmi khavai kala atam chālak eina khangatei raobingli kashakazā khuimi khavai otsin horsangkhami rao chi khipakhala?

MATTHEW 25:17

Hithada sāda talent khani samkaphanga mi chinala talent khani tongkhui.

MATTHEW 25:44

“Chieina athumnala ngahānkāra, ‘Proho, na kathai lah ra̱kachang lah kha̱mi lah khamahong lah kakazā lah phātop kazang ithumna katharan theida nali sheba masāmithukhala?’

MARK 10:45

Kaja miwui Naomayara eina tangda ali otram ngatha̱mi ngasak khavai kharā maningla ana otram ngatha̱mi khavai kala kachungkhawui vang ngatangman sāda amanglā chigatmi khavai kharāna”

LUKE 12:42

Chieina Prohona ngahānkai, “Chithākha atam horzakta kashakazā ngayarmi khavai shimvana pangshap horsangmi kapai ningkhamazinga kala chukhamaja̱ khalei kashina chi khipākhala?

LUKE 19:13

Ana mazatphokranglakha awui rao tharāli hokhui kala athum avāva̱li lupā akharip milaga, ‘I mahanungranglakha hi eina leih sāsālu’ da hānga.

LUKE 8:3

Herodwui lanse Chuzawui preiva̱ Joanna kala Susanna kala athum khalattawui lan khuishokta ngachonkhame sha̱nao kachungkhala ngayurzatsai.

ROMNAO 15:25

Kha aruicham katharabingli khangachon khuivāmi khavai Jerusalemli vāfara.

ROMNAO 15:27

Athum khalattana sāra jikahaina; kachangkhat eina hangsa jiakha kachāmbingli ngachonmi ngayiphalunga; Jihudinaobingna Manglāwui sokhami hi Gentilebingli ngayarmi kahaina. Hithada sāda Gentilebingnala athumwui lanwui sokhami chieina Jihudinaobingli ngachonngayiya.

1 CORINTHNAO 15:10

Kha Varewui lukhamashanna ili hokhuida hithada khaleina. Ana hokakhui chi arema maningmana. Lakhashong phaningakha paokazatbingwui ngachaili ina pangmeithuida ot sai. Chi ina kasā maningmana, kha Varewui lukhamashanna sākhangasakna.

1 CORINTHNAO 3:10

Varena ili khami lemmet chiwui athishurda shim sākatha akha thada ina shimphung sema, kala khangatei akhana chiwuitungli shim sākai. Kha kasā mi china ningngasharlak eina sāranu.

1 CORINTHNAO 4:7

Khipāna nathumli khangateibingli hakmei ngasakkhala? Nathumwui khalei saikora hi Varena khami maningmalā? Chithākha kathada nathumna samphangda khalei chi lemmet makhaning thada langsopaikhala?

2 CORINTHNAO 6:1

Vareli otsakruma ngasā kahaiwui vang nathumna samkaphanga lukhamashan chi arema mangasā ngasak khavai kapona.

2 CORINTHNAO 9:1

Shitkasangbingli ngachonkhamiwui pongli ina nathumli hāngkhavai khikha maleimana.

EPHESIANAO 3:8

Awui mibingwui ngachaili teomeikap kaje chilila I teomei, tha-ilala Khristawui mashānkharar kashāng chiwui paokaphā chi Gentileli hāshok khavai,

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

2 TIMOTHY 1:18

Khanaowa zimiksholi Prohowui phaningkhami awuitungli tāshungmiranu. Ephesusli leilakha ana iwui vang kayākha samikhala kaji nanala katheina.

TITUS 1:7

Kaja yaokahoma hiya Varewui lanse akha sāda shātmakakā mi sāphalungra, malangsophalungmara, malungmavātzarphalungmara, khamarip, khangashao kala tongzā khavai khangamar ot masāphalungmara.

HEBREWNAO 6:10

Vareva mashun bichar sākhamena. Chiwui vang eina nathumna sāmi kahai otsak lah katharabingli ngachonkhami eina nathumna ali leikashi chithei kahai kala aruila athumli ngachonmida khalei chi ana mamalaimara.

1 PETER 5:10

Kha nathumna kasha̱nakha kachotkachāng samphang kahaiwui thili Khristali ngarum kahaiwui vang katang makhavai tekhamatei samphangrum khavai hokhuikhame, lumashankatha Varena nathumli kākashung, khangazip, pangshap kala rungshing kahai mira.

1 PETER 5:12

Shitsangkapai ichinā Silaswui khangachon khuilaga sha̱lak kahai chithi hi kagapina. Kasatkasang eina ngasoda tui hi Varewui lukhamashanlaka da shākhi khamina. Tui hili nganingtitlu.