1 PETER 2:9 - Kathara Bible (BSI)

⁹ Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.

1 PETER 2:9 Iomraidhean Croise

LAA 106:5

chieina nana kapangkakhuibingwui mirin, mataikasang inala theira, chieina nawui miyurwui khamathān chili I ringphāra; chieina nawui shimluikat eina ina tekmateira.

LAA 118:27

Proho hi Varivarana, kala ana ithumli kahor mihaira. Hanphutwui angaji pam vāshungda, ringkaphāwui thingphāng singvālu.

LAA 135:4

Kaja akhalattawui vang Prohona Jacobli kapangkhui, Israelli awui vang sākhangasak thāda.

LAA 22:30

Rākhanao thotna ali otram ngatha̱ra; mibingna khanuithotli Prohowui pongli hāngmaronra,

LAA 33:12

Proholi Vare sāda kakhui yur, awui shimluikat sākhavai, kapangkhui kahai mibing sokhami ngasaranu.

LAA 73:15

“Chithāda Ina matuira” da ina hānghaisaakha nawui naomayarawui thotli ina kahatna.

ISAIAH 26:2

Ngavei chi sholu, shitkasang khamayona khangaronga yur zangranu.

ISAIAH 41:8

Kha na iwui rao Israel, ina kapangshok kahaia Jacob, iwui ngasotnao Abrahamwui ara̱-azāna;

ISAIAH 42:16

Kala ina mik khangapeoali athumna makathei apong eina, athumna matheilak kaja shongfali thānzatra. Ina athumwui mangāli tangkhamang chi horngasakra, kokataropam ashāt sāngasakra, saikora hi ina sāserra, ina athumli mahorhailakmara.

ISAIAH 44:1

“Kha ara nganālu, O iwui rao Jacob, ina kapangkhui kahai Israel!

ISAIAH 61:6

Kha nathumle Prohowui pāngmonbing hora, nathumli Varewui otram khangatha̱bingna da mibingna ngazekra; yurbingwui lan nathumwui kashakazā sāra, athumwui kashāng chi eina nathumna hekmaheira.

ISAIAH 62:12

Kala athumli Kathara Miyur, Prohona ngatangkakhuibing hora, kala nathumli Phakhui kahaiva̱ mahor kahaiva̱ keinung hora.

ISAIAH 66:21

Athum kaikhali pāngmon kala Levibing sākhavai ina kapangkhuira da Prohona hānga.

ISAIAH 9:2

Tangkhamangli zatkasābingna kahaka kahor akha theihaira; tangmangting kahai ramli okthuikasabing, athumwuitungli kahor hormihaira.

MALACHI 3:17

“Athum iwui ngasāra, kala ina ot kasā tharan iwui shimlui ngasāra, kala mi akhana ali otram ngatha̱khame anaomayarali yangkhami thāda inala athumli yangmira, da saikorawui Prohona hānga.

MATTHEW 4:16

Tangkhamanglungli pamda khaleibingna kahor kahaka akha thei. kala leiret chili kapambing eina kathi khaya̱li khaleibingwuitungli kahor china hormihaira.”

MATTHEW 5:16

Nathumwui kahor chi mibingwui mangāli horngasaklu, chithākha athumna nathumwui kaphā otsak chi theilaga kazingramli khalei nathumwui Avāli masochikatra.

LUKE 1:79

tangkhamang kala kathi khaya̱lungli kapambingli kahor mira, kala chingri kahai pongli zatkhavai thānmira.”

JOHN 17:19

Kala athumna khamashung eina chigatshap khavai I khalatta nali kachigatna.

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

OTSAK 26:18

Nana athumwui mik rakngasakra, kala tangkhamangwui eina kahorli latung ngasakra kala Satanwui pangshapwui eina Vareli latung ngasakra. Chithada sāda athumna ili shitkasangwui vang athumwui morei pheokhami samphangra kala Varewui kapangkhui kahai mibingwui ngachaili zangpaira.’

OTSAK 26:28

Agrippana Paulli hānga, “Atam kasha̱kha hiwui alungli nana ili Christian onngasakshapra da phaningla?”

ROMNAO 9:24

Kaja ithum ana hokhui kahaibingna, Jihudibingmāngli maningla kha Gentilebingla zanga.

1 CORINTHNAO 3:17

Kachikathā akhana khorumshim shimān ngasakakha Verena ali shimān ngasakra. Kaja khorumshim chiya katharana kala nathum awui khorumshimna.

