1 PETER 3:9 - Kathara Bible (BSI)

⁹ Makaphāwui vang makaphā masaalu, khonkashiwui vang makhonshialu, kha somitha̱lu, khikhalajila nali hokhuithang Varena sokhami hi ngashitsang kahaina.

1 PETER 3:9 Iomraidhean Croise

HAOKAPHOK 42:25

Chiwui thili athumwui khao chi kashakazā chipem ngasakta athum kachiva̱wui pheisā chi athumwui khaoli sangmiluihaolu da kasoi; kala athum shongfali zākhavai sangmilu kaji athishurda sangmi.

CHĀNSAM 17:13

Kaphā sākhamiwui vang makaphā hanmiakha, makaphā chi awui shimkhurwui eina mathuimara.

CHĀNSAM 20:22

“Ina kashi hanmira” da mahāngalu, Proholi ngarailu, ana ngachonmira.

CHĀNSAM 28:10

Khangaronga mili makapha apongli thānkhangui mi chi awui chomli khalatta tāzangra; kha shāt makakā mina khamathā shimlui khuira.

MATTHEW 19:29

Kala iwui mingwui vang shim lah chinao ngarā, azarva̱ ngarā, ava̱-avā, naongarā kala ram horkahai mi kachiva̱ shākha mataida samphangra kala makashimān kharing mirin mathunkhuira.

MATTHEW 25:34

Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;

MATTHEW 5:39

Kha ina nathumli kahāngna: Nali khalāng ot sākahaia chili athut makhuialu, kha namaisor yāshong kapheakha lākhavākla ngareimilu.

MATTHEW 5:44

Kha ina nathumli kahāngna, nathumwui yangkasheli leishilu kala rekakharekabingwui vang seihā sāmilu.

MARK 10:17

Jishuna kharam vākhavai zatphokluishit kaji tharan mi akha ngasamrāda khuktizanglaga ali rangahāna, “Kaphā Ojā, makashimān kharing samphang khavai ina khi sārakhala?”

LUKE 10:25

Yanglu, ain kathema akhana Jishuli chāng tamyangkida nganingkāda hānga, “Ojā, ina makashimān mirin mathunkhui khavai khi sarakhala?”

LUKE 18:18

Chiwui thili Jihudiwui kathāna akhana Jishuli rāngahāna, “Kaphā Ojā, makashimān kharing samphang khavai ina khi sārakhala.”

ROMNAO 12:14

Nathumli rekakharekbingli somi khavai Vareli pomilu, mha, makhonshila somi khavai pomilu.

ROMNAO 12:17

Kachikathāna nali makaphā sālala athut makhuialu, kha mi saikorana kaphā otna da kaphaning chi sālu.

ROMNAO 8:28

Ithumna thei kaja Varena awui kharin leida hokhui kahaia ali leikashebingli ana ot saikorali kaphā sārumchinga.

ROMNAO 8:30

Chithada sāda Varena kapangkhui kahaibing chili hokhui kala hokakhuibing chili ana mashungmi, kala athumli awui tekhamatei samphangrum ngasaka.

GALATIANAO 3:14

Khristawui mangā eina Gentilebingli Varena Abrahamli ngashitmi kahai sokhami chi samphangpai khavai Khristana chi tākam eina thimi, chieina Varena ngashitmi kahai Manglā chi shitkasang mangā eina ithumna samphangpaira.

EPHESIANAO 4:32

Chiwui mahutliva Khristawui mangā eina Varena nathumli pheokhami chithada, nathum akha eina akha pheomi ngarokta malungkhanim eina ningngaishi ngaroklu.

1 THESSALONICANAO 5:15

Mi khipānakha khayonwui vang khayon masāroralu, kha atam kachida akhana akhawui vang kala mi kachiva̱wui vang kaphā sākhami hi nathumwui kharin ngasālu.

HEBREWNAO 12:17

Nathumna thei kaja naoda ana avāva̱wui sokhami chi ningchāngda samphanglui khavai phālala ali khalanhaowa, kaja ana chāra̱ tāda kahaolala ningngatei khavai atam masamphangluimana.

HEBREWNAO 6:14

Ana hānga, “Ina somida nawui ara̱-azā kachungkha mira da shākhi kasāna.”

1 PETER 5:10

Kha nathumna kasha̱nakha kachotkachāng samphang kahaiwui thili Khristali ngarum kahaiwui vang katang makhavai tekhamatei samphangrum khavai hokhuikhame, lumashankatha Varena nathumli kākashung, khangazip, pangshap kala rungshing kahai mira.

1 SAMUEL 26:11

Prohona thao neomi kahaia chili pāngkakā Prohona mamayāmana; kha akuishakli shunkahai kazei eina tara̱ phungkhavai chi khuilu, laga thuiusa.”