1 PETER 3:7 - Kathara Bible (BSI)

⁷ Chithada sāda gahara ngarā, preiva̱ ngarāli ngasopamda athum ngazanmei kaji theiphalungra. Khayākashiwui khalum eina ngasoda ot sakrumlu. Chieina Varewui lukhamashan mirinwui lemmet chi nathumna samphangra. Chithākha nathumwui seihā kasāli masheikhautmara.

1 PETER 3:7 Iomraidhean Croise

JOBWUI LAIRIK 42:8

Chiwui vang eina mukkā shini, yaovā shini khuilaga iwui rao Jobwuili nathum khalattawui vang rikkatāchigat chigatlu; kala iwui rao Jobna nathumwui vang seihā sāmira, kaja nathumwui mangma̱sak athishurda nathumli masā khavai awui seihā kasā ina khuisangmira; kaja iwui rao Jobna kasā thāda iwui pongli nathumna khamashung chi mamatuimana.”

MATTHEW 18:19

Ina nathumli hāngluishitli, nathumwui ngachaili mi khanina kachikatha akha kapo chi okathuili mayā ngarokakha, kapo chi kazingramli khalei iwui Avāna mira.

1 CORINTHNAO 7:3

kala sha̱nao kachiva̱na kachichā gahara leiranu, mayarana gaharawui acham sāda kala sha̱naopāva̱na preiva̱wui acham sāda ningyang ungasak ngarokta ngakumranu.

EPHESIANAO 3:6

Ngathum kahai tui chi hina; paokaphāwui mangā eina Gentilebingna Varewui sokhami chi Jihudibingli ngarumda samphanga kala shimluikatruma sāda Khrista Jishuwui mingli ngashitmi kahai chi samphangrumra.

EPHESIANAO 4:30

Kala ngatangkhami zimikshowui vang nathumli mahor namkahai Varewui Manglā Kathara chili makhanang ngasakalu.

EPHESIANAO 5:33

Chithālala hila nathumli kahāngna: gahara kachiva̱na khalattali leikashi thada preiva̱li leishiphalungra kala preiva̱ kachiva̱nala gaharali khayāshiphalungra.

EPHESIANAO 6:18

Manglāna thānkhami chiwui alungli Varewui khangachon samphang khavai otsak saikorali seihā kasā eina ngasoda polu. Varewui mibingwui vang seihā sāmichinglu.

COLOSSIANAO 3:19

Gahara ngarā, preiva̱ ngarāli leishilu kala masāshialu.

1 THESSALONICANAO 4:4

Nathumwui alungli mi kachiva̱na apreiva̱li kathar eina kala khayākākapai apong eina kathada okthuirumrakhala kaji theiphalungra.

TITUS 3:7

Chieina awui lukhamashan mangā eina ithumli mashungmida ithumna kachihān makashimān kharing mirin chi samphang ngasaka.

HEBREWNAO 1:14

Athum hi kahui samphangki kaje athumli otram ngatha̱mi khavai chihorā kahai sheba sāme manglābing maningmala? Kala huimiki kajibingli ngachonmi khavai chihokharā manglā maningmala?

1 PETER 3:1

Hithada sāda preiva̱ ngarā, nathum khalatta gahara ngarāli hamsanglu. Chieina athum kaikhana Vare tui hili mashitsangsālala nathumwui acham-aramna athumli yuikhuida shitsang ngasakakha nathumna tuikhur akha hānglui khavai maleiluimana.