1 PETER 3:8 - Kathara Bible (BSI)

⁸ Naomeikapta, nathum saikora ngaraikachā ningphanin kala ningngai leiphalungra; akha eina akha chinaongarā thada leishilu, kala akha eina akha lumashanthei ngarokta lāngkaso ningngai malei ngarokphalungmara.

1 PETER 3:8 Iomraidhean Croise

LAA 103:13

Avāva̱na anaomayarali lukhamashan thāda, ali khangacheebingli Prohona lumashana.

CHĀNSAM 28:8

Awui lan atar eina chungsang khangasaka kala mataisang khangasaka chipāwui lan kachāmali lukhamashan katheia awui vang kazipmi kahaina.

ZECHARIAH 7:9

“Saikorawui Prohona kahāngna: Khamashung bichar sāmilu, lumashantheilu kala kachichāwui achināli ningshi ngaroklu,

MATTHEW 18:33

ina nali lumashankhami chithada nanala nawui ngasota raopā chili malumashanmipaimala?’

LUKE 10:33

Kha Samarianao akha kha̱ram vākida zatta leilakha mipā china khalei apam chili vāshunga, kala ali kathei eina lumashanlakhaowa.

OTSAK 2:1

Pentecost zimiksho kharā eina shitkasangabing saikora apam akhali kaziprumsai.

OTSAK 27:3

Akhama kathā ithumna Sidonli vāshunga. Juliusna Paulli phaningmida awui ngasotnaobinglila vāyang ngasaka kala khangachonla khuingasaka.

OTSAK 28:7

Apam chiwui eina matānāla yikuiram chiwui awunga Publiuswui lam kateokha leisai. Ana ithumli ngahānngailak eina samngarokkhuida zimiksho kathumthangwui vang awui shimli ngasāmkhui ngasaka.

OTSAK 4:32

Chitharan shitkasanga saikora ningla khokkha sāda leisai, kala khipānakha awui khalei lan chi awuina da maphaningla khalalei saikora yarui katongawuina da phaninga.

ROMNAO 12:10

Akha eina akha Khristawui lungli chinaongarāwui leikashi mida leishi ngaroklu. Akha eina akha khayāshi ngaroklu.

ROMNAO 15:5

Khrista Jishuna sāchithei kahai chi shurda khangachei makhalei kala ninglum khangasaka Vare china nathumli khokkha kasāwui ningngai miranu.

1 CORINTHNAO 1:10

Ivānaongarā, Proho Jishu Khristawui ming singda nathumli kapona, nathum mayā ngaroklu, makai ngarokalu; kaphaning kala kharin akhamāng leilaga khokkha sāchaolu.

1 CORINTHNAO 12:26

Phasāwui akai akha kazākha saikora chotruma, akai akhali khayākashi miakha saikora mathānruma.

EPHESIANAO 4:2

Atam kachiva̱li ngahuilu, tākuihailu kala ningzinghāringhailu. Akha eina akha khāngmi ngarokta nathumwui leikashi chitheilu.

EPHESIANAO 4:31

Ningkakhā, ningkachot, malungkhavāt, khonkazār, khamashāt, kala yangkharing khangarok saikora chi horserhaolu.

EPHESIANAO 4:32

Chiwui mahutliva Khristawui mangā eina Varena nathumli pheokhami chithada, nathum akha eina akha pheomi ngarokta malungkhanim eina ningngaishi ngaroklu.

PHILIPPINAO 2:3

Khalatta masotmasaoalu, kha akhana akhali phāmeiya da phaning ngaroklu.

PHILIPPINAO 3:16

chithālala arui rāshungda ithumna shurrā kahai ainzā athishurda mangāshong muivāsa.

COLOSSIANAO 3:12

Nathum Varewui mina, ana nathumli leishiya kala awui mi sākhavai kapangkhui. Chiwui vang eina nathum khalatta lumashankathei, ningaikashi, khangahui, malungkhanim kala ja̱khami hi kachon khangavai thada ngavailu.

HEBREWNAO 13:1

Chinaongarāwui leishāt nathumwuili leingasakchinglu.

JAMES 2:13

Kaja bichar kasā tharan lumashanmi kahai makhaleia ā chili Varena malumashanmimara, kha bicharliva lukhamashana yui.

JAMES 3:17

Kha atungshongwui eina kharā thangkhamei chili rimeikapta kathar, chiwui thili chingrihaikapai, tākui kahai, mayā khangarok, lukhamashana kapem kala kaphā atheimānga, phākakhaning kala ningmakathar maleimana.

JAMES 5:11

athumli khamahai hoi kaja athumna sipkasā khānga. Nathumna Jobwui ningzinghākharing shāhaira kala Prohona naoda ali kayākha mataisangmikhala kajila nathumna theihaira, khikhalajila phaningkhami kala leikashina pemtinghai.

1 PETER 1:22

Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.

1 PETER 2:17

Mi saikorali khayāshilu, avānao ngarāli leishilu, Vareli ngacheelu, kala wungreili khayāshilu.

1 PETER 5:5

Chithada sāda khanuithotbing ararnaobingwui kahāng nganālu kala nathum akha eina akha otram ngatha̱mi ngarok khavai khangahuiwui sāri ngavailu, kaja hithada kapihaida lei; “Varena langkasobingli ngasunga kha khangahuiale lumashanmi.”

2 PETER 1:7

dharma kaphaningli chinao ngarāwui khamashit kala chinaongarāwui khamashitli khalem leishāt ngarumsanglu.

1 JOHN 3:14

Ithumli kathiwui eina kanshokmihaira kaji ithumna thei, kaja ithumna achināngarāli leishi. Maleikashebing chi aruila thida lei.