1 PETER 4:1 - Kathara Bible (BSI)

¹ Khristana kachotkachāng phunghaokada nathumla Khristawui kaphaning thada phaning khavai ngarānlu. Khiwui vangkhala jilaga phasāli kachotkachāng samphang kahaibing moreili mazangluimana.

1 PETER 4:1 Iomraidhean Croise

ISAIAH 1:16

Nathum khalatta pheohaolu; nathum khalatta samathākhuilu; nathumna sāda khalei makaphā otsak chi imikwui eina khuithuihaolu; makaphā kasā thāhaolu.

EZEKIEL 16:41

Kala athumna nawui shim thotāmihaora kala sha̱naobingwui mangāli nawuitungli bichar sāra; ina nali khayorva̱̱ masā ngasakluimara, kala nanala mamasāluimara.

MARK 3:3

Chieina Jishuna pāng sheikasha̱a chili, “Hili rālu” da hoi:

ROMNAO 6:11

Chithada sāda nathumla moreili thihailaga Khristawui mangā eina Varewuili ringda lei kaji phaningphalungra.

ROMNAO 6:2

Maningphutmana! Ithum moreili thihaira, chithākha kathada chiwui lungli ringchingpairakhala?

ROMNAO 6:7

kachiwui vangkhala kaja mi akha thikahai tharan morei pangshapwui eina ningkhānhaira.

GALATIANAO 2:20

chieina ringda khalei hi I maningluimana, kha Khristana ili kharingna. Arui ina ringda khalei hi Varewui Naomayara ili leishida amanglā chihokhame chili shitkasang mangā eina kharingna.

GALATIANAO 5:24

Jishu Khristawui ngasa kahaibing chiya mikumowui khangachā khamathang kala ningkachāng saikora chi chithithaira.

EPHESIANAO 6:13

Chiwui vang eina ara Varewui raisāri chi shaksākhuilu! Chithākha makaphā zimiksho kharā tharan yangkashebingna rai rākatāli ngasungshapra; kala raikup vāshungda ngarar kahaiwui thilila nathum leisachingra.

KHALATLUI 27:10

Chiwui vang eina aja ina kagaso hi Proho nathumwui Varewui shiyan kala awui ningkhami mayonda awui kahāng nganālu.”

PHILIPPINAO 2:5

Nathumla Jishuwui kasākhavā thada sālu.

HEBREWNAO 12:3

Morei kaphungbingna ali kaphen chi ana kathada khāngmikhala kaji phaninglu. Chithākha nathum malungkharing kala ning suikatā maleimara.

HEBREWNAO 4:10

Varena awui ot sālaga ngasāmkakhui thada, ali kazangbingla kachichāwui ot kasāwui eina ngasāmkhuira.

1 PETER 2:21

Varena hikathāwui vang nathumli kahona, kaja Khrista khalatta nathumwui vang chotmi kala ngayo khavai haimi. Chieina nathumna awui pheichon kazunpaira.

1 PETER 3:18

Kaja Khristanala morei kaphungbingwui vang thimikhashida ngachanghaira, ithumli Vareli thānzang khavai katharali makatharabingwui vang phasā eina chithita, kha manglā eina ringlui ngasaka.