1 PETER 3:14 - Kathara Bible (BSI)

¹⁴ Khamashung khangarongwui vang nathumna kachotkachāng samphangsālala, nathumli somira, khipālikha mangacheealu kala wukla makhanangalu.

1 PETER 3:14 Iomraidhean Croise

CHĀNSAM 3:25

Kashuirak kahai khangachee, lah makaphaali shimān khangasak rālala mangacheealu;

ISAIAH 51:12

“Nathumli ringpha khangasaka chi ina; thikapai mibingli khangachee, kala khawo thāda sākhui kahai miwui naomayarabingli khangachee,

JEREMIAH 1:8

Athumli mangacheealu, kaja nali kanmi khavai ina nali ngasomida lei da Prohona hānga.”

JEREMIAH 15:15

“O Proho, nana katheina; ili phaningungda ngachonmilu, kala ili rekakharekbingli iwui vang athut khuimilu. Nana khāngkatheiwui alungli ili makhuithuimilu; namingwui vang ina miwui malungkhavāt samkaphangna kaji katheimilu.

EZEKIEL 3:9

Nakhavei khamarar marili mararmeida sāmihaira; athumli mangacheealu, kala athumwui azakli mangacheealu, kaja athum hiya ngakaikashe shimkhurna.”

MATTHEW 10:28

Phasāli sāthatshaplaga manglāli masāthatkharar athumli mangacheealu. Kha kazeiramli phasā eina manglā khanini sāshimānmikashapa Vareli ngacheelu.

MATTHEW 10:31

Chiwui vang eina mangacheealu, konghi kachungkhali nathum aman sakmeikhara.

MATTHEW 10:39

Kachikathāna awui mirin mashimān khavai saakha shimānra; kha mashivāmla iwui vang eina mirin mikashapa china ringra.

MATTHEW 16:25

Khikhalajila, awui mirin ngatangkhuira kaje a chi shimānra; kala kachikathāna iwui vang eina awui mirin shimānmiakha ana chi samphangra.

MATTHEW 19:29

Kala iwui mingwui vang shim lah chinao ngarā, azarva̱ ngarā, ava̱-avā, naongarā kala ram horkahai mi kachiva̱ shākha mataida samphangra kala makashimān kharing mirin mathunkhuira.

MARK 10:29

Jishuna hānga, “Kachangkhat eina ina kahāngna, shimluila, achinā ngarāla, azara̱ngarāla, ava̱-avā kala naongarāla iwui vang kala paokaphāwui vang horhaishapakha

MARK 8:35

Kaja khalatta awui mirin huikhuiki kaje a chi awui mirin shimānra; kala iwui vang kala paokaphāwui vang mirin shimankhame a china ringra.

JOHN 14:1

Jishuna hānga, “Wuk makhanangalu; Vareli shitsangmalu, kala ilila shitsanglu.

JOHN 14:27

“Ina nathumli chingri kahai haikhamina; I khalattawui chingri kahai nathumli khamina. Okathuina khami thada nathumli khami maningmana. Wukmakhananglakalu; khangacheela mangacheealu.

OTSAK 9:16

Ana iwui mingwui vang kayākha chotchangra̱khala kaji ina ali chitheira.”

2 CORINTHNAO 12:10

Khristawui vang khangazan, maikashi, kakhanang, rekakharek kala kasak saikora ina phungngailaka. Kaja khangazan tharan pangshap samphanga.

PHILIPPINAO 1:29

Khristali shitkasangmāng maningla kha awui vang kachotkachāng phungda otram ngatha̱ khavai nathumli atam kachā mihaira.

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

JAMES 5:11

athumli khamahai hoi kaja athumna sipkasā khānga. Nathumna Jobwui ningzinghākharing shāhaira kala Prohona naoda ali kayākha mataisangmikhala kajila nathumna theihaira, khikhalajila phaningkhami kala leikashina pemtinghai.

1 PETER 3:6

Sarahna chithada sai; agahara Abrahamwui kahāng nganai kala ali “Iwui amei” da hoi.