EPHESIANAO 1:14

Varena awui mibingli ngashit kahai ithumna samphangki kaji shimlui chi masamphangranglakha eina tangda Manglā hina shākhina. Awui tekhamatei chili sochikatsa.

EPHESIANAO 1:6

Ithumna awui tekhamatei lukhamashanwui vang Vareli sochikatsa, kaja lemmet chi awui khaluma Naomayarawui lungli ithumli mihaira.

EPHESIANAO 3:21

churchwui alunglila, Khrista Jishuwui alunglila, thot kachida mashimānda Vareli tekmateichingranu. Amen.

KHALATLUI 10:15

Chithālala, navā ngarāli Prohona ningli haida leishimihaokada athumli kala athumwui ara̱-azā nathumli kapangkhui, kala ajawui hithāda yur kateiwui alungli leikhangasakna.

KHALATLUI 14:2

Kaja nathum hiya Proho nathumwui Varewui vanga kathara yurna, kala okathuili khalei yur saikorawui ngachaili awui mi sākhavai Prohona nathumli kapangkhui kahaina.”

KHALATLUI 18:2

Achinā ngarāwui ngachaili athum shimlui maleimara; ana ngashit kahai athishurda, Prohohi athumwui shimluikatna.

KHALATLUI 4:20

Kha nathumli Prohona awui mi sākhavai, hukkachihā meiwui eina, Egyptwui eina thānshokmida aja rāshungda khaleina.

KHALATLUI 7:6

“Proho Varewui mangāli nathuma kathara yurna; Proho nathumwui Varena okathuili khalei miyur saikorawui ngachaili nathumli awui miyur sākhavai kapangkhui kahaibingna.

PHILIPPINAO 3:14

Chiwui vang eina Khristawui mangā eina atungshong Varena ili kahowui sāman chi samphang khavai atāzanshong angatar eina ina kharomzatta lei.

COLOSSIANAO 1:13

Ana tangkhamangwui eina ithumli kanshokmida awui khaluma Naomayarawui wungramli khuiungmihaira.

2 TIMOTHY 1:9

Varena ithumli huimi kala a khalattawui mibing ngasā khavai hokhuihaira. Hi ithumwui kaphā otsakwui vang maningmana, kha awui lukhamashan kala kharin chiwui vangna.

TITUS 2:14

makaphā makhayāwui eina ngatangkhuida awui kathara kala khamareka mi sākhavai a khalatta ithumwui vang chigatmi.

1 PETER 1:2

Avāva̱ Varewui kharin athishurda kapangkhui kahaia kala Jishu Khristawui kahāng nganā khavai kala awui ashee eina chairormi khavai Manglā china kathara mibing sāngasak kahaibingli kagapina. Lukhamashan kala chingri kahai chi chungmataimeida nathumwui ngasāranu.

1 PETER 2:5

Nathum khalatta kharinga lunggui ngasāda manglāwui shim sākālu. Kathara pāngmon ngasā khavai Jishu Khristawui mangā eina Varena khuisangkapai manglāwui hanphut chigatlu.

1 PETER 4:11

Pao hākashoka a china Varewui pao hāshokphalungra; otram ngatha̱mena Varena ali mikahai pangshap chieina ngatha̱phalungra. Chithada sāda katang makhavai tekhamatei Khristawui mangā eina Vareli masot mipaira. Amen.

PHONGKHAMI 1:6

Kala Vare, Avāva̱li otram ngatha̱ khavai ithumli pāngmonwui wungram sāmihaira. Jishu Khristali mashimānda tekhamatei kala pangshap ngasāranu. Amen.

PHONGKHAMI 20:6

Ringkhalui khareli kazang athum sokhami kala kathara ngasāranu! Chikathāwuitungli kakhane kathi china khipangshapkha maleimana kha athum Vare eina Khristawui pāngmon sāda athumna ali ngasoda zingkum thingkha mungrumra.

PHONGKHAMI 5:10

Vareli otram ngatha̱ khavai nana athumli pāngmonbingwui wungram akha semmi, kala athumna okathui hi mungra.”

1 SAMUEL 12:22

Kaja awui hakkhamahā amingwui vang Prohona awui mibingli mahorhaimara, khikhalajila nathum awui miyur khangasā hi awui ringkaphāna.