1 PETER 3:4 - Kathara Bible (BSI)

⁴ Kha Varewui miktāli aman kasaka tākui kahai kala khanima ningngai, mashimānkapai eina wuklungwui khangathuma mi sāthulu.

1 PETER 3:4 Iomraidhean Croise

LAA 131:2

Kha naona ava̱wui mathikli chingri kahai thāda, imanglā chingrihai; chingri kahai nao thāda imanglāla chingrihai.

LAA 147:6

Khangazanabingli Prohona khāngmathota; makaphā makhayābingli ana ngaleili hortai.

LAA 149:4

Kaja Prohona awui mibingli ningyāng unga; malungkhanimbingli maiyāda yuingasaka.

LAA 25:9

Malung khanimali ana khamashung chili thānmi, kala khanimabingli awui apong tamchitheimi.

LAA 45:13

Wungnao ngalāva̱ sinā rukkasang sāri ngavaida awui kāli ngavaipama;

LAA 51:6

Yanglu, nana alungli khamashung chi ningchānga; Chiwui vang eina khangathuma wuklungli ili awor tamchitheimilu.

ISAIAH 11:4

Kha khamashung khangarong eina ana kachāmabingli bichar sāmira; kala okathuiwui malung khanimbingli mashun eina tāzakta machukmira, kala okathuili awui khamorwui lijei eina ngaphitra, kala amorchaiwui khaksui eina makaphā makhayābing chili sāthatra.

ISAIAH 29:19

Malungkhanima china Prohowui khamathān samphangra; kala miwui ngachaili kachāmabingna Israelwui Kathara Ali mathānra.

ISAIAH 57:15

Kajuiya khamaso kala mashimānda khalei Kathara kahopa china hithāda hānga, “Kajuiya katharapamli ina pama, ning ngateida hamkasanga ali ngasoda; hamkasangabingwui manglā thuimathuk khavai, ning khangateibingwui wuklung mathuk ngasak khavai sāmi.

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

JEREMIAH 51:59

Judahwui awunga Zedekiahna mungda khamate kum, Jeremiah marān eina awunga Babylonli ngasokhava tharan, Mahseiahwui nao Neriahna kapharā Seraiahli Jeremiahna kakaso tui china. Seraiahna lan kasinga sāsai.

MATTHEW 11:29

Iwui kashai hieina phunglu kala iwui eina tamkhuilu; kaja iya malungkhanima, wuklung tākui kahaiana, kala nathumna ngasāmkakhui samphangra.

MATTHEW 21:5

“Zionwui naongalāva̱li hānglu, Yanglu, nawui awunga nawuili rārāli! ngahuiri eina, gadhātungli, gadhā chiwui avānaoli tongda.”

MATTHEW 23:26

Mik khangapeo Phariseebing! Rida tengkot eina khongpheiwui alung chi pheomathāhaifalu. Chithākha ayarla tharpaira.

MATTHEW 5:5

Khanimabing chi sokhamina, khikhalajila athumna okathui chi mathunkhuira!

LUKE 11:40

Mangkhama̱bing! ayar kasaa china alungla kasā maningmalā?

LUKE 16:15

Kha ana athumli hānga, “Mibingwui miktāli nathum khalatta mashungkhui khavai sāzata, kha Varena nathumwui wuklung theisera, kaja mibingwui miktāli khamathāna da kakhui hiya Varewui miktāli ningkakachaiya otna.

ROMNAO 1:23

kala athumna kathi makhangavā Vareli makhorumla thikapaiya mikumoli, vānaoyurbingli, sāyurbingli kala phara̱-pharāli ngamānda sākakhui ama̱bingli khorumhaowa.

ROMNAO 2:29

Kha alungli kala ningli rimkashoka china Jihudi akachangana, kaja hi kapi kahai ainwui otsak maningla kha Manglāwui otsakna. Chieina hikathā kasā mi chili mikumona maningla kha Varena kaso samphangra.

ROMNAO 6:6

Ithumna thei kaja morei sākhangaiwui khangachā chi shimān khavai kachama khangachā chi Khristali ngasoda krushtungli thingasakhaira. Chieina ithum ara moreiwui rao masāluimana,

ROMNAO 7:22

Varewui ain chi iwuklungli ningyāng unglaka.

2 CORINTHNAO 10:1

Ngasopamlakha nimsorhai, tāda pamakha sāshilak kaje Paul, ina Khristawui khanim kala khangahui eina nathumli kapona.

2 CORINTHNAO 4:16

Chiwui vang eina ithumna ning masuitāmana. Ayarwui khangacha chi kashimān thālala alungshongwui khangacha chi thangkachida dharngasakchinga.

GALATIANAO 5:23

malungkhanim kala khalatta khangarin hikathā shokngasaka. Hikathāwui vang ain mavaimana.

EPHESIANAO 4:2

Atam kachiva̱li ngahuilu, tākuihailu kala ningzinghāringhailu. Akha eina akha khāngmi ngarokta nathumwui leikashi chitheilu.

COLOSSIANAO 3:12

Nathum Varewui mina, ana nathumli leishiya kala awui mi sākhavai kapangkhui. Chiwui vang eina nathum khalatta lumashankathei, ningaikashi, khangahui, malungkhanim kala ja̱khami hi kachon khangavai thada ngavailu.

COLOSSIANAO 3:3

Kaja nathum thihaira kala nathumwui mirin chi Khristali ngasoda Varewui lungli thumkahaina.

1 THESSALONICANAO 4:11

Ithumna rida hāngkahai thada chingri kahai mirin ringkhavai, na khalattawui otli ningkasang kala nathumwui pāng eina ot kasā chi nathumwui mirinwui kharin ngasā ngasaklu.

2 THESSALONICANAO 3:12

Hikatha mibingli Proho Jishu Khristawui ming singda, athumwui ot shukshuk sākhavai kala kachichāwui kashakazā pheikhui khavai kakasona kala khamachinna.

1 TIMOTHY 2:2

awungabing kala pangshap kasingbingwui vangla pomilu, chithākha ithum dharmawui ponglila, acham-aramwui ponglila khonkazar maleila chingri eina okthuira.

2 TIMOTHY 2:25

Yangkashebingli kaphā eina mashungkakhui ngasāphalungra. Chithākha Varena athumli ningngatei ngasakta khamashung theikhui ngasakpai.

TITUS 3:2

Khipalikha kashi tui mamatui khavai, makharar khavai, kha malungnim khavai, mashit khavai kala mi saikorali ngahānthei khavai hānglu.

JAMES 1:21

Chiwui vang eina makathar kala makaphā-makhayā acham aram saikora chihohaida Vareli mayālu, kala nathumwui ningli lingsangmi kahai huimishapa tui chi malungkhanim eina khuisanglu.

1 PETER 1:23

Varivarawui kharinga kala leiching kaje tui chiwui mangā eina shimānkapai athā eina maningla mashimānkapai athā eina nathumli pharā ngasakluishithaira,

1 PETER 3:15

Kha nathumwui wuklungli Khristali khayāshilu kala Prohona da mayālu. Ali kachihānwui pongli nathumli ngahānakha ngahānkāthei khavai ngarān kharirikhailu.

1 SAMUEL 16:7

Kha Prohona Samuelli hānga, “Azakli mayangalu, lah asho-areplila mayangalu; khikhalajila ali ina mamayāmana. Kaja miwui thāda Prohona azakli mayangmana; kha Prohova wuklungli khayangna.